CAFek bere jardueraren zatirik handiena geldituko du gaurtik, garraiolarien grebaren ondorioz
Garraiolarien greba eragina izaten ari da Euskal Herriko enpresatan, eta CAF da horren adibideetako bat. Gaurtik aurrera, CAFek bere jardueraren zatirik handiena geldituko du garraiolarien grebaren ondorioz hornidura nahikorik gabe geratu delako. Egoerak hobera egiten ez baldin badu, litekeena da geldialdia martxoaren 29ra arte luzatzea.
Geldialdiak Beasaingo eta Irungo lantokietan izango du eragina, trenak eta bagoiak muntatzeko sekzioetan.
Konpainiaren arabera, "lantaldearen zati handi bati" eragingo dio etenaldiak, eta beharginek ordu horiek berreskuratu egin beharko dituzte aurrerago.
CAFeko enpresa-batzordeak epaitegietara joko du geldialdiaren aurka
Ekoizpena gelditzeko erabakiaren aurka egingo du CAFeko enpresa-batzordeak, "neurriz kanpokoa" dela iritzita.
Beasaingo eta Irungo lantegietako batzordeak erabakiarekin "erabateko desadostasuna" agertu du agiri batean; izan ere, "enpresak argudiatutako material faltaren benetako eragina ezin dute egiaztatu".
Langileen ordezkariek azpimarratu dutenez, "material eskasiak zein arlori edo behargini eragiten dion benetan egiaztatzerik ez dago", eta zuzendaritzak, lanpostu zehatzetan neurriak hartu beharrean, neurri orokor bat aplikatzea erabaki du, "langile guztiei eraginez".
"Gehiegizko neurria mahai gainean jarri du zuzendaritzak, egoeraren pisua langileen sorbaldan soilik kargatuz", erantsi du enpresa-batzordeak.
Albiste gehiago ekonomia
Hiru behargin hil dira lanean 24 orduan
LAB sindikatuak salatu duenez, bi langile hil dira basogintza lanetan, Altsasun (Nafarroa) eta Eskoriatzan (Gipuzkoa), eta beste bat istripu ez traumatikoan, Donostian.
Donostiako Gizarte Ekintzako greba bertan behera utzi dute, aurreakordioa itxi ostean
Akordioa azken hilabeteetan mobilizazio ugari eta 12 greba egun egin ondoren erdietsi da. Lan-gatazka urte hasieran hasi zen.
800 alegazio aurkeztu dituzte Mandoiako Feroskana parke eolikoaren aurka, Arratian
200 metroko altuera eta 27 megawtteko potentzia duten sei aerosorgailuz osatutako parke honek Usansolo, Igorre edo Lemoa bezalako udalerriei eragin diezaieke, baita herri txikiagoei ere.
Gobernuak onartu du BBVA Sabadellen jabe izateko EEPa, baina bat-egitea hiru urte barru gauzatuko litzateke
Carlos Cuerpo Gobernuak Ministroen Kontseiluaren osteko prentsaurrekoan iragarri duenez, Gobernuak operazioa onetsi du, baldintza jakin batzuekin. Horrela, bi erakundeek nortasun juridikoa eta ondarea bereizita mantendu beharko dituzte, eta autonomia osoz jokatu beharko dute kudeaketan, hiru urtez.
Bizkarrak bere 12 dendak eta bi lantegiak itxiko ditu ekainaren 30ean
Dendak ditu Galdakaon (5), Bilbon (3), Usansolon (2), Basaurin (1) eta Lemoan (1), bai eta bi lantegi ere, okindegia bata eta gozotegia bestea, biak Usansolon.
45 urteko langile bat hil da Altsasun, zuhaitzak mozten ari zela adar bat gainera erorita
Behargin errioxarra baso lanetan ari zela adar bat erorita hil da. Bertara iristeko zaila den baso batean gertatu da ezbeharra, Auntzetan. LAB sindikatuak salatu duenez, aurten dagoeneko 29 behargin hil dira Euskal Herrian.
José Antonio Jainagak jasoko du aurtengo Joxe Mari Korta Saria
Uztailaren 10ean Donostian jasoko du saria Jainagak, Imanol Pradales lehendakaria buru izango duen ekitaldi batean.
Lezoko Interal enpresak bi greba egun deitu ditu, Enplegu Erregulazioko Espedientea ezarri eta 226 langileetatik 85 kaleratuko dituztela salatzeko
Langileen batzordeak ekainaren 26rako eta uztailaren 2rako deitu ditu greba egunak, eta uztailaren 8tik aurrera greba mugagabea hasteko aukera ere aurreikusi du.
CCOOk Unai Sordo berrautatu du idazkari nagusi, botoen % 96,1ekin, bere azken agintaldia izango denerako
Comisiones Obrerasek Unai Sordo aukeratu du berriro datozen lau urteetan sindikatuko buru izateko. Hautaketaren osteko lehen hitzaldian, ustelkeriaren aurka borrokatzeko eskatu du, eta lanaldi-murrizketaren aldeko mobilizazioak iragarri ditu.
Greba mugagabea iragarri dute Iruñeko villavesa autobusetan uztailaren 1etik aurrera
Langileek hilabeteak daramatzate lanuzteak eta protestak egiten, hitzarmena eguneratzea aldarrikatzeko.