Niko Cuenca: "Energia berriztagarrien oldea ikusita, negozioa badago, baina offshore ereduan zentratuko da"
Siemens Gamesa Renewable Energyren akzio guztiak erosteko eskaintza publikoa egin du Siemens Energyk. Akzio guztien % 32,9 bereganatzea falta zitzaion konpainia alemaniarrari, eta operazio honekin jabetza osoa eskuratuko luke. Niko Cuenca ekonomialaria Euskadi Irratian izan da, erabaki horren aurrekariak eta ondorioak aletu eta azaltzeko.
Cuencaren arabera, "oso aldaketa nabariak" datoz, konpainiak akzioen % 100 erosi eta burtsako kotizaziotik ateraz gero. Azaldu duenez, "enpresan aldaketa potolo bat egin nahi denean etxe barruan arazorik izan gabe, horrelakoak egiten dira".
Itsasoko eta lurreko sorgailuekin aritzen da enpresa, biak haize energiarekin lotutakoak. Offshore deritzon zatia (itsasoan, kostaldetik urrun dauden instalazioak) ondo funtzionatzen ari da eta, aldiz, arazoak izaten ari dira lurreko azpiegiturarekin: "dagoeneko saldu dituzte sorgailu batzuk", nabarmendu du ekonomialariak.
Hala, "litekeena da hain errentagarria ez den negozio zatiari" uko egitea. "Hortik joko dutela uste dut", izan ere, "konpainiak ez du arazorik izan nahi akziodunen artean".
Lurreko energia eolikoak alde batera utzi eta offshore direlakoen aldeko apustua egiteak eragina izan lezake langileengan. Cuencaren hitzetan, "horrelako fusio edo erosketa bat dagoenean, sinergiak aipatzen dituztenean, baliteke kudeaketa Alemaniatik eramatea, eta jokoan egon litezke Zamudiko lanpostu korporatiboak", bertan baitago zerbitzu zentrala.
Siemens Gamesaren azken emaitzak ikusita, azken urtean bi 'profit warning' argitaratu dituzte, aurreikuspenak beteko ez direla iragartzeko. Edonola ere, ekonomialariak azpimarratu du negozioa egon badagoela, "energia berriztagarrien oldea ikusita". Momentuz, dena den, "offshore ereduan zentratuko da".
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".