EB-Aljeria akordioa "urratzea" leporatu diote Bruselak eta Espainiak Aljerri, merkataritza eteteagatik
Duela bi egun Aljeriak Espainiarekin merkataritza etetea erabaki zuen, Mendebaldeko Sahararekiko jarrera aldaketagatik. Erabakiak Europar Batasunaren merkataritza legea urratu dezakeela ohartarazi dute EBko goi-kargudunek ostiral honetan.
Konkretuki, Europako Batzordeak esan du Aljeriak hartutako erabakia, Espainiarekin sinatutako Adiskidantza Ituna bertan behera uztea, "oso kezkagarria" dela. Are gehiago, EB-Aljeria Elkartze akordioa "urratu" dezakeela ohartarazi du.
"EBko Estatu kide baten aurka aplikatutako edozein neurri hertsatzaileri aurre egiteko prest dago Brusela", esan dute Josep Borrell EBko diplomazia buruak eta Valdis Dombrovskis Europako Batzordeko presidenteordeak agiri bateratu batean. "Hala ere, elkarrizketak lehentasuna du eztabaidak konpontzeko", erantsi dute.
Jose Manuel Albares Kanpo Arazoetako, Europar Batasuneko eta Lankidetzako ministroa Bruselara joan da ostiral honetan. Bertan bildu da Valdis Dombrovskis Europar Batasuneko merkataritza-politikaz arduratzen den Batzordeko presidenteordearekin.
Espainiako Atzerri ministroaren esanetan, Aljeriaren "aldebakarreko" erabakiak EB-Aljeria "elkartze akordioa urratzen" du.
"Aldebakarreko neurriak Aljeria-EB elkartze akordioa urratzen du; beraz, nahiz eta Espainiaren aurkakoa izan, merkatu bakarrari eragiten dio, Aljeriaren merkataritza eta harreman ekonomikoari", ziurtatu du ministroak.
Albaresek egiaztatu duenez, "Aljeriaren aldebakarreko neurria errefusatzen dute Europar Batasunak, Batzordeak eta Europako erakundeek".
"EBk eta bere erakundeek gure ikuspegi berdina dute", esan du Albaresek. Afrikako herrialdean Espainiaren eta enpresen interesak defendatuko dituztela gaineratu du.
Mendebaldeko Sahararekiko jarrera aldatzeagatik Adiskidantza Ituna bertan behera utzi du Aljeriak aste honetan. Erabakiaren lehenengo ondorioa kanpo merkataritzako banku operazioak etetea izan da.
Batzordearen ahotan, "EB Estatu kide bati tratu diskriminatzailea ematea litzateke, eta Batasunaren eskubideen ariketan eragin negatiboa izango luke".
"Egoera azkar bideratzen" saiatzeko, Bruselak "Espainiako Gobernuarekin eta Aljeriako agintariekin harreman etengabea du".
Hirugarren herrialde baten aldebiko harremana EBko Estatu kideren batekin, Europar Batasunarekin harremanak dira, Bruselako ordezkariek gogorarazi dutenez.
"Batasuna eta elkartasuna EBren barruan gure interesak eta balioak defendatzeko funtsezkoak dira herrialde guztiekin ditugun harremanetan", erantsi du oharrak.
Gainera, merkataritza politika EBren eskumen esklusiboa da, eta Batasuna "Estatu kide baten aurka aplikatutako edozein neurri hertsatzaileri aurre egiteko prest dago".
"Aljeria EBren bazkide garrantzitsu bat da Mediterraneoan, eta aktore erabakigarria eskualdearen egonkortasunerako", Europako diplomaziaren buruak eta merkataritza politikako arduradun nagusiak nabarmendu dutenez.
EB Aljeriaren merkataritza bazkide nagusia da, eta Afrikako herrialdearen nazioarteko merkataritzan pisu handiena du (2019ean % 46,7). Afrikako herrialdea, ostera, EBko merkataritza bazkideen zerrendan 28. tokian dago, eta merkantzien % 0,7 suposatu zuen 2020an.
Bestalde, Enagas Espainiako gas konpainiak Kantauri Itsasoko uretan dagoen Gaviota plataforma guztiz beteko du aurki, datorren neguan erregai hori hornitzeko ahalmena indartzeko.
Zure interesekoa izan daiteke
Jose Antonio Santano: "AHTren Nafarroarekiko loturari buruzko erabakia aurten hartu beharko da"
Garraio estatu idazkariak berretsi du kontuan hartuko direla Aralar mendilerroan egiten ari diren zulaketen emaitzak, baita ibilbideen denboren azterketa funtzionalak emandako ondorioak, kostu ekonomikoak eta obren epeak ere.
Donostiako Atotxako geltokiko lanak azken fasean, AHTaren iritsieraren zain
Urumea eta Egia lotzen dituen pasabidea erabat zabaldu dute eta trenbideen gainean 5.700 m2-ko plaza zabal bat eraiki dute. 2027an jakingo da noiz iritsiko den AHT-a Donostiara, Espainiako Gobernuaren hitzetan.
Petronorrek 27,8 milioi irabazi zituen 2025ean, aurreko urtean baino % 61 gutxiago, itzalaldiaren eta hiru hilabeteko grebaren eraginez
Konpainiak apirileko itzalaldiaren eraginari eta urteko azken hiruhilekoko lan-gatazkari egotzi die irabazien beherakada. Hala ere, inbertsioak % 48 igo zituen, 217,8 milioi euroraino.
Petrolioaren prezioa % 5 jaitsi da, 98 dolar ingururaino, AEBren eta Iranen arteko elkarrizketen traza ona dela eta
Brenta 98,1 dolarretan kotizatzen da gaur goizean, joan den ostiralean Europan burtsak ixtean kotizatzen zen 103 dolarretatik behera, % 5,2 gutxiago, zehazki. Ekialde hurbileko gerra laster bukatuko den itxaropenak bultzatuta, Asiako Burtsak igoerekin ekin diote egunari eta Burtsa europarren gerorako inbertsioek ere % 1 egin dute gora.
Lekeitioko arrantzale bat hil da Senegalgo uretan
Bermeoko ATUNSA enpresako langilea zen. LAB sindikatuaren esanetan, "heriotza ez traumatiko" gisa sailkatu dute, eta enpresa horretan aurten izan den bigarren heriotza ez traumatikoa izan dela salatu du.
Pakistandarrak lanean esplotatzeagatik ikertutako hiru pertsonak aske utzi dituzte, Espainiatik irtetea galarazita
Ikertuek epailearen aurrean ez deklaratzeko eskubideari heldu diote, eta epaileak pasaportea kentzea eta hileko lehenengo egunean eta hamabosgarrenean epaitegian agertzea agindu du.
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.