Etxebizitzen eraikuntza % 10 eta % 15 artean garestitu da azken hiru hilabeteetan
Elektrizitatearen prezioaren igoerak eta Ukrainaren inbasioaren ondorio ekonomikoek areagotu egin dute pandemia hasi zenetik eraikuntzaren sektorean nabari zen arazoa, lehengaien garestitzea, alegia. Urritasunak eta garestitzeak kontsumitzaileari eragiten diote.
Testuinguru inflazionista batean, burdin armatua, eraikuntzan gehien erabiltzen den materialetako bat, % 50 garestitu da azken hilabeteetan, eta adreiluaren prezioak % 40 egin du gora.
Garestitze horrek obra publikoak eta pribatuak garestitzen ditu. Sektoreko adituen kalkuluen arabera, etxebizitzen eraikuntzak duela bizpahiru hilabete baino % 10 eta % 15 artean gehiago balio du orain, eta igoerarik handiena azken hilabetean gertatu da.
Alfredo Pozueta Sukia Eraikuntzak enpresako gerenteak Radio Euskadiko "Boulevard" saioan azaldu duenez, "tarifak astero-astero igotzen dizkigute eta gure gremioen eta hornitzaileen zailtasunak jasotzen ditugu".
Juan Antonio Gimenez Quintana Jicasako gerenteak azaldu du prezioen igoerak egun batetik bestera jakinarazten dizkietela. "% 3 eta % 5 inguru artean igotzetik % 15 eta % 20 artean igotzera igaro gara, baita % 35era arte ere, kasu batzuetan", esan du.
Egoera horren ondorioz, sustatzaile askok zenbait obraren hasiera geldiarazi behar izan dute. "Lan batzuetan sustatzaileak seinalea itzuli du", adierazi du Alvaro Unamuno Adolfo Sobrino Eraikuntzak enpresako kudeatzaileak.
Hala ere, arazorik handiena dagoeneko egoera aurreratuan dauden eta kontratu itxiak dituzten obretan dago. Sustatzaileek igoera onartu eta gainkostua beren gain hartu beste aukerarik ez dute aurrera egiteko.
Enpresa eraikitzaileek lasaitasun-mezua helarazi diete dagoeneko etxebizitza baten erosketa sinatu duten bezeroei, baina ez dakite noiz arte eutsi ahalko dion higiezinen sektoreak egoera horri.
Zure interesekoa izan daiteke
Lekeitioko arrantzale bat hil da Senegalgo uretan
Bermeoko ATUNSA enpresako langilea zen. LAB sindikatuaren esanetan, "heriotza ez traumatiko" gisa sailkatu dute, eta enpresa horretan aurten izan den bigarren heriotza ez traumatikoa izan dela salatu du.
Pakistandarrak lanean esplotatzeagatik ikertutako hiru pertsonak aske utzi dituzte, Espainiatik irtetea galarazita
Ikertuek epailearen aurrean ez deklaratzeko eskubideari heldu diote, eta epaileak pasaportea kentzea eta hileko lehenengo egunean eta hamabosgarrenean epaitegian agertzea agindu du.
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.