Jaurlaritzak eutsi egin die EAEko egungo aurreikuspen ekonomikoei
Pedro Azpiazu Eusko Jaurlaritzako Ogasun eta Ekonomia sailburuak adierazi du oraingoz eutsi egingo zaiela EAEko egungo aurreikuspen ekonomikoei, eta gaineratu du uztailean berriro berrikusiko dituztela kalkuluak, eta horren arabera erabakiko dutela aldatu ala ez.
CEPREDE (Centro de Predicción Económica) elkartea egunotan egiten ari den batzarraren inaugurazioan egin ditu adierazpenok Azpiazuk, eta azpimarratu du "inflazioari eusten" ari zaiola, nahiz eta aitortu duen inflazioaren zati batek, azpiko inflazioak, gora egiten jarraitzen duela.
Jaurlaritzako Ogasun eta Ekonomia sailburuak, baina, esan du gainerakoak pixkanaka aurreko mailetara itzuliko direla. "Ez dakit inflazioa % 2tik beherakoa izango den berehala, baina nik uste dut hein handi batean bideratu egingo dela, eta horrek, ziurrenik, egonkortasun eta lasaitasun handiagoa emango dio ekonomiari", nabarmendu du.
"Gasaren prezioa zehazten denean, elektrizitatean zer-nolako eragina izango duen ikusiko dugu; nik uste horrek ere inflazioak behera egitea eragingo duela", gaineratu du.
Era berean, sailburuak gogorarazi du hiru hilean behin berrikusten direla aurreikuspenak, eta uztailean ikusiko dela egungo aurreikuspen hori aldatu behar ote den ala ez. "Oraingoz ez dugu aurreikuspen horiek aldatzeko arrazoirik. Zentzuzkoak direla uste dugu", adierazi du.
Atzo, hain zuzen ere, Espainiako Bankuak ohartarazi zuen 2022rako aurreikuspena berriro jaitsiko zela ekainean (apirileko aurreikuspena % 4,5eko hazkundea zen), lehen hiruhilekoan BPGaren dezelerazioa espero baino "askoz ere handiagoa" izan delako eta azpiko inflazioak gorantz jarraitzen duelako.
Urteko txostenak nabarmentzen du inflazio ez-energetikoa aurten aurreikusitakoa baino gehiago haziko dela, eta energiaren prezioen igoera apalagoa izango dela, besteak beste, gasaren prezioa mugatzeko eta elektrizitatearena jaisteko mekanismoa abian jartzeagatik.
Zure interesekoa izan daiteke
Osakidetzako lan-eskaintza berriaren lehen probak ekainaren 19an, 20an eta 21ean egingo dira
Aurreko deialdiekin alderatua, badira zenbait berritasun: besteak beste, probaren nota gorde ahalko da, eta test motako azterketa bakarra egingo da. Guztira, 5.425 lanpostu eskainiko dira, eta horietatik, 2.160 berriak izango dira.
Sindikatu eta abokatuek interinoen "finkotasuna" eskatzen dute Europar Batasuneko Justizia Auzitegiaren ebazpenaren ondoren
Auzitegi Gorenari dagokio orain geldirik dituen auziak ebaztea eta Europako ebazpena nola bete behar den zehaztea. Interinok Taldea sindikatuak eta auzia bultzatu duen abokatuak finkotasuna ezinbestekotzat jotzen dute. ELAkk Gobernuaren “borondate politiko eza” agerian gelditu dela salatu du.
Espainiako Gobernuak dio Europako Justiziaren epaiak ez duela behartzen langile interinoak zuzenean finko bihurtzera
Astearte honetan argitaratutako epai batean, Europar Batasuneko Justizia Auzitegiak adierazi du ez dela nahikoa Espainiak interinoak mugagabe ez-finko bihurtzea. Espainiako Gobernuak, bien bitartean, berretsi egin du langileen behin-behineko kontratuen kopurua murrizteko konpromisoa duela, eta nabarmendu du 419.756 plaza egonkortu dituela dagoeneko.
Inflazioa % 3,4koa izan da martxoan Euskadin, eta % 3,5ekoa Nafarroan, petrolioaren prezioaren ondorioz
Martxoko inflazioa Espainiako Estatuan uste baino hamarren bat altuagoa izan da, erregaien prezioen gorakadak eraginda.
Europar Batasuneko Justizia Auzitegiaren ustez, ez da nahikoa Espainiak interinoak mugagabe ez-finko bihurtzea
Europako Justiziaren ustez, egungo ereduak ez du bermatzen erantzun eraginkorrik, eta indartu egiten du 2024ko doktrina.
Fiskaltzak CAFen aurkako ikerketa abiatu du, Jerusalemgo tranbiaren eraikuntzan duen inplikazioagatik
Azpiegiturak Jerusalemen okupatutako lurraldeak eta Jerusalem mendebaldea lotzen ditu. Gizarte zibileko hainbat erakundek salaketa jarri dute Fiskaltzan, CAFeko administrazio kontseiluaren eta sei filialetako zuzendarien aurka, eta auzia Auzitegi Nazionalak ikertzea eskatu dute. LABek Jerusalemgo tren arinaren proiektua bertan behera uzteko eskatu dio CAF enpresari.
Iberiak Kubarako hegaldi zuzenak bertan behera utziko ditu ekainetik aurrera, energia krisia dela eta
Etenaldiak irauten duen bitartean, Kubara joan nahi dutenei Iberiak eskainiko die Panamara joatea, eta handik, uhartera. Habanan dituen bulegoak zabalik izango ditu Iberiak.
"Jo ta ke, hemen erabaki arte" lelopean, ELAk 1.500 euroko gutxieneko soldata propioa aldarrikatuko du Maiatzaren 1ean
Sindikatuak Confebasken jarrera kritikatu du, "euskal gizartetik gero eta urrunago" dagoelako, eta Pradalesi eskatu dio "gutxieneko soldata propioaren alde egiteko".
Bizkaiko Ogasunak 1.317 euro itzuliko ditu errenta aitorpenean, batez beste
Foru Ogasunak aurreratu du herritarren alde aterako dela errenta aitorpena, eta jakitera eman du zergadunen % 70i dirua itzuliko zaiela.
Energiaren prezioek, berriz ere gora: Brent petrolioa % 7 igo da, eta gas naturala, % 8,5
Estatu Batuek Iranen aurka egindako erasoaren aurretik, Brent upelaren prezioa 72 dolarrean zegoen; gaur, berriz, 102 dolarrera iristear dago.