Hezkuntza Sailak 132 milioi bideratuko ditu 2022an beka, garraio eta jantoki diru-laguntzetara
Eusko Jaurlaritzako Hezkuntza Sailak 132 milioi euroko partida bideratuko du 2022an beka, garraio eta jantoki diru-laguntzetara (63,3 milioi bekatarako eta 69 milioi jantoki eta garraiorako). Eskola "inklusibo eta anitz" baten aldeko apustua berretsi du Bildarratzek. Horregatik, politiketan "apustu sendoa" izan behar dela erantsi du.
Aniztasuna eta hezkuntza beharrizan bereziak dituzten ikasleak artatzeko, espezialisten kontratazioan 44 milioi euro inbertituko ditu Sailak.
Sailak prestatutako aurrekontua arratsaldean, Eusko Legebiltzarrean, aurkeztu du Jokin Bildarratz Hezkuntza sailburuak, sailburuordeek lagunduta. 3.235 milioi euroko partida aurreikusi du Sailak, 2021ean baino 127 milioi euro gehiago, alegia.
Hezkuntza sistemak bere osotasunean behar duen eraldaketa digitala indartzeko helburuarekin, datorren urtean ikasturte honetan egindako apustuari eutsiko diote. Ikasleentzako ordenagailuak erosteko, ikasleak trebatzeko eta ikastetxeetan proiektu berritzaileak bultzatzeko 59,4 milioi euro bideratuko dituzte.
Lanbide Heziketari dagokionez, ikasleek jasotzen duten trebakuntza hobetzeko apustuari eutsiko dio Hezkuntza Sailak, "Euskadiko enpresek bete behar dituzten beharrizanen aldaketei etengabe egokituz".
Ikasleen kopurua gora egiten ari da, eta hezkuntza prozesuak konplexuagoak dira, adibidez, goi-errendimenduko lanbide heziketa ezartzeak digitalizazio eta prozesu adimendunetan irakasleak trebatzera behartzen du. Ondorioz, helburua lortzeko aurrekontuak % 83 egingo du gora, 1,6 milioi euro inbertituz.
Azkenik, unibertsitate eta ikerketa alorrei dagokienez, Hezkuntza sailburuak Euskal Unibertsitate Ekosistema babesten jarraitzeko apustu "sendoa" berretsi du, "bikaintasuna" xede.
Unibertsitate koordinaziorako politikak 404 milioi jasoko ditu.
Pandemiari dagokionez, eskola presentzialak izatea bermatu nahi du Bildarratzek. Aldi berean, irakasleak eta hezkuntzako langileak egonkortzea defendatu du sailburuak, horregatik datorren urtean 1.000 lanpostu baino gehiago aterako dituzte lan eskaintza publikora, Radio Euskadin iragan urrian iragarri bezala. "Une honetan behin-betiko kopurua ixten ari gara gizarte eragileekin elkarlanean", jakitera eman du.
Zure interesekoa izan daiteke
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.