Garraiolarien greba eragina izaten ari da Espainia ekialdeko fruta eta barazkien horniduran
Elikagaien horniduran eragina izaten ari da garraiolarien greba, baina, momentuz, ez du arazo handirik sortu Euskal Herriko handizkarien merkatuetan.
Mercabilbao Bizkaiko hiriburuko elikagai galkorren merkatuan, Almeriako barazkiak eta Iberiar penintsulako ekialdeko zitrikoak falta dira, batez ere. Gorka Moreno Mercabilbaoko fruta eta barazkien handizkarien elkarteko presidentearen arabera, ez dago aurkitu ezin daitekeen produkturik, "batek ez badu, besteak duelako".
Hala ere, Almeriatik etorritako tomateak, lekak, alberjiniak, kalabazinak "gehiago falta dira", baita ekialdeko laranjak eta mandarinak ere. Atzo "ia ez zen bat ere heldu". Heldu ziren fruta eta barazki "apurrak" hurbilagoko tokietatik iritsi zen, Errioxatik besteak beste.
Aste honetarako handizkarien plana "stocka" eta iritsi den elikagai "gutxi" horiek erabiltzea da.
Morenok esan duenez, gatazka konpontzen bada, "egun bat eta erdian hornitu ahalko gara" eta "normaltasunetik gertuko egoera batera itzuli ahalko gara".
Nafarroako hiriburuko Mercairuñan, goizean zehar zenbait kamioi heldu dira, eta ez dute produktu gehienak jasotzeko arazorik izan. Momentuz, gaur jasotakoekin astea normaltasunez igaro ahalko dute.
Hala ere, Bizkaian bezala, Mercairuñako arduradunen arabera, Almeriako kamioiak ez dira heldu, eta ezin izan dute bertako produkturik jaso. Karibetik itsasontziz jasotzen dituzten produktuak ere, ananak eta aguakateak, kasu, ez dituzte jaso.
Salneurrian eragina du eskasiak. "Gauzak oso garesti daude, eta duenak asko igotzen du prezioa", merkatari baten esanetan.
Zure interesekoa izan daiteke
Pentsiodunek ez dute trukerako txanpona izan nahi: "Ez dezatela pentsioekin jolastu"
Euskal Herriko Pentsiodunen Mugimenduak deituta, milaka pertsona bildu dira Bilbon eta Donostian egin diren manifestazioetan. Kolektiboak berriro eskatu du gutxieneko pentsioak lanbide arteko gutxieneko soldatarekin parekatzea, bereziki emakume pentsiodunak "duintasunez bizi daitezen eta hilaren amaierara irits daitezen".
Mercosurren eta EBren arteko akordioaren kontra egin dute ehunka lagunek Gasteizen
Lehen sektoreko kideek, traktore eta guzti, manifestazioa egin dute larunbat honetan Gasteizen, Europar Batasunaren eta Mercosurren arteko akordioaren aurka eta Euskal Herriaren elikadura-subiranotasunaren alde. Araba Bizirik, Ataca, Bionekazaritza eta UAGA elkarteek deitutako protestan, itun horrek elikagaien osasuna eta segurtasuna arriskuan jarriko dituela salatu dute, "Europan debekatuta dauden pestizida, transgeniko eta osasunerako kaltegarriak diren hormonak erabiltzen dituzten multinazionalei ateak are gehiago irekitzen dizkielako".
Solaria Zierbena proiektuak Araban "kalte konponezinak" eragin ditzakeela salatu dute
Kaltetutako udalerrietako ordezkariek, eragile sozialek, sindikatuek eta tokiko agintariek protesta egin dute larunbat honetan Gasteizen, Solaria enpresak bultzatutako Zierbena Solar "makroproiektu fotovoltaikoa irmoki gaitzesteko", Araba Bizirik plataformak jakinarazi duenez.
Eusko Jaurlaritzak zuhurtzia eskatu du AEBko Auzitegi Gorenak muga-zergen eta Trumpen tasa global berriaren inguruan hartutako erabakiaren ostean
Gogoratu du indarrean jarraitzen dutela altzairu eta aluminioari (% 50) eta autoei (% 15) eragiten dieten muga-zergek.
Mobilizazio jendetsua egin dute Amurrion Tubos Reunidos eta Maderas de Llodio enpresetako langileei babesa adierazteko
"Ez diegu utziko etorkizuna lapurtzen" lelopean, Amurrioko kaleak zeharkatu dituzte. Aiaraldea eskualdeak egoera kritikoa bizi du, Arabako langabezia-tasa handienarekin, eta mobilizazio horrek inguruko industria defendatzeko ere balio izan du.
Medikuek hiriburuetan egindako manifestazioekin eman dute amaitutzat estatutu propioa eskatzeko astebeteko greba
Parte-hartze handia egon dela ziurtatu dute, eta ezohikoa izan arren, zerbait lortzeko grebaren bidea azpimarratu besterik ez dutela egin. Aldaketarik ez badago, grebaren bigarren astea martxoaren 16an hasiko da.
Lehendakariak iragarri du Ayesaren egoitza Donostian egongo dela
Pradalesek adierazi duenez, Eusko Jaurlaritzak eta erosketan parte hartzen ari diren gainerako akziodunek erabakia hartu dute jada. "Ayesa Donostian sortu eta garatu zen, eta bertan jarraitu behar du", esan du.
Etxebizitzen salerosketak % 14,7 hazi ziren iaz EAEn, 2007ko burbuilako markak gaindituz
INE Espainiako Estatistika Institutuak gaur jakinarazi dituen datuen arabera, salerosketen kopuruak bigarren urtez jarraian egin du gora.
Jauregik dio industria bazkide bat aurkitu behar dela, eta horretarako ezinbestekoa dela zorraren arazoa konpontzea
Mikel Jauregi Eusko Jaurlaritzako Industria sailburuak bere elkartasuna adierazi die Tubos Reunidoseko langileei, baina enpresaren egoera oso larria dela nabarmendu du. Gakoa industria bazkide bat aurkitzea dela esan du, eta gaineratu du horretarako ezinbestekoa dela zorraren arazoa konpontzea.
Ayesaren egoitza Donostian egongo da
Imanol Pradales lehendakariak iragarri du Ayesaren egoitza Donostian egongo dela, akziodunek adostu dutenez.