Administrazio Orokorreko funtzionarioentzako 3.108 plaza eskainiko dituzte aurten hainbat deialditan
Eusko Jaurlaritzak gaur jakinarazi die Euskadiko Administrazio Orokorreko Mahai Sektorialean ordezkatuta dauden sindikatuei aurten 3.108 plaza betetzeko eskaintza publikoa egingo dutela hainbat deialditan.
Hori adierazi diete Jaurlaritzako Funtzio Publikoko arduradunek gizarte eragileei gaur Lakuan egin duten mahai sektorialaren bileran. Plaza horien erdiak baino gehiago merezimendu-lehiaketaren modalitatean eskainiko dira, eta gainerakoak oposizio-lehiaketaren modalitatean.
Lanpostu publikoak egonkortzeko eskaintza horiek indarrean dagoen Kidego eta Eskalen Euskal Legean jasotako irizpideen arabera gauzatu direla zehaztu du Gobernuak.
Funtzionarioentzako plaza guztietatik 1.884 merezimendu-lehiaketa bidez ebatziko dira, eta gainerako 1.219ak lehiaketa-oposizio bidez. Beraz, eskainitako lanpostuen %60,6tan, hautagaien merezimenduak soilik baloratuko dituzte, besteak beste, administrazioan lanean emandako urteak eta prestakuntza profesionala eta akademikoa.
Eskainiko dituzten lanbide eskalak 50 inguru dira, tartean daude administrazio langileak, legelariak, gizarte eta lan arreta, estatistikak, hizkuntza normalizazioa, osasun publikoa eta epidemiologia.
Jaurlaritzak ohar batean azaldu duenez, deialdietan, batez ere, kasuan kasuko kidegoan, eskalan, kategorian edo baliokidean izandako esperientzia hartuko da kontuan. Deialdiak "laster" jakinaraziko dituztela erantsi du.
Erreakzioak
ELAk salatu duenez, Eusko Jaurlaritzak Administrazioan behin-behinekoak diren 45.000 langileetatik % 20 bakarrik kontsolidatzea aurreikusten du. Sindikatuaren arabera, behin-behinekotasuna tasa % 8ra jaisteko Eusko Jaurlaritzak kontsolidazioari buruzko Legean ezarritakoa betetzeko hilabete baino gutxiago falta denean "oso larria" da gai hori gai hori gai-zerrendan ere ez agertzea.
LAB ere ildo beretik mintzatu da. Gorka Berasategi LAB sindikatuko sektore publikoko arduradunak legeak eskaintzen dituen aukerak baliatu nahi ez izatea egotzi dio Eusko Jaurlaritzari. Gaineratu duenez, nahiz eta lanpostu asko izan, ez du guztiz konponduko behin-behinekotasunaren arazoa.
Zure interesekoa izan daiteke
Langabeziak gora egin du uztailean Euskadin eta Nafarroan, 1.378 eta 534 langabe gehiagorekin, hurrenez hurren
Euskadik uztailean 105.590 pertsona zituen enplegu-eskatzaile gisa, ekainean baino 1.378 langabe gehiago. Nafarroan, berriz, 534 langabe gehiago daude, 28.843, Lan eta Gizarte Ekonomia Ministerioak argitaratutako datuen arabera.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.
Tubos Reunidosek 88,19 milioi euroko galera ekonomikoa izan du 2026ko lehen seihilekoan
Konpainiak nazioarteko arantzelek eragindako beherakadari eta enplegu-erregulazioko espedientearen negoziazioan zehar lantegietan izandako mobilizazioei egotzi die emaitza negatibo hori.