Zorrotzaurreko campus teknologikoa eraikitzeko lanak 2023ko lehen hiruhilekoan hasiko dira
Zorrotzaurre uharteko ipar eta hego lurmuturrek enpresa teknologiko eta digitalentzako campus bat hartuko dute. Lanak 2023an hasiko dira, eta 22 milioi euroko inbertsioa beharko dute. Eusko Jaurlaritzak eta Bilboko Udalak hitzarmena sinatu dute ostegun honetan.
Dagoeneko Zorrotzaurreko campus teknologikoan tokia izateko "interesdun" enpresa batzuk badaude, Juan Mari Aburto Bilboko alkateak jakitera eman duenez.
Arantxa Tapia Eusko Jaurlaritzako Ekonomia Garapenerako sailburuak eta alkateak lankidetza hitzarmena sinatu dute udaletxean, campus teknologikoa aurrera eramateko. Enpresentzako esparruak 133.000 metro karratu hartuko ditu (uharteak ia 839.000 metro karratu ditu) uhartearen iparraldean eta hegoaldean kokatutako bi lursailetan.
Ipar Lurmuturreko Parkean teknologia berrien erabilera intentsiboan (Adimen Artifiziala, Big Data eta gauzen Internet) espezializatutako enpresak kokatuko dira, baita kultura eta sortzaile enpresak ere.
Horretarako, Udalak lursaila eta bi industria eraikin zahar jarriko ditu, biak eraberritu eta enpresa berriak bertan kokatzeko.
Hego Lurmuturreko Parkean mundu digitaleko enpresek izango dute lehentasuna, korporazio eta enpresa garatu berriekin. Esparru honetan bulego berriak eraikitzea pentsatu dute.
Bizkaiko Teknologia Parkeak (Euskadiko Teknologia Parkeen Sareko kidea) 22 milioi euroko inbertsioa egingo du, baina ekarpen ekonomikoa Eusko Jaurlaritzak eta Bizkaiko Foru Aldundiak egingo dute. Lanak 2023ko lehen hiruhilekoan hastea espero da.
Proiektuak "arrakasta" izatea espero du Tapia sailburuak, "enplegua eta aberastasuna sortzeko". Hala ere, campusean sortuko den lanpostuen kopurua oraingoz zehazterik ez dagoela onartu du sailburuak, baina uharte osoan martxan jarriko diren jarduera ekonomiko guztiek 6.000 lanpostu inguru sortzea espero du Aburtok.
Zure interesekoa izan daiteke
Laborariek protestak aurrera darraio Iparraldean, eta A-63 errepideak itxita jarraitzen du
Sindikaturik gabeko Ultra 63 mugimenduko langileek Mercosur akordioa eta akabatze masiboak bertan behera uzteko eskatzen dute. Mercosurreko akordioa dela, dermatosi nodularraren aurkako neurriak. Pirinio Atlantikoetako prefetarekin bildu dira gaur euren eskaerak helarazteko, baina ez da aski izan eta hirugarren gaua pasako dute autobidean.
Eusko Jaurlaritzak uste du Mercosurrekiko akordioa "aukera argia" dela euskal industriarentzat
Muga-zergak pixkanaka kentzeak euskal enpresei kostuak "nabarmen" murriztea ekarriko diela azpimarratu du.
Akordioa Mercosurrekin: zer da eta nola eragingo dio Europari?
Europa osoko nekazariek asteak daramatzate protestan, besteak beste, EBk Mercosurrekin lortu duen eta herrialde kideek onartu duten akordioagatik. Itun ekonomiko honek Hego Amerika eta Europaren arteko merkataritza arautuko du, eta sektore batzuei mesede egiten die eta beste batzuei kalte egin diezaieke.
EBren eta Mercosurren arteko akordioak "eragin larria" duela ohartarazi dute ENBA eta UAGN abeltzaintza elkarteek
"Brasildik edo Argentinatik datorren okela merkaturatzea ahalbidetuko duen agertoki baten" ondorioen aurrean ohartarazi du erakundeak; euskal ustiategi batek dituen "ekoizpen-kostuen oso azpitik" finkatzen baitu prezioa.
A63ak itxita jarraitzen du Baionako tartean nekazarien protestengatik baina auto-ilarak desegiten doaz
Pirinio Atlantikoko Prefeturak jakinarazi duenez, 02:00etan 80 nekazari asindikalek, 60 traktore erabilita, A63 autobidea blokeatu dute Baiona iparraldeko lotunearen parean eta goizetik arazo handiak izan dira inguruetan. Gainera, Prefeturak Biriatuko muga itxi du 7.500 kilotik gorako kamioientzat bi noranzkoetan. Jaurlaritzak EAEko errepideetatik igarotzeko debekatu die 7.500 kilotik gorako kamioiei Frantzia aldera.
Alberto Martinez, medikuen grebari buruz: "Bi urteren eta 12 zirriborroren ondoren, akordio batera iristeko unea da"
Alberto Martinez Osasun sailburuak gogorarazi duenez, langile estatutarioen harremanen esparrua ezartzen duen Estatutu Markoa "Osasun Ministerioaren eskumen esklusiboa da, eta Ministroen Kontseilura eta, ondoren, Kongresura eraman behar du, onar dezan". Horren ildotik, Osasun Saila "Estatutu Markotik kanpo ateratzen den guztia" negoziatzeko moduan dagoela esan du.
EBko herrialdeek oniritzia eman diote Mercosurreko herrialdeekin akordioa sinatzeari
Ezezkoa eman dute Frantziak eta Hungariak, besteak beste.
Nekazariek eta abeltzainek ohartarazi dute EBren eta Mercosurren arteko balizko akordioaren aurkako mobilizazioak "areagotuko" dituztela
Hala iragarri du Raul Beitia Atacako presidenteak (Trebiñuko eta Arabako nekazarien eta abeltzainen elkarte independentea), Nekazaritza Politika Komun berriaren aurkako bigarren protesta egunean. 50 bat traktorek elkarretaratzea egin dute Eusko Jaurlaritzaren aurrean, Gasteizen, Gobernuaren Ordezkariordetzara eramango dituen beste martxa bat egin aurretik.
Balizko akordio bati azken zertzeladak ematen ari dira EB eta Mercosur, nekazarien protesten artean
Frantziak, Hungariak eta Irlandak publikoki esan dute uko egingo diotela itunari, baina azken orduetan Italiako Atzerri ministro Antonio Tajanik adierazi du begi onez ikusi dutela Europako Batzordeak egindako azken askaintza.
Langile bat hil eta beste bat zauritu da Urruñan, eraikuntza-lanetan ari zirela
Istripua goizeko 09:15ak inguruan izan da, ur-biltegi bat eraikitzeko lanetan.