Apirilaren 4tik aurrera errenta aitorpenaren autolikidazio proposamena onartu ahal izango da Gipuzkoan
Gipuzkoan ekin diote errenta aitorpenaren kanpainari. Atzotik, milaka gipuzkoar hasiak dira 2021eko errentaren autolikidazio-proposamena jasotzen. Kanpaina ekainaren 30ean amaituko da eta Gipuzkoako Foru Aldundiak 280 milioi euro itzuliko dizkie zergadunei.
250.000 autolikidazio-proposamen inguru igorriko ditu Gipuzkoako Ogasunak, eta datorren astelehenetik aurrera, hau da, apirilaren 4tik aurrera, irekiko da horiek onartzeko epea.
Ohi bezala, modu telematikoan edo aurrez aurre egiteko parada egongo da. Hala, Interneteko modalitatea aukeratzen duenak, hiru egun geroago, apirilaren 7tik aurrera egin ahal izango du eskaera, ekainaren 30era arte. Aurrez aurre egin nahi duenak, berriz, apirilaren 12tik, asteartea, aurrera egin ahal izango du, orduan irekiko baitute hitzordua hartzeko epea. Hitzordu presentzialak apirilaren 19an hasi eta ekainaren 30ean amaituko dira.
Bizi dugun egoera gorabehera, "arlo ekonomikoan azken ekitaldia urte ona" izan dela adierazi du Jokin Perona Ogasun eta Finantzetako foru diputatuak 2021eko Errenta kanpaina aurkezteko goizean egindako agerraldian.
Hala ere, egungo egoera ekonomiko zailak zuzenean eragingo dio 2021eko Errentaren kanpainari. "Une honetan, egoera ekonomiko zaila dugu: prezioen igoera, krisi energetikoa, hornidura falta, Ukrainaren aurkako inbasioa, tentsio geopolitikoak", azpimarratu du Peronak. Hala, hasi berri den kanpainan atzo hiru aldundiek autonomoei eta egungo krisiak gehien kaltetutako sektoreei laguntzeko adostutako neurriak aplikatuko direla jakinarazi du.
"Gipuzkoan, kanpaina honetan bertan aplikatu ahal izango da laguntza fiskal hori, eta, beraz, berehala emango diegu likidezia. Hau da, gure eskumen fiskala estutzen dugu krisi hau gehien pairatzen ari direnei laguntzeko ", nabarmendu du Peronak.
Zure interesekoa izan daiteke
UAGAk Barredo sailburuaren dimisioa eskatu du bazkaren aferaz egindako adierazpenengatik
Nekazarien elkarteak Jaurlaritzaren "immobilismoa" salatu du, eta "sektoretik urrundu izana". Bestalde, ENHE sindikatuak lehorte egoera izendatzea eta "ezohiko laguntzak" eskatu ditu jasandako kaltea konpentsatzeko.
Euriborra % 3tik gora dago 2024ko irailetik lehen aldiz, eta hipotekadunen gaineko presioa handitu du
Adierazleak 2026an izan duen goranzko joera sendotu du, baina adituek gogorarazi dute eguneko datua dela, ez hileko batez bestekoa, hau da, hipoteka gehienak berrikusteko benetan erabiltzen den indizea.
Zubietako erraustegiko langileek salatu dutenez, enpresak "negozioa segurtasunaren aurretik jartzen du"
Abuztuaren 19an sute bat izan zen Ekobalen, eta bederatzi langile intoxikatu ziren beharrezko babes ekipamendurik gabe aritu zirelako sua itzaltzeko lanetan.
Grebarako aukera aztertzen ari dira garraiolariak, gasolioaren prezioaren ondorioz
Hileko gastua 2.000 euro inguru igo zaie otsailetik hona, eta garraiolari batzuek momentuz kamioiak aparkatzea erabaki dute. HIRU sindikatuko kamioilariek, berriz, lanuzteak egiteko aukera eztabaidatuko dute asanbladan, eta erabaki bateratua hartuko dute bertan.
Apartamentu turistikoetako gaualdiak % 23,3 igo dira uztailean EAEn, eta sarrerak % 9,7
Landa-ostatuen kasuan, sarrerak % 2,8 handitu dira eta gaualdiak % 5,6 jaitsi, 2025eko hilabete bereko datuekin alderatuta.
Amaia Barredo: "Eusko Jaurlaritza lanean ari da abeltzainekin hartutako epeak eta konpromisoak betetzeko"
Amaia Barredo Eusko Jaurlaritzako Elikadura, Landa Garapen, Nekazaritza eta Arrantza sailburuak aurreratu duenez, Jaurlaritzak "irailaren hasieran" abeltzaintza-sektorearen esku jarriko ditu lehengai batzuk batera erosteko bideak, lehorteak eragindako belar eskasia dela eta. Radio Euskadin ostiral honetan egindako elkarrizketa batean Barredok esan duenez, Bazka Mahaia oraindik deituta ez badago ere, ez da atzerapenak egongo: "Administrazioa ez dago bileraren zain erosketa bateratua prestatzeko".
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.