Aldundiak gasolindegiei hobarien aurrerakinak itzultzen hasi dira
Bizkaiko Foru Aldundiak lehen ordainketak egin dizkie astearte honetan lurraldeko gasolindegiei, erregaiaren azken prezioan litroko 0,20 euroko beherapena aplikatu izana konpentsatzeko.
Foru erakundeak jakinarazi duenez, lehen ordainketa martxoaren 31tik (osteguna) apirilaren 4ra arte (astelehena) aurrerakina eskatu zuten gasolina-zerbitzuguneetako eta zuzeneko saltokietako 26 zergadun titularrei egin zaie.
Arabako Foru Aldundiak 844.000 euro ordainduko ditu ostegun honetan, erregaiaren azken prezioan litroko 20 zentimoko hobaria emateak ekarriko dien kostua aurreratzea eskatu duten lurraldeko 20 gasolindegiri egindako lehen ordainketei dagozkienak.
Foru Gobernu Kontseiluak ordainketa horiek "arintzeko" prozedura onartu du astearte honetan, eta lehen itzulketak ostegun honetan bertan egingo dira, Ramiro Gonzalez Arabako ahaldun nagusiak prentsaurrekoan azaldu duenez.
Bestalde, Gipuzkoako Foru Aldundiak "datozen egunetan" itzuliko ditu Espainiako Gobernuak gasolindegiei ezarritako hobarien aurrerakinak.
"Datozen egunetan egingo dugu itzulketa, eta uztailean egingo du Espainiako Gobernuak, printzipioz, foru-ogasunei dagokien itzulketa", azaldu du Eider Mendoza bozeramaileak.
Hartzaile bakoitzari dagozkion zenbatekoak Trantsizio Ekologikorako eta Erronka Demografikorako Ministerioak zehaztu ditu, eta "aukera zabal batean mugitzen dira", 3.823 eurotik 2.000.000 eurora bitartean.
Zure interesekoa izan daiteke
Laborarien protestak ez dira amaitu Ipar Euskal Herrian, eta A-63 errepidea itxita dago oraindik
Sindikaturik gabeko Ultra 63 mugimenduko langileek Mercosurren akordioa eta dermatosi nodularraren kontra akabatze masiboak bertan behera uzteko eskatu dute. Laborariak Pirinio Atlantikoetako prefetarekin bildu dira, eta batzar emankorra izan da, baina protestekin jarraitzea ebatzi dute.
Eusko Jaurlaritzak uste du Mercosurrekiko akordioa "aukera argia" dela euskal industriarentzat
Muga-zergak pixkanaka kentzeak euskal enpresei kostuak "nabarmen" murriztea ekarriko diela azpimarratu du.
Akordioa Mercosurrekin: zer da eta nola eragingo dio Europari?
Europa osoko nekazariek asteak daramatzate protestan, besteak beste, EBk Mercosurrekin lortu duen eta herrialde kideek onartu duten akordioagatik. Itun ekonomiko honek Hego Amerika eta Europaren arteko merkataritza arautuko du, eta sektore batzuei mesede egiten die eta beste batzuei kalte egin diezaieke.
EBren eta Mercosurren arteko akordioak "eragin larria" duela ohartarazi dute ENBA eta UAGN abeltzaintza elkarteek
"Brasildik edo Argentinatik datorren okela merkaturatzea ahalbidetuko duen agertoki baten" ondorioen aurrean ohartarazi du erakundeak; euskal ustiategi batek dituen "ekoizpen-kostuen oso azpitik" finkatzen baitu prezioa.
A63ak itxita jarraitzen du Baionako tartean nekazarien protestengatik baina auto-ilarak desegiten doaz
Pirinio Atlantikoko Prefeturak jakinarazi duenez, 02:00etan 80 nekazari asindikalek, 60 traktore erabilita, A63 autobidea blokeatu dute Baiona iparraldeko lotunearen parean eta goizetik arazo handiak izan dira inguruetan. Gainera, Prefeturak Biriatuko muga itxi du 7.500 kilotik gorako kamioientzat bi noranzkoetan. Jaurlaritzak EAEko errepideetatik igarotzeko debekatu die 7.500 kilotik gorako kamioiei Frantzia aldera.
Alberto Martinez, medikuen grebari buruz: "Bi urteren eta 12 zirriborroren ondoren, akordio batera iristeko unea da"
Alberto Martinez Osasun sailburuak gogorarazi duenez, langile estatutarioen harremanen esparrua ezartzen duen Estatutu Markoa "Osasun Ministerioaren eskumen esklusiboa da, eta Ministroen Kontseilura eta, ondoren, Kongresura eraman behar du, onar dezan". Horren ildotik, Osasun Saila "Estatutu Markotik kanpo ateratzen den guztia" negoziatzeko moduan dagoela esan du.
EBko herrialdeek oniritzia eman diote Mercosurreko herrialdeekin akordioa sinatzeari
Ezezkoa eman dute Frantziak eta Hungariak, besteak beste.
Nekazariek eta abeltzainek ohartarazi dute EBren eta Mercosurren arteko balizko akordioaren aurkako mobilizazioak "areagotuko" dituztela
Hala iragarri du Raul Beitia Atacako presidenteak (Trebiñuko eta Arabako nekazarien eta abeltzainen elkarte independentea), Nekazaritza Politika Komun berriaren aurkako bigarren protesta egunean. 50 bat traktorek elkarretaratzea egin dute Eusko Jaurlaritzaren aurrean, Gasteizen, Gobernuaren Ordezkariordetzara eramango dituen beste martxa bat egin aurretik.
Balizko akordio bati azken zertzeladak ematen ari dira EB eta Mercosur, nekazarien protesten artean
Frantziak, Hungariak eta Irlandak publikoki esan dute uko egingo diotela itunari, baina azken orduetan Italiako Atzerri ministro Antonio Tajanik adierazi du begi onez ikusi dutela Europako Batzordeak egindako azken askaintza.
Langile bat hil eta beste bat zauritu da Urruñan, eraikuntza-lanetan ari zirela
Istripua goizeko 09:15ak inguruan izan da, ur-biltegi bat eraikitzeko lanetan.