Petronorrek abiatu du lantegia eguneratzeko geldialdia, eta % 50ean arituko da
Gaurtik hasita, eta 50 egunez, % 50ean arituko dira Petronorren. Muskizko petrolio findegiak geldialdia abiatu du gaur lantegia eguneratzeko, eta 58 milioi euroko inbertsioa egingo du.
Etenaldian, findegiko unitateak aztertuko dituzte, dagozkien mantentze eta inbertsio lanak egiteko.
Zehazki, 2011n martxan jarri zuten koke fabrikan egingo dituzte azterketa lanak. 1.006 miilioi euroko inbertsioa egin zuten instalazio horretan, EAEn inoiz egin den inbertsio industrial handiena. Horri esker, Petronorrek nabarmen murriztu du fuel-olioaren ekoizpena, eta eskaera handiagoa duten beste produktu batzuen ekoizpena ugaritu du: propanoarena, butanoarena, gasolinarena eta gasolioarena.
Mantentze lanetan, besteak beste, dorreak, ontziak, labeak, segurtasun-balbulak, makinak, tresneria eta azpiestazio elektronikoak aztertuko dituzte. Halaber, hobekuntza teknologikoak iragarri dituzte lantegien eraginkortasun energetikoa indartzeko.
50 egunez, bada, 1.000 langile gehiago egongo dira Petronorren lanean, eta, tarteka, 1.400 langile gehiago izatera iritsiko dira.
Guztira, 40 bat enpresak hartuko dute parte geldialdian, eta horien erdiak euskal enpresak dira. Petronorreko langile guztiek formakuntza berezia jaso dute, segurtasuna bermatze aldera.
Geldialdia bukatzen dutenean, instalazio industrial "berria" estreinatuko dute. Zuzeneko 940 langile eta zeharkako 6.000 arituko dira instalazio "berri" horretan lanean, eta % 9,7ko pisua izango du EAEko ekoizpenean.
Zure interesekoa izan daiteke
?fmt=webp-alpha&qlt=80)
Tubos Reunidoseko lan-egutegiak legezko prozedura jarraitu gabe aldatzen saiatzea salatu du ESK sindikatuak
Horren arabera, altzairutegian aritzen diren beharginek arratsaldez edota gauez bakarrik lan egin beharko lukete. ESK sindikatuak uste du neurri horrek eragin negatiboa izango lukeela kaltetutako langileen atsedenean zein osasunean.
Zarauzko eta Bergarako IAT zentroetako langileek greba mugagabea iragarri dute astelehenetik aurrera
Gipuzkoako gainerako IAT lantegietako lan-baldintzak eskatzen dituzte beharginek. Urtean 133 ordu gehiago egiten dituzte lan, eta 2.000 eta 8.000 euro artean gutxiago kobratzen dute.
Jaurlaritzak uko egin dio Osasun Kohesiorako Funtsari 51 milioi ordaintzeari, "neurriz kanpoko" kopurua dela iritzita
Alberto Martinez Osasun sailburuak egungo konpentsazio-sistema berrikustea eskatu du. "Arau argiak, babes nahikoa eta irizpide homogeneoak lurralde guztientzat", esan du.
Volkswagenek bere modelo sorta erdira murriztuko du "segmentu errentagarrienetan" kontzentratzeko
Konpainiak neurri sorta bat iragarri du, bere eskaintzaren konplexutasuna % 75 murriztea eta ibilgailuen urteko ekoizpena hamar milioitik bederatzira jaistea aurreikusten duena.
25 urteko langile bat larri zauritu da Azkoienen, eskailera batetik erorita
Baratze batean ari zen lanean, eta erorikoaren ondorioz, buruan kolpe larria hartu du. Helikoptero medikalizatuan eraman dute Nafarroako Unibertsitate Ospitalera.
ENBAk neurriak eskatu ditu Eusko Label haragiaren "sektorearen egoera kezkagarriaren aurrean"
Azken bost urteotan, Eusko Label behi-azienden ustiategien kopurua % 25 jaitsi da. Haragi ekoizleek ohartarazi dute kostuen igoerak eta errentagarritasunaren jaitsierak arriskuan jartzen dutela sektorearen etorkizuna. Izan ere, ekoizpenean gehitutako kostuen ondorioz, abeltzain askok Euskaditik kanpo saldu behar dute haragia.
Etxebizitza babestuen % 30 errenta ertainentzat gordeko du Eusko Jaurlaritzak
Urtean 20.000 eta 46 000 euro bitarteko diru sarrerak dituzten bizikidetza unitateek etxebizitza babesturako sarbidea izango dute.
Bajen inguruko polemikari datuak erantsi dizkio PPk: "Astelehenetan, 1.700.000 pertsona ez dira lanera joaten"
Juan Bravo PPko Ogasun, Etxebizitza eta Azpiegitura idazkariordeak azaldu duenez, bajan egonda soldata gutxiago kobratzearen aukera Feijook mahai gainean jarri zuenean, "iruzur kasuei" buruz ari zen.
Aranburuk (LAB) "indarrak batzea" eta "neurri sakonagoak" eskatu ditu, ELAk euskararen inguruan egindako proposamenaren aurrean
Garbiñe Aranburu LAB sindikatuko koordinatzaile nagusiak txalotu egin du ELAren proposamena, eta adierazi du hobetzera datozen ekimen guztiak "ongietorriak" izango direla. Hala ere, ohartarazi du egungo negoziazio kolektiboak "euskara gehiago" behar duela eta, oldarraldi judizial eta politikoaren aurrean, "neurri sakonagoak" behar direla.
Lan Harremanen Kontseiluak nabarmendu du negoziazioak euskaraz izateak "ez duela zertan eragozpen izan"
Emilia Malaga Pérez Lan Harremanen Kontseiluko (LHK) presidenteak nabarmendu duenez, "ez dugu inolako aukerarik jakiteko batzordeetan parte hartzen duten pertsonen hizkuntza gaitasuna zein den".