Langabezia % 0,11 jaitsi da otsailean EAEn, eta % 2,67 igo Nafarroan
Otsailean, langabezia % 0,11 jaitsi da EAEn, eta % 2,67 igo Nafarroan
129 langabe gutxiago izan dira Euskal Autonomia Erkidegoan, hau da, urtarrilean baino % 0,11 gutxiago, Eusko Jaurlaritzaren Lan eta Enplegu Sailaren datuen arabera. Hilabetea 115.815 langaberekin itxi da.
2020ko otsaileko datuekin alderatuta, 1.424 pertsona gutxiago daude langabezian. Langabeen % 56,7 emakumeak dira.
Lan-erreforma indarrean sartu eta bi hilabetera, kontratazio mugagabeak azken 12 urteetako gorakadarik handiena izan du, % 16 igo baita.
Nafarroako Foru Erkidegoan, 876 langabe gehiago izan dira. Guztira, 33.693 pertsona daude langabezian, % 2,67 gehiago.
Aurreko urteko datuekin alderatuta, % 21,62 jaitsi da langabezia (9.293 pertsona gutxiago), Lan Ministerioaren datuen arabera.
Espainiako Estatuan, 11.394 langabe gutxiago daude. 2015etik izandako jaitsierarik handiena izan da, otsaileko datuak kontuan hartuta. Guztira, 3.111.684 langabe daude.
Mendiak uste du Euskadi "kota ezezagunetara bideratzen ari dela kontratazio mugagabean"
Idoia Mendia Eusko Jaurlaritzako Lan eta Enplegu sailburuak adierazi duenez, lan-erreformaren "zarata politikoaren eta alferreko argudioen aurrean", EAEn "kontratazio mugagabean ezezagunak diren mailak" lortzen ari dira.
"Duela hamar urte baino gehiago politika aktiboen transferentzia onartu genuenetik, inoiz ez da lortu maila horretako kontratazio mugagabearen maila", gaineratu du Mendiak, eta tasa hori duela hilabete baino bost puntu handiagoa dela esan du.
"Hori da aipatu nahi nuen adostasunaren balioa. Bi urte bete dira ekonomiaren geldialdi historiko eta globala gertatu zenetik. Eta enpleguaren suntsipen masiboaren eta susperraldi motelaren iragarpenen aurrean, 1.424 pertsona gutxiago daude langabezian eta afiliazioa maximo historikoetara heltzen ari da", adierazi du.
Zure interesekoa izan daiteke
Laborarien protestak ez dira amaitu Ipar Euskal Herrian, eta A-63 errepidea itxita dago oraindik
Sindikaturik gabeko Ultra 63 mugimenduko langileek Mercosurren akordioa eta dermatosi nodularraren kontra akabatze masiboak bertan behera uzteko eskatu dute. Laborariak Pirinio Atlantikoetako prefetarekin bildu dira, eta batzar emankorra izan da, baina protestekin jarraitzea ebatzi dute.
Eusko Jaurlaritzak uste du Mercosurrekiko akordioa "aukera argia" dela euskal industriarentzat
Muga-zergak pixkanaka kentzeak euskal enpresei kostuak "nabarmen" murriztea ekarriko diela azpimarratu du.
Akordioa Mercosurrekin: zer da eta nola eragingo dio Europari?
Europa osoko nekazariek asteak daramatzate protestan, besteak beste, EBk Mercosurrekin lortu duen eta herrialde kideek onartu duten akordioagatik. Itun ekonomiko honek Hego Amerika eta Europaren arteko merkataritza arautuko du, eta sektore batzuei mesede egiten die eta beste batzuei kalte egin diezaieke.
EBren eta Mercosurren arteko akordioak "eragin larria" duela ohartarazi dute ENBA eta UAGN abeltzaintza elkarteek
"Brasildik edo Argentinatik datorren okela merkaturatzea ahalbidetuko duen agertoki baten" ondorioen aurrean ohartarazi du erakundeak; euskal ustiategi batek dituen "ekoizpen-kostuen oso azpitik" finkatzen baitu prezioa.
A63ak itxita jarraitzen du Baionako tartean nekazarien protestengatik baina auto-ilarak desegiten doaz
Pirinio Atlantikoko Prefeturak jakinarazi duenez, 02:00etan 80 nekazari asindikalek, 60 traktore erabilita, A63 autobidea blokeatu dute Baiona iparraldeko lotunearen parean eta goizetik arazo handiak izan dira inguruetan. Gainera, Prefeturak Biriatuko muga itxi du 7.500 kilotik gorako kamioientzat bi noranzkoetan. Jaurlaritzak EAEko errepideetatik igarotzeko debekatu die 7.500 kilotik gorako kamioiei Frantzia aldera.
Alberto Martinez, medikuen grebari buruz: "Bi urteren eta 12 zirriborroren ondoren, akordio batera iristeko unea da"
Alberto Martinez Osasun sailburuak gogorarazi duenez, langile estatutarioen harremanen esparrua ezartzen duen Estatutu Markoa "Osasun Ministerioaren eskumen esklusiboa da, eta Ministroen Kontseilura eta, ondoren, Kongresura eraman behar du, onar dezan". Horren ildotik, Osasun Saila "Estatutu Markotik kanpo ateratzen den guztia" negoziatzeko moduan dagoela esan du.
EBko herrialdeek oniritzia eman diote Mercosurreko herrialdeekin akordioa sinatzeari
Ezezkoa eman dute Frantziak eta Hungariak, besteak beste.
Nekazariek eta abeltzainek ohartarazi dute EBren eta Mercosurren arteko balizko akordioaren aurkako mobilizazioak "areagotuko" dituztela
Hala iragarri du Raul Beitia Atacako presidenteak (Trebiñuko eta Arabako nekazarien eta abeltzainen elkarte independentea), Nekazaritza Politika Komun berriaren aurkako bigarren protesta egunean. 50 bat traktorek elkarretaratzea egin dute Eusko Jaurlaritzaren aurrean, Gasteizen, Gobernuaren Ordezkariordetzara eramango dituen beste martxa bat egin aurretik.
Balizko akordio bati azken zertzeladak ematen ari dira EB eta Mercosur, nekazarien protesten artean
Frantziak, Hungariak eta Irlandak publikoki esan dute uko egingo diotela itunari, baina azken orduetan Italiako Atzerri ministro Antonio Tajanik adierazi du begi onez ikusi dutela Europako Batzordeak egindako azken askaintza.
Langile bat hil eta beste bat zauritu da Urruñan, eraikuntza-lanetan ari zirela
Istripua goizeko 09:15ak inguruan izan da, ur-biltegi bat eraikitzeko lanetan.