Eroski: "Marka zurien aldeko joera nabaria da, gehiago saltzen ari dira"
Agustin Markaide Eroskiko presidenteak baieztatu duenez, inflazioaren kolpeak eragina du kontsumitzaileen ohituretan, eta, hala, dendetan gehiago ari dira saltzen marka zuriko produktuak. Horien "aldeko joera nabaria da", erantsi du.
Euskadi Irratiko "Faktoria" saioan elkarrizketa egin diote Markaideri, Rosa Carabeli lekukoa utzi eta erretiroa hartzeko atarian. Markaide luze eta zabal mintzatu da testuinguru ekonomikoaz. Aitortu duenez, bezeroak bezala, lehen sektoreko ekoizleak "oso momentu estuan" daude, eta Eroski, banatzaile gisa, "erdian". "Ezin garesti erosi eta merke saldu. Oreka berri bat behar dugu kate osoan, katebegi bat ere galdu gabe, bestela, eten egingo da eta", arrazoitu du. Horren hitzetan, Eroskik "balioko produktuen" aldeko "apustu sendoa" egina du: "Ez gara esnea merke saltzearen aldekoak".
Kontsumo joera berriez galdetuta, online erosketa negozioa baino, "zerbitzu bat" dela argitu du. Markaideren arabera, sarean janaria saltzeak "ez du etekinik ematen". Ondorioz, zehaztu du hori ez dela euren estrategia izango, "ez dugu asmorik bakarrik online bezeroak edukitzeko".
"Elikagai freskoak, janari osasuntsua, hurbiltasuna eta balioarekin batera", etorkizuneko dendek jasangarritasunaren aldeko hautua egingo dutelakoan dago Eroskiko presidentea. Gero eta gehiago dira ontziratu gabe saltzen diren produktuak, kristalezko potoak berrerabiltzeko joera ere handitu da. "Erabili eta botatzeko produktuak oso erosoak izan dira, baina konturatu gara hori ez dela bidea. Ez dakit zein formulak irabaziko duen, eta erosotasuna oso garrantzitsua da. Ohitura batzuk berreskuratu beharko ditugu, eta ez da erraza izango, baina hala behar du", azaldu du.
Mondragon Korporazioko kide den taldearen finantza egoera hizpide, Markaidek esan du zaila dela aurreikuspenak orain egitea, baina azpimarratu du euren "helburua" dela urtea ondo amaitzea, "emaitzetan eta salmentetan. Argi dago ez dela iazkoa bezalakoa izango —105 milioi euroko irabaziak izan zituen, azken urteetako onenak—". Zorrari dagokionez, nabarmendu du taldea ez dagoela egoera kezkagarrian. Azkenik, adierazi du aurten zabalduko dituzten denda berriak "merkatu kuota mantentzeko" direla, euren lehiakideen aldean nolabait "eusteko". "Mugimendu defentsiboa da ofentsiboa baino", aitortu du.
Albiste gehiago ekonomia
Industriaren geldialdiak ekonomiaren hazkundea galarazten duela ohartarazi du Adegik
Fakturazioak eta eskariak ez omen dira hazten azken boladan. Enplegua ere gutxiago hazten ari da, eta Gipuzkoako enpresek uste dute laster batean hazkunde hori “zero" izango dela.
Euskadiko Medikuen Sindikatua kalera atera da Estatutu Markoaren zirriborroaren aurka
Lanuzteak bestelako jarraipena izan du EAEko hiru probintzietan: Bizkaian, profesionalen % 30ek egin dute greba; Gipuzkoan, % 26,89k; eta, Araban, % 16,52k, Osakidetzaren arabera. Arratsaldean, parte-hartzea % 10,33ra jaitsi da EAEn.
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.