Arcelor Mittalen Olaberriko lantegiak ekoizpena eten du energiaren prezioaren igoeragatik
Olaberrian (Gipuzkoa) Arcelor Mittal enpresak duen lantegiak ekoizpena eten du astearte honetan, 07:00etatik gauerdiraino, energiaren prezioak izandako igoeragatik.
Urrian, argindarraren kostua dela eta, bere lantegi batzuetan "etenaldi labur eta selektiboak" egitea erabaki zuen altzairugintzako multinazionalak.
Arcelor Mittal Europa enpresaren erabakiak altzairutegi elektrikoetan produktu luzeak ekoizten dituzten lantegiei baino ez die eragiten. Esan bezala, "etenaldi labur eta selektiboak" egin behar izan dituzte aldian-aldian, energia garestitzen den ordu tarteetan. Horretarako, prezioen gorabeherak aztertzen dabiltza aldiro.
Euskal Herrian Olaberrikoa da produktu luzeak ekoizten dituen Arcelorren lantegi bakarra. Guztira, 410 behargin inguru ditu.
Alberto Carrero Arcelor Mittaleko bozeramaileak arratsaldean, Radio Euskadiko Ganbara irratsaioan, iragarri duenez, asteazkenean lan egingo dute, baina "ordu tarteen arabera, eragina txikiagoa denean".
Carrerok gogorarazi duenez, kontsumitzaile elektro-intentsiboek "denbora daramate egoera salatzen". "Ez da azken asteko kontu bat, hilabeteetakoa baizik", errepikatu du. "Egoera jasanezina da benetan", erantsi du.
Bestalde, Sestaoko ACB lantegiari dagokionez, fabrika aurreikusitako geldialdian dagoela azaldu du Carrerok. Datorren igandean, martxoak 13, berriz lanean hastea dagokio Sestaoko lantegiari, "baina egoera aztertzen ari dira".
Euskadi, "energia-larrialdiko egoeran"
Arantxa Tapia Ekonomiaren Garapen, Jasangarritasun eta Ingurumeneko sailburuak esan du Euskadi eta Europar Batasuna Ukrainako gerrak eragindako energia-larrialdiko egoeran daudela, eta EBk "ezohiko neurri sendoak" hartu behar dituela, egungo prezio-igoerarekin jarraituz gero, enpresa elektrointentsiboak "gelditu" egingo direlako.
Zure interesekoa izan daiteke
Jose Antonio Santano: "AHTren Nafarroarekiko loturari buruzko erabakia aurten hartu beharko da"
Garraio estatu idazkariak berretsi du kontuan hartuko direla Aralar mendilerroan egiten ari diren zulaketen emaitzak, baita ibilbideen denboren azterketa funtzionalak emandako ondorioak, kostu ekonomikoak eta obren epeak ere.
Donostiako Atotxako geltokiko lanak azken fasean, AHTaren iritsieraren zain
Urumea eta Egia lotzen dituen pasabidea erabat zabaldu dute eta trenbideen gainean 5.700 m2-ko plaza zabal bat eraiki dute. 2027an jakingo da noiz iritsiko den AHT-a Donostiara, Espainiako Gobernuaren hitzetan.
Petronorrek 27,8 milioi irabazi zituen 2025ean, aurreko urtean baino % 61 gutxiago, itzalaldiaren eta hiru hilabeteko grebaren eraginez
Konpainiak apirileko itzalaldiaren eraginari eta urteko azken hiruhilekoko lan-gatazkari egotzi die irabazien beherakada. Hala ere, inbertsioak % 48 igo zituen, 217,8 milioi euroraino.
Petrolioaren prezioa % 5 jaitsi da, 98 dolar ingururaino, AEBren eta Iranen arteko elkarrizketen traza ona dela eta
Brenta 98,1 dolarretan kotizatzen da gaur goizean, joan den ostiralean Europan burtsak ixtean kotizatzen zen 103 dolarretatik behera, % 5,2 gutxiago, zehazki. Ekialde hurbileko gerra laster bukatuko den itxaropenak bultzatuta, Asiako Burtsak igoerekin ekin diote egunari eta Burtsa europarren gerorako inbertsioek ere % 1 egin dute gora.
Lekeitioko arrantzale bat hil da Senegalgo uretan
Bermeoko ATUNSA enpresako langilea zen. LAB sindikatuaren esanetan, "heriotza ez traumatiko" gisa sailkatu dute, eta enpresa horretan aurten izan den bigarren heriotza ez traumatikoa izan dela salatu du.
Pakistandarrak lanean esplotatzeagatik ikertutako hiru pertsonak aske utzi dituzte, Espainiatik irtetea galarazita
Ikertuek epailearen aurrean ez deklaratzeko eskubideari heldu diote, eta epaileak pasaportea kentzea eta hileko lehenengo egunean eta hamabosgarrenean epaitegian agertzea agindu du.
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.