Erkoreka: "Neurriak hartuko ditugu, garraioaren greban zenbait eskubideren gehiegizko egikaritzea ekiditeko"
Josu Erkoreka Eusko Jaurlaritzako Segurtasun sailburuak adierazi duenez, Ertzaintza "bere funtzioak erabat gain hartzen" ari da garraiolarien greban, eta bere sailak "beharrezko neurriak" hartuko ditu liskarrak eta "zenbait eskubideren gehiegizko egikaritzeak" ekiditeko.
Lehendakariorde eta Segurtasun sailburua Barakaldoko BECen izan da, Ertzaintzarako 496 plazetara eta 31 udalerritako Udaltzaingora sartzeko proba selektiboen hasieran.
Hedabideen galderen aurrean, Erkoreka garraioaren grebaz aritu da, eta nabarmendu du Segurtasun Saila "gaiaren gainean" dagoela. Sail horrek, adierazi duenez, "ederki ezagutzen du egoera, eta segurtasun publikoa bermatzeko beharrezko neurriak hartuko ditu".
Azaldu du neurriak hartuko dituztela "liskarrak eta zenbait eskubideren gehiegizko egikaritzeak" ekiditeko, "maila konstituzionalean aitortuta daudenak, baina betiere lege propioek ezartzen dituzten irismenaren eta mugen barruan gauzatu behar direnak".
Erkorekak ez du "neurrien zein martxan dauden dispositiboen inguruko informazio zehatzik" eman nahi izan, baina ziurtatu du, oro har, Ertzaintza "erabat gain hartzen" ari dela garraioaren greban duen ardura.
Baietsi du Ertzaintzak "dagozkion funtzioak beteko" dituela, "greba eskubidea bermatzeko eskubide horren titular direnei eta hala egikaritu nahi dutenei, baina baita lan egiteko eskubidea ere, hala egin nahi duen gainerako biztanleriari".
Sailburuak nabarmendu duenez, "badira erakundeak Ertzaintzari zuzendu zaizkionak, egoera zail honen aurrean babesa eskatzeko". Esan du eskari horiez "banan banan" arduratzen ari direla, eta "dispositiboak eta zerbitzuak antolatzen" ari direla, "mahaigaineratzen ari den guztiari behar bezalako erantzuna emateko".
Hiru garraiolarien sindikatuak sektorea babesteko eskatutako neurriei buruz, lehendakariordeak azaldu du Eusko Jaurlaritzak erregaiaren prezioa urritzeko neurrietan eragiteko duen ahalmena "izugarri mugatua" dela.
Nabarmendu duenez, "badira Eusko Jaurlaritzako sailak gatazka hau konpontzeko ardura duten esparruetan foroak eta elkarguneak sustatzen ari direnak".
Zure interesekoa izan daiteke
Lekeitioko arrantzale bat hil da Senegalgo uretan
Bermeoko ATUNSA enpresako langilea zen. LAB sindikatuaren esanetan, "heriotza ez traumatiko" gisa sailkatu dute, eta enpresa horretan aurten izan den bigarren heriotza ez traumatikoa izan dela salatu du.
Pakistandarrak lanean esplotatzeagatik ikertutako hiru pertsonak aske utzi dituzte, Espainiatik irtetea galarazita
Ikertuek epailearen aurrean ez deklaratzeko eskubideari heldu diote, eta epaileak pasaportea kentzea eta hileko lehenengo egunean eta hamabosgarrenean epaitegian agertzea agindu du.
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.