Arazoak gasolindegietan erregaien beherapenaren lehenengo egunean
Espainiako Gobernuak eta Errepideko Garraioaren Batzorde Nazionalak adostu zuten erregai litroko 20 zentimoko beherapena ostiral honetan, apirilaren 1ean, sartu da indarrean. Neurria ekainaren 30era arte izango da martxan, baina hortik aurrera ere luzatu ahalko dute.
Hala, arazoak izaten ari dira neurria aplikatzen hasi eta lehenengo orduetan, erabiltzaileen eskaera oso handia delako, eta auto-ilara batzuk ere sortu dira.
Repsol konpainiatik azaldu dutenez, Espainiako Estatu osoan ari dira arazoak izaten ostiral goizean, bezero andana bertaratu delako gasolindegietan.
"Operazioak pilatzen ari dira. Horregatik, sistemak mantsotzen ari dira, baina unean uneko gertakariak izaten ari dira", azaldu dio konpainiak Efe albiste-agentziari.
Gainera, gasolindegi batzuetan ateak itxi behar izan dituzte ezin zutelako ordainketak erregistratzeko eta beherapena aplikatzeko sistema informatikoan sartu.
Gauerditik aurrera eta hiru hilabetez, gasolindegietan gutxienez 20 zentimoko beherapena egin beharko diete bezero guztiei erregai litroko, Espainiako Gobernuak aginduta.
Herritarren eta enpresen poltsikoei erregaiaren garestitzeak eragindako zuloa arintzeko hartu du neurria Espainiako Gobernuak; izan ere, otsailaren 24an Errusia Ukraina inbaditzen hasi zenetik, gasolioaren prezioa % 25 garestitu da, eta % 14 gasolinarena, Espainiako Estatuan.
Zure interesekoa izan daiteke
Abian dira Eusko Jaurlaritzaren hileko 220 eurorainoko laguntzak adingabeak dituzten familia zaurgarrientzat
Gurutze Gorriak kudeatutako eta Europako funtsekin finantzatutako programak laguntza materiala eskainiko die bost kide edo gehiagoko familiei 2026ko abendura arte.
Guztira 3.764 pertsonak eman dute izena Ertzaintzaren 35. promozioko LEPrako
Horietatik 2.383 gizonak dira eta 1.381 emakumeak. Prozesuak, oposizio-fasean, lau fase izango ditu, guztiak derrigorrezkoak eta baztertzaileak.
Euskadik Gizarte Segurantzako afiliazio errekor historikoarekin itxi du 2025a
Hala ere, Euskadiko langabeziaren beherakada joera eten da 107.434 langaberekin, 2024an baino 54 gehiagorekin; Nafarroan, aldiz, 872 pertsonako jaitsiera izan du.
Trumpek petrolioaren merkatua kontrolatu nahi du, adituen arabera
Venezuela munduko petrolio-potentzia izan daiteke laster, nazioarteko enpresei lizentziak emanez gero, Trumpek aurreikusi bezala. Hala ere, urre beltza ez da helburu bakarra; izan ere, Latinoamerikako herrialdeak mineral, gas natural, nikel eta koltan erreserba handiak ere baditu.
Euriborra % 2,267ra igo da abenduan, baina jaitsi egin da urteko bilakaeran, Espainiako Bankuaren arabera
Martxotik izan duen tasarik altuena lortu du urte amaieran. Hala ere, urteko beherakadari esker, urtero berrikusten diren hipoteka aldakorren kuotak merkatuko dira, nahiz eta aurreko hilabeteetan baino apalago.
Autoen salmenta % 16,4 handitu da Euskadin 2025ean, baina dieselen salmentak % 45 murriztu dira
Abenduan, matrikulazioak % 5,7 murriztu dira Euskadin, 2.728 autoraino. Horien artean, 448 gasolina-auto (-%32,9) eta 65 diesel-auto (-%49,2). Beste erregaienak, berriz, % 5,58 handitu dira, 2.215 unitateraino.
Guggenheim Bilbaok 1,3 milioi bisitari baino gehiagorekin itxi du 2025a
Museoak 3.660 bisitari gehiago izan ditu, 2024ko datuekin alderatuta, eta bertaratutakoen % 90 atzerritik etorritakoak izan dira.
Eusko Jaurlaritzak 928.000 euro bideratuko ditu Euskadiko mahastiak modernizatzeko
Dirulaguntzak 105 hektarea baino gehiago berregituratzen eta birmoldatzen lagunduko du, "mahastizaintza- eta ardogintza-sektorearen lehiakortasuna eta iraunkortasuna hobetzeko".
Alokairuko etxebizitzen prezioa % 3,8 igo da Euskadin 2025ean, eta % 5,6 Nafarroan
Azken urtean, alokairuko etxebizitzen hileko errentek gora egin dute Hego Euskal Herria osoan. Nafarroa igo dira gehien (% 5,6), ondoren Bizkaia (% 4,5), Araba (% 4) eta, azkenik, Gipuzkoa (% 1,9). Batez besteko prezioaren koadroan, zerrendak bueltaerdi ematen du eta eta Gipuzkoa dago prezio-gailurrean (16,4 euro/m2); ondoren, Bizkaia (14,7 euro/m2), Araba (12,1 euro/m2) eta Nafarroa (11,1 euro/m2).
Talgok Uzbekistanen duen kontraturik handiena ziurtatu du, 80 milioikoa
Konpainiak hamar urteko akordioa sinatuko du herrialdeko trenbideen enpresa publikoarekin, sei Talgo 250 trenen mantentze integrala egiteko.