Enagasek Gaviota plataforma guztiz beteko du neguan gas hornidura bermatzeko
Enagas Espainiako gas konpainiak Kantauri Itsasoko uretan dagoen Gaviota plataforma guztiz beteko du aurki, datorren neguan erregai hori hornitzeko ahalmena indartzeko.
Hala iragarri du Juan Andres Diez de Ulzurrun Bahia de Bizkaia Gaseko presidente eta Enagaseko zuzendariordeak Bilboko Ganberak gasaren inguruan antolatu duen jardunaldi batzuetan.
Enagaseko zuzendariordeak ez du uste gasaren prezioari muga jartzeko onartu berri den iberiar 'salbuespena'k argindarraren "fakturan eragina izatera" helduko denik, eta merkatuan egindako "esku hartzetzat" jo du. "Prezioak igotzen jarraituko du, nire kalkuluen arabera, duela urte batzuetako balioetara helduko da berriz", ohartarazi du.
"Aurreikusita dauden neurrietako batzuk merkatuan dauden agenteek euren baliatuko dituzte", azaldu du. Gogorarazi duenez, hasiera batean faktura % 40 merkatuko zela esan zuten, gero, % 15era jaitsi, eta "orain arte ez dugu emaitzarik ikusi".
Horren aurrean, irtenbidea, Diez de Ulzurrunen arabera, Euskadik bere gas propioa ustiatzea izango litzateke. Arabako lur azpian dagoen gasa jarri du horren adibide (fracking bidezko ustiapena), eta azpimarratu du horretarako ez dela inbertsio handirik behar. "Ustia dezagun behingoz hor azpian dugun hori. Gas megawatta 80 euroan dagoen honetan, hor dagoen gasa euro batean atera dezakegu. Ez du zentzurik hor azpian uztea", aldarrikatu du.
Aljeriaren eta Espainiaren artean sortu den krisi diplomatikoak gas merkatuan izango duen eraginaren harira (Espainiako Estatuak gasaren % 10 inportatzen du bertatik), aurreikusi du "borroka eta lehia" egongo dela inportazio horiek ordezkatzeko. Italia jarri du adibidetzat, eta azaldu du Afrika iparraldeko herrialde horren "gasa erosteari" ekin diola.
Errusiak sektorean duen nagusitasuna ezin dela ezbaian jarri azpimarratu du Diaz de Ulzurrunek: "Gasa soberan du, oso autarkikoa da, Europar Batasunaren betoak ez dio apenas eragingo, atzerriko herrialdeekin dituen merkataritza harremanak % 20 baino ez dira". Azaldu duenez, Errusia ari da jada Txinarekin negoziatzen.
Zure interesekoa izan daiteke
Lekeitioko arrantzale bat hil da Senegalgo uretan
Bermeoko ATUNSA enpresako langilea zen. LAB sindikatuaren esanetan, "heriotza ez traumatiko" gisa sailkatu dute, eta enpresa horretan aurten izan den bigarren heriotza ez traumatikoa izan dela salatu du.
Pakistandarrak lanean esplotatzeagatik ikertutako hiru pertsonak aske utzi dituzte, Espainiatik irtetea galarazita
Ikertuek epailearen aurrean ez deklaratzeko eskubideari heldu diote, eta epaileak pasaportea kentzea eta hileko lehenengo egunean eta hamabosgarrenean epaitegian agertzea agindu du.
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.