Metropolian autoz ibiltzen direnen herenak mugitzeko era aldatuko du bulebarrari esker, Pradalesen ustez
Imanol Pradales, Azpiegiturako eta Lurralde Garapenerako Foru diputatuak nabarmendu duenez, Bilbo, Erandio, Leioa eta Getxo lotuko dituen bulebar berria mugikortasun jasangarriaren aldeko apustu garbia da eta, eta "udalerri ezberdinak konektatzen ditugu".
Bizkaiko zonalde honetan egunero autoz egiten diren joan-etorriak bizikletaz edo oinez egitea da helburua, Pradalesek ETB1eko "Egun on Euskadi" saioan azaldu duenez. "Metropolian kotxea asko erabiltzen da, eta hori aldatu nahi dugu", esan du. Aldundiko teknikarien arabera, gaur egun inguru horretako erabiltzaileen heren batek autoz egiten dituen joan-etorriak bizikletaz egingo lituzke, errepide-tarte horren segurtasun baldintzak beste batzuk balira.
Azpiegituretako eta Lurralde Garapenerako foru-diputatuaren esanetan, azpiegitura honekin, batetik, udalerriak hobeto konektatuko dira elkarrekin, eta, bestetik, udalerri horietako bizilagunek seguruago egin ahalko dituzte Bilbo eta udalerri horien arteko joan-etorriak.
Bulebar berriari esker, herritarrek garraio publikoekin hobeto konektatzeko aukera izango dutela nabarmen du Pradalesek, eta, bide batez, mugikortasun jasangarria bultzatuko da horrela. Gaineratu duenez, "itsasadarren ertzak herritarrentzako berreskuratzen ditugunean, bertan hainbat eratako jarduerak sortuko dira".
Martxan dauden Bizkaiko beste azpiegitura batzuk ere izan ditu hizpide foru diputatuak. BI-711 errepidearen harira esan du Udalaren edo Aldundiaren menpe ez zegoen errepide bakarra zela orain arte, eta "isilpeko lana" egin behar izan dutela erantsi du.
Artatzako biribilgunea (Leioa) eta Ballontikoa (Sestao) urpetik lotuko dituen tunelari buruz esandakoaren arabera, "konplexutasun ikaragarria dago horrelako proiektu baten atzean eta teknikoki dena ondo egin behar da".
Errekaldeko biaduktuaz galdetuta, "lehenengo urratsa tramitazioarekin hastea da, eta tokatzen denean behar den bezalako apustua egingo da", erantzun du.
Bidesariak ere izan dituzte hizketagai ETB1eko saioan egin dioten elkarrizketan. Hala, azpimarratu duenez, "gure ardurapean ditugun errepideetan guk gure eredua daukagu, Gipuzkoak duenaren antzekoa". AP-68ari buruz nabarmendu du titulartasuna izan badutela, baina kudeaketa ez dagoela euren menpe.
Albiste gehiago ekonomia
Villavesetako langileek greban jarraitzearen alde egin dute, oso bozketa estu batean
Garraio publikoko langileen % 50,6k egin dute grebaren alde; sei botoko aldeagatik gailendu da aukera hori. TCC enpresak ohartarazi du ez duela negoziatuko lanuztea bertan behera utzi arte.
Mondragon Korporazioko Diknua kooperatibak 1,5 milioi ordaindu ditu Ternuagatik eta 56 lanpostu mantenduko ditu
Donostiako Merkataritza arloko 1 zenbakiko Epaitegiak konpainiaren 56 enpleguak Euskadin mantentzea ekarriko duen operazioa baimendu du, "lan-baldintzak eta antzinatasuna errespetatuz".
Honelakoa da Internet bidezko iruzurren aurkako banku-egiaztapen berria
Hemendik aurrera, hartzailearen izena eta IBAN kodea bat ez badatoz, erabiltzaileari jakinaraziko dio bankuak, transferentzia bidezko iruzurrak errotik mozteko.
Estatuan, EAEn sortu dira abuztuan enpresa berri gehien, % 24,1eko hazkundearekin
Guztira, 201 enpresa sortu dira Euskal Autonomia Erkidegoan, eta 9,7 milioi euroko kapitala izenpetu dute. Sozietate mugatu gisa sortu dira guztiak.
SAPA Transmission konpainia gipuzkoarrak AEBko Armadaren ibilgailu blindatuen transmisio sistema egingo du
2025-2030 Plan Estrategikoaren arabera, konpainiak partaidetza handia izango du kontratuetan, eta 7.000 unitate egingo ditu datozen urteetan.
Gaur amaituko da Sabadelleko akziodunek BBVAren eskaintza onartu ala ez erabakitzeko epea
Epea amaitu baino ordu batzuk lehenago, Cesar Gonzalez Bueno Banco Sabadelleko kontseilari delegatuak ziurtatu du BBVAk eman dituen datuak "boluntaristak" direla. BBVAren esanetan, Sabadelleko akzioen % 50 trukatu dituzte, baina Sabadellek esan du ez direla % 30era heldu.
"Iaz, azoka egin eta hilabetera, enpresen % 35ek esan ziguten kontratazioak edo elkarrizketak izaten ari zirela"
Donostian, Enplegu Azoka egiten ari dira, Gipuzkoako Merkataritza Ganberaren eskutik. Gipuzkoako Ganberako Ezagutzaren Kudeaketa Arloko zuzendari Ana Ugalderen hitzetan, azoka aukera "zoragarria" da langabetuentzat zein ibilbide profesionala aldatu nahi dutenentzat, eta azokan bertan lana topatzeko aukerak daudela erantsi du.
LABek eta Steilasek egun osoko lanuzteari eutsi diote urriaren 15ean, Gazako genozidioa salatzeko
Gasteizen agerraldia egin dute LAB eta Steilas sindikatuetako ordezkariek, urriaren 15ean Hezkuntzan deituta duten egun osoko lanuzteari eusten diotela azaltzeko. Hezkuntzako komunitatea osatzen duten kide guztiei dei egin diete herri eta hirietan egingo diren mobilizazioetan parte hartu eta Palestinari babesa adierazteko. EAEko hiru hiriburuetan 12:30ean egingo dira manifestazioak.
Oronak lantegi berri bat eraikitzeko 60 milioi euroko inbertsioa egingo du Hernaniko lurretan
Orona enpresak 60.000 metro koadroko lur-eremua erosi duela iragarri du, igogailuen sektorean ariko diren 150 lanpostu sortzeko helburuz.
Ryanairrek txalotu egin du eskuko ekipajearen espedientea, eta Kontsumok “airelineak defendatzea” leporatu dio EBri
Europako Batzordeak zalantzan jarri ditu Espainiako Gobernuak kostu txikiko hegaldien bost konpainiari ezarritako 179 milioiko zigorrak; kontsumitzaileek eta Bustinduy ministroak, berriz, Bruselaren “menpekotasuna” salatu dute aireko sektorearen presioen aurrean.