Bi gobernuen arteko akordioa eta autogobernuaren garapenaren aldeko konpromisoa nabarmendu ditu Mendiak
Bizitzeko gutxieneko diru-sarreraren transferentzia Euskal Autonomia Erkidegora eskualdatzeko akordioa sinatuko duten egunean, Espainiako Gobernuaren eta Eusko Jaurlaritzaren arteko adostasuna eta autogobernua garatzearen aldeko konpromisoa nabarmendu ditu Idoia Mendia Eusko Jaurlaritzako Lan eta Enplegu sailburuak.
Radio Euskadiko "Boulevard" saioan egin dioten elkarrizketan Mendiak adierazi duenez, behin transferentzia gauzatuta herritarrek ez dute inolako aldaketarik sumatuko, Eusko Jaurlaritzak izapidetze osoa egingo duela salbu. "Herritarrak ez du inolako aldaketarik nabaritu behar, baina egia da transferentziarekin Lanbiden burutuko dela prozesu osoa", gaineratu du.
Mendia pozik agertu da akordio politikoen bidez lorturikoagatik, eta politikak herritarrak defendatzeko balio duela nabarmendu du.
Ukrainako gerratik ihesi Euskal Autonomia Erkidegora iritsitako errefuxiatuei buruz galdetuta, bizitzeko baimena eskuratu ondoren, ostiraletik aurrera Lanbiden izena eman ahalko dutela gaineratu du.
Sindikatuek martxoaren 25erako Hezkuntzan deitu duten grebaren inguruan, berriz, esan du ez duela ulertzen "prebentziozko" greba deialdi hori.
Zure interesekoa izan daiteke
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.
Euskotreneko langileek Bilboko tranbian zezenketen publizitatea jarri izana salatu dute
Arriaga plazan gaur goizean egindako elkarretaratzean, Euskotreneko langileek balio publikoekin koherentea den eta animalien ongizatea errespetatzen duen publizitatea exijitu dio enpresari.
Mingain urdin kasu bat atzeman dute Barrundiako artalde batean
Gaitzaren aurka txertatutako 200 ardi baino gehiagoko artalde bateko animaliak eman du positibo mingain urdinaren 3. serotipoan.
Eusko Jaurlaritzak Administrazio Orokorreko 461 lanpostu betetzeko EPEan izena emateko epea ireki du
Izen-emate telematikoa irailaren 16an amaituko da, eta lehen azterketak 2027ko urtarrilean egitea aurreikusi da.
Milioi bat euroko zigorra ezarri diote AVIS enpresari, trafiko isunengatik bezeroei kudeaketa gastuak kobratzeagatik
Autoak alokatzen dituen enpresak 33,88 eta 45 euro arteko errekargua aplikatzen du isunaren ordainketa kudeatzeagatik eta administrazioari arau-hauslearen nortasuna jakinarazteagatik.
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.