UGT-Euskadik uste du altzairutegi gehiagok egingo dituztela geldialdiak argindarraren garestitzeagatik
Antonio Rios UGT-Euskadiko Industria Federazioko idazkari nagusia kezkatuta agertu da, Sidenorren iragarpenaren ondotik, beste altzairutegi batzuek ere antzeko neurriak hartuko dituztelako, argindarraren prezio "neurrigabeagatik".
"Uste dugu prezio horiek aurretik zailtasunak zituzten beste lantegi batzuk herrestan eramango dituztela. Beldur gara Arcelor edo Nervacero bezalako altzairutegiei ere eragingo diela eta ezin izango diotela garestitzeari eutsi", ohartarazi du.
Riosek Europa Press albiste agentziari eskainitako adierazpenetan esan duenez, "Espainiako Gobernuak eta argindar enpresek ezer egiten ez badute, arazoa edukiko dugu. Gutxi-asko, enpresek gelditu beharko dute, eta pena da ekoizpena zein eskaera handia zelako".
Hori horrela, garestitze horren kontra zerbait egin dezaketenak jomugan jarri ditu sindikalistak. Riosen hitzetan, "garestitzeak herritarrei eragiten die, baina zenbaitetan ez gara jabetzen enpresei ere asko eragiten diela, jarduera eteteraino".
"Arazoa are larriagoa izango da Euskadin, siderurgiaren sektorea oso indartsua delako. Ea konponbidea topatzen diogun, prezioak gehiago kontrolatzeko eta enpresei erraztasunak emateko", adierazi du.
Riosen esanetan, energiaren prezioak "altzairutegiak geldiaraziko ditu", eta aldi baterako lan erregulazioak egon daitezkeela ohartarazi du.
Zure interesekoa izan daiteke
Euskal ekonomiaren "termometroa" hazkunde apaleko eremura jaitsi da, esportazioengatik
Eusko Jaurlaritzak zabaldutako datuen arabera, EAEko ekonomiaren termometroa 99,7an kokatu zen apirilean (150etik). Datu hori 2025eko urritik izandako txarrena da.
Abiadura handiko trena Abandotik iritsiko da Bilbora, behin-behinean, epeak aurreratzeko
Abiadura handiko trenaren Jarraipen Batzordeak erabaki du mantenimendu-basea Basaurira eramatea, eta erabaki horri esker, 40.000 bat metro karratu erabiliko dituzte Abando inguruan.
Saltokietan eskuko telefonoarekin ordaintzeko aukera emango du Bizumek maiatzaren 18tik aurrera
CaixaBank, Sabadell eta Bankinter izango dira Bizum bidezko ordainketak baimentzen lehenak. Laboral Kutxak ere hilaren 18tik aurrera eskainiko du aukera, baina denda kopuru mugatu batean.
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.