Gasaren prezioari muga jartzeko lege-dekretua babestu du Kongresuak, PPren eta Voxen abstentzioarekin
Argindarra sortzeko erabiltzen den gas naturalaren prezioari muga jartzeko lege-dekretua baliozkotu du Diputatuen Kongresuak, PSOE, Unidas Podemos, Esquerra Republicana, Ciudadanos, EAJ eta EH Bilduren babesarekin. PP eta Vox ultraeskuineko alderdia, aldiz, abstenitu dira, eta Foro Asturiasek eta Nueva Canariasek kontrako boza eman dute.
Europako Batzordeak baimena eman eta egun bat geroago, Kongresuak neurriaren lege-dekretua baliozkotu du. Batzordearen oniritzia beharrezkoa zen neurria martxan jarri ahal izateko. Espainiako Gobernuak ostegun honetan bertan argitaratu du, aplikatzen hasteko Ministerio agindua.
Horrela, prezioaren mugarekin lehen enkantea datorren asteartean egitea espero du Espainiako Gobernuak; beraz, hurrengo egunean nabarituko da salneurrian.
Dekretuaren eztabaida parlamentarioan, Teresa Ribera Trantsizio Ekologikorako presidenteordeak mekanismoa, gas naturalaren garestitzearen aurrean, "suebaki" bat dela azpimarratu du, eta krisi energetikoa soilik kontsumitzaileen sorbaldan erortzea saihesteko "aurrekaririk gabeko" ezkutua.
Era berean, Europako Batzordeak mekanismoa baimentzeaz gain, Ursula Von der Leyen presidenteak berak "behingoz" merkatu elektrikoaren erreforma bat eskatzeagatik zoriondu da ministroa.
Nahiz eta azkenean abstenitu, PPk eta Voxek prezioak mugatzeko mekanismoaren aurka gogor egin dute eztabaidan.
EAJk, EH Bilduk eta PDeCATek, aldiz, Espainiako Gobernua zoriondu dute, nahiz eta nahikoa ez dela uste; neurria lortzeko zailtasuna aitortu dute. "Emaitzak ikusiko ditugu, baina ez zen erraza", onartu du Ferran Bel PDeCATeko ordezkariak.
"Pauso bat da, baina orain arte inor ematera ausartu ez den pauso handia", esan du Idoia Sagastizabal EAJko bozeramaile ekonomikoak. Neurria iragarri zenetik, gasaren merkatuak egonkortu direla azpimarratu du jeltzaleak.
Azkenik, Oskar Matute EH Bilduko diputatuak Gobernuari informazio kanpaina xehatua eskatu dio, nola funtzionatzen eta eragiten duen argitzeko, merkatzea zenbaterainokoa izango den jakiteko.
Zure interesekoa izan daiteke
Otxandianok berdinen arteko negoziazioa eskatu du euskararen gaian eta Olanok erantzun du prozesuan lortu dezaketela adostasuna
EH Bilduk enplegu publikoaren lege proposamenak berdintasunean negoziatzea eskatu dio EAJri. Jeltzaleek, ordea, edukiei dagokionean oso urrun ikusten ditu bi proposamenak.
Uxue Barkosek ukatu egin du bere agintaldian ustelkeririk izan zenik, eta Cerdanekin inoiz ez duela negoziatu ziurtatu du
2015 eta 2019 artean Nafarroako Gobernuko presidente izan zenak hiru orduko agerraldia egin du Nafarroako Parlamentuko Ikerketa Batzordean.
Itxasok Otxandianori erantzun dio EH Bildu "hirigintza garapenaren eta eraikitzearen aurka" agertu dela udaletan orain arte
Etxebizitzaren arazoari aurre egiteari dagokionez, azken hamar urteak "galdutzat" jo ditu EH Bilduk. Baieztapen horren aurrean, Etxebizitza sailburuak "bakoitzak bere erantzukizuna bere gain hartzeko" deia egin du astearte honetan. Denis Itxasok "proposamen zehatzak" eskatu dizkie indar politikoei.
Euskadik "bakearekin, demokraziarekin eta giza duintasunarekin" duen konpromisoa defendatuko du Pradalesek aita santuarekin izango duen bileran
Maria Ubarretxena Eusko Jaurlaritzako bozeramaileak Gobernu Kontseiluaren osteko agerraldian azaldu duenez, Imanol Pradales lehendakaria Leon XIV.a aita santuarekin bilduko da asteazkenean Vatikanoan, eta, bertan, Euskadik "bakearekin, demokraziarekin, giza duintasunarekin eta justizia sozialarekin" duen konpromisoa defendatuko du.
Pello Otxandiano: “Orain arte ezagutu gabeko eskalan etxebizitza publikoa sustatzea proposatzen dugu”
EH Bilduk koalizioaren etxebizitza plana aurkeztu eta ordu gutxira, Pello Otxandiano, Eusko Legebiltzarreko koalizioaren bozeramailea, Radio Euskadiko Boulevard saioan izan da. Han, etxebizitza arloko bere alderdiaren proposamenak azaldu ditu, eta arreta berezia jarri du etxebizitza publikoko proposamenetan. “Badago ardatz bat bereziki garrantzitsua: herri honetan orain arte ezagutu gabeko eskalan etxebizitza publikoa sustatzea. Arazoari benetan heldu nahi bazaio, funtsezkoa da etxebizitza publikoaren parke handi bat sustatzea, azpiegitura sozial estrategiko gisa”, adierazi du.
Otxandiano: "Hemen ez da etxebizitza politikarik egin, politika inmobiliarioa egin da"
EH Bilduk "anbizio handiko" plan bat aurkeztu du, etxebizitza merkatuan esku-hartzearen aldeko apustua egiteko; Babes Ofizialeko Etxebizitzaren (BOE) "eskala handiko" sustapenaren alde egiteko, "ahalegin publikoa biderkatzeko"; eta etxebizitzaren "funtzio soziala babestearen" alde egiteko plana darabil koalizioak, beraien hitzetan.
Pedrosa: "Ikastetxeen integrazioak familiekin lan egitea eskatzen du; hausnartu egin behar da zergatik ari garen hori egiten, datuekin"
Begoña Pedrosa Hezkuntza sailburuak, Egun Onen, adierazi du Araban bost integrazio egin dituztela, eta "hamar ikastetxe" egon direla "inplikatuta". Bizkaian, ordea, ikastetxe batzuk beste batzuetan integratu direla jakinarazi du.
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".