Pandemiaren osteko "bultzada sozioekonomikoa" emateko Enplegu Plan Estrategiko berria onartu du Jaurlaritzak
Enplegu Plan Estrategiko berria onartu du Eusko Jaurlaritzak, Euskal Autonomia Erkidegoari pandemiaren osteko "bultzada sozioekonomikoa" ematen laguntzeko. Idoia Mendia Lan eta Enpleguko sailburuak eta lehendakariordeak aurkeztu ditu planaren ildo nagusiak, Gobernu bileraren osteko prentsaurrekoan.
Mendiak azaldu duenez, 80.000 lanpostu sortzeko helburua du 2021-2024 legealdiko plan berriak, baina horiek "kalitatezkoak" eta "pertsona guztiak erabat gizarteratzeko eta laneratzeko aukera emango duten baldintzetan" izatea nahi du. Horretarako 2.071 milioi euro bideratuko ditu Jaurlaritzak. Azken helburua du langabezia-tasa % 10etik behera egonkortzea.
Sailburuaren hitzetan, kalitatezko enplegua lortzeko berdintasuna kontuan izan behar da, arrakala murriztu behar da, soldata duinak ziurtatu behar dira eta kontratu finkoen kopurua igo behar da. "Horretan egongo gara lanean hurrengo lau urteetan", esan du.
Halaber, 23.000 enpresari lagunduko diete, 52.000 langileren enplegagarritasuna hobetuko dute eta langabezia egoeran dauden 48.000 pertsona birkualifikatuko dituzte.
Jaurlaritzak egindako aurkezpenean "kontratu sozial berri baterako" bidea aipatu du, horretarako martxan dauden hiru trantsizio ezarrita: "digitala, energetiko-klimatikoa eta demografikoa". Era berean, Ukrainako gerraren "mehatxua" ere kontuan izan du egoera berrirako bidea diseinatzean.
EAEko Enpleguaren Legea diseinatzen hasiko da Jaurlaritza enplegu plan berri honekin batera. Horren baitan kokatzen dira ildo berriaren aurkezpenean aipatutako helburu kualitatiboak: behin-behinekotasuna, nahi gabeko partzialtasuna eta lan-istripuak murriztea, genero-berdintasuna eta gazteen enplegua sustatzea, iraupen luzeko langabezia gutxitzea eta lanean daudenen eta ez daudenen enplegua eta prestakuntza babestea.
Plan berria sortzeko, Lan eta Enplegu sailak lan-merkatuaren diagnosia egin du. Identifikatu dituen alde negatiboen artean daude, besteak beste, behin-behinekotasuna, "enplegu pobreak", gazteen langabezia eta langabeziaren "kronifikazioa". Euskadin, ordea, enpresen sare sendoa eta kualifikazio orokor altua dago, analisi honen arabera.
Zure interesekoa izan daiteke
Voloteak txartelen prezioa erregaiaren kostuaren arabera igo eta jaitsi ahal izango du, 14 eurorainoko tartearekin, hegaldia baino astebete lehenago
Fair Travel Promise sistema berri eta aldakorraren bidez gehigarri finko tradizionalak ekidin nahi ditu konpainiak. Hala, airelineak txartelaren behin betiko salneurria erregaiaren prezioaren arabera doitzeko aukera izango du.
Hithiumen inbertsioa Nafarroan gauzatzeko akordioa sinatu dute Chivitek eta Txinako enpresak, Pekinen
Proiektuari esker 405 milioi euro inbertitu eta 700 lanpostu inguru sortuko dira, lehen fasean, Nafarroan, eta bigarren fasean mila lanpostu ere izan daitezke.
Tasa turistikoa Donostian: Hurtadok uste du ezinezkoa dela uda baino lehen ezartzea, eta Mendoza elkarrizketarako prest agertu da
Jon Insausti alkateak Donostiako tasa turistikoa uda aurretik ezartzea mahai gainean jarri ondotik, gaia pil-pilean dago: Javier Hurtado Turismo sailburuak Radio Euskadin adierazi du ez duela uste bideragarria denik 2027a baino lehen ezartzea, epe teknikoak direla eta. Bien bitartean, Eider Mendoza Gipuzkoako ahaldun nagusiak Euskadi Irratian esan du Gipuzkoako Batzar Nagusietan eztabaidatuko dutela, akordio batera iristeko.
Abian da errentaren kanpaina Bizkaian: % 70ek "itzultzeko" emaitza izango dute, zergadunen alde
Ekainaren 30era arte luzatuko da epea, eta Foru Ogasunak 683.000 errenta-aitorpen inguru aurkeztea aurreikusten du.
Osakidetzarako lan-eskaintzaren lehen probak ekainaren 19an, 20an eta 21ean egingo dira
Aurreko deialdiekin alderatua, badira zenbait berritasun: besteak beste, probaren nota gorde ahalko da, eta test motako azterketa bakarra egingo da. Guztira, 5.425 lanpostu eskainiko dira, eta 2.160 berriak izango dira.
Sindikatu eta abokatuek langileak "finko" egin ditzatela eskatu dute, Europar Batasuneko Justizia Auzitegiaren ebazpenaren ondoren
Auzitegi Gorenari dagokio orain mahai gainean dituen auziak ebaztea eta Europako ebazpena nola bete behar den zehaztea. Interinok Taldea sindikatuak eta auzia bultzatu duen abokatuak kontratu finkoak izatea ezinbestekotzat jotzen dute. ELAk Gobernuaren “borondate politiko eza” agerian gelditu dela salatu du.
Espainiako Gobernuak dio Europako Justiziaren epaiak ez duela behartzen langile interinoak zuzenean finko bihurtzera
Astearte honetan argitaratutako epai batean, Europar Batasuneko Justizia Auzitegiak adierazi du ez dela nahikoa Espainiak interinoak mugagabe ez-finko bihurtzea. Espainiako Gobernuak, bien bitartean, berretsi egin du langileen behin-behineko kontratuen kopurua murrizteko konpromisoa duela, eta nabarmendu du 419.756 plaza egonkortu dituela dagoeneko.
Inflazioa % 3,4koa izan da martxoan Euskadin, eta % 3,5ekoa Nafarroan, petrolioaren prezioaren ondorioz
Martxoko inflazioa Espainiako Estatuan uste baino hamarren bat altuagoa izan da, erregaien prezioen gorakadak eraginda.
Europar Batasuneko Justizia Auzitegiaren ustez, ez da nahikoa Espainiak interinoak mugagabe ez-finko bihurtzea
Europako Justiziaren ustez, egungo ereduak ez du bermatzen erantzun eraginkorrik, eta indartu egiten du 2024ko doktrina.
Fiskaltzak CAFen aurkako ikerketa abiatu du, Jerusalemgo tranbiaren eraikuntzan duen inplikazioagatik
Azpiegiturak Jerusalemen okupatutako lurraldeak eta Jerusalem mendebaldea lotzen ditu. Gizarte zibileko hainbat erakundek salaketa jarri dute Fiskaltzan, CAFeko administrazio kontseiluaren eta sei filialetako zuzendarien aurka, eta auzia Auzitegi Nazionalak ikertzea eskatu dute. LABek Jerusalemgo tren arinaren proiektua bertan behera uzteko eskatu dio CAF enpresari.