Siemens Gamesak "Euskal Herrian dituen operazio guztiak" mantenduko dituela ziurtatu du Siemens Energyk
Siemens Gamesa Renewable Energyren akzio guztiak bereganatzeko eskaintza publikoa egin du Siemens Energyk. Larunbatean jakinarazi zuen berria. Akzioen % 32,9 bereganatzea falta zitzaion konpainia alemaniarrari Gamesaren jabetza osoa izateko — egun, % 67 du jabetzan —; beraz, operazio honekin, osorik berea litzateke. Gaur goizean eman ditu operazioaren xehetasunak Christian Bruch konpainia alemaniarraren kontseilari ordezkariak, telematikoki eskaini duen prentsaurrekoan. Ziurtatu duenez, Siemens Gamesak Euskal Herrian martxan dituen operazio guztiei eustea da euren asmoa, eta Espainiak "Siemens Energyren baitan ezinbesteko eginkizuna" izaten jarraituko duela zehaztu du.
Hala, bat-egiteak alde guztiei egingo diela mesede adierazi du zuzendaritzak: "hornitzaileak, bezeroak, akziodunak, langileak eta gizarte osoa", denak aterako direla irabazten esan du. Erosketa osatzeko epeen berri ere eman du agerraldian, eta 2022 amaierako prozesua amaituta egongo delakoan dago.
Egoitzak lekuz aldatzeko asmorik, oraingoz, "agendan ez" badute ere, Bruchek aitortu du "negozioarentzat egitura eraginkor bat eratzea" beharrezkoa dela, bezeroari "zerbitzu hobeagoa" eskaintzeko eta "bikaintasuna" lortzeko. Hori bai, argitu du zergak "lan egiten den herrialdean bertan" ordaintzen jarraituko dutela, eta beraz, "irabaziak lortzen dituzten lekuan" mantenduko dutela dagokion egoitza fiskala. "Espainian dugun presentziari eusteko konpromiso osoa dugu", gehitu du.
3.000 langile inguru ditu Siemens Gamesak Hego Euskal Herrian dituen lantokietan — Zamudion, Mungian, Asteasun, Sarrigurenen eta Arazurin —, eta Siemens Energyko goi-arduradunak ziurtatu duenez, eskuartean duten planak ez die eragingo. "Proiektuen kudeaketarekin zerikusia duten ohiko arazoak dira ikusten ari garenak, eta ez sektoreari lotutakoak. Gure planak ez dio plantillari eragingo. Estragegia bateratu baten bidez, taldea hazten laguntzea nahi dugu", esan du Bruchek. Sindikatuek eta alderdi politikoek ez dute hori hain argi.
Bestalde, lurreko energia eolikoaren ekoizpenari eusteko borondatea agertu du, hori baita, bere hitzetan, Siemens Gamesaren "oinarria". "Offshore deritzon (itsasoan, kostaldetik urrun dauden azpiegiturak) ekoizpenak baino merkartu zabalagoa du lurrekoak, baina hobeto kudeatu behar dugu", zehaztu du. Kostuen sinergietan jarri du azpimarra, beste behin, Bruchek.
Jarraipen batzordea
Bere aldetik, Siemens Gamesako administrazio kontseiluak gaur iragarri du jarraipen batzorde bat eratuko dutela, eskaintza publikoa aztertzeko eta aurrera begirako urratsak erabakitzeko. Balore Merkatuaren Batzorde Nazionalari eman dio, dagoeneko, horren berri.
Jarraipen batzordea, besteak beste, Gloria Hernandez, Francisco Belil, Harald von Heynitz eta Rudolf Krämmer kontseilari independenteek osatuko dute. Eskaintzaren baldintzak eta xehetasun guztiak aztertzea izango da horien egitekoa, eta legeak hala eskatzen duenean, txostena kaleratuko dute, prozesuaz duten iritzia azalduz.
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".