Gutxieneko diru-sarreren eskumena eta falta diren besteak oraindik eskualdatu gabe daudela salatu du Urkulluk
Iñigo Urkullu lehendakariak borondate eta jarrera falta aurpegiratu dio Espainiako Gobernuari transferentzien egutegia osorik betetzeko eta falta diren eskumenak Euskadira eskualdatzeko. Horien artean, gutxieneko diru-sarreren eskumena aipatu du. Urkulluren esanetan, gaur-gaurkoz ez du Espainiako Gobernuaren aldetik ez du bere konpromisoak betetzeko beharrezkoak diren borondatea eta jarrera antzematen.
Lehendakariak Deia egunkariak Bilbon antolatutako "2022 Euskadiko erronkak: etorkizuna eraiki pandemiaren bi urteren ondoren" jardunaldian hitz egin du.
Bere hitzaldian, oraindik Euskadira eskualdatu gabe dauden eskumenen balantzea egin du. Lehendakariak nabarmendu duenez, 2020ko otsailaren 20an Espainiako Gobernuak transferentzien egutegia onartu eta urte bereko urriaren 14an konpromiso hori berretsi bazuen ere, "balantzea nabarmen hobetu daiteke".
Maiatzaren 10ean, Transferentzien Batzorde Mistoa bildu zen eta lau eskumen gauzatu ziren, tartean, espetxe eskumena. Gutxieneko diru-sarrerei buruzkoa, ordea, ez dago oraindik Eusko Jaurlaritzaren esku. Lehendakariaren arabera, Espainiako Gobernuak akordioa hiru aldiz berretsi badu ere, ez du adostutakoa gauzatzeko pausoa eman. "Falta diren gainerako transferentziek egin gabe jarraitzen dute", gehitu du.
Bestalde, gaur bertan, Urkullu lehendakaria Isabel Rodriguez Lurralde Politikako ministro eta Espainiako Gobernuko bozeramailea lehendakariarekin batzartuko da, 13:00etan, Ajuria Enean.
Zure interesekoa izan daiteke
Lekeitioko arrantzale bat hil da Senegalgo uretan
Bermeoko ATUNSA enpresako langilea zen. LAB sindikatuaren esanetan, "heriotza ez traumatiko" gisa sailkatu dute, eta enpresa horretan aurten izan den bigarren heriotza ez traumatikoa izan dela salatu du.
Pakistandarrak lanean esplotatzeagatik ikertutako hiru pertsonak aske utzi dituzte, Espainiatik irtetea galarazita
Ikertuek epailearen aurrean ez deklaratzeko eskubideari heldu diote, eta epaileak pasaportea kentzea eta hileko lehenengo egunean eta hamabosgarrenean epaitegian agertzea agindu du.
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.