Gasolinak eta gasolioak marka berriak hautsi dituzte, eta bi euroen gainetik finkatu dira
Gasolioaren eta gasolinaren batez besteko prezioak marka berria hautsi du, eta bi euroen gainetik finkatu da; gainera, bi kasuetan 20 zentimoko diru-laguntza 'jan' dute dagoeneko. Laguntza apirilaren 1ean sartu zen indarrean.
Konkretuki, gasolinaren batez besteko prezioa 2,141 euroan kokatu da aste honetan, azken zazpi egunetan % 1,13 gora egin ondoren, Europar Batasuneko Petrolio Txostenaren arabera.
Diru-laguntza kontuan hartuta, gasolina litroaren prezioa martxoko azken astean (1,818 euro) baino 12 zentimo garestiagoa litzateke, deskontua aplikatzen hasi baino lehen. Ondorioz, orduz geroztik erregaiak izan duen garestitzeak laguntza guztiz jan du.
Dieselaren kasuan, litroaren batez besteko prezioak % 3,64 egin du gora azken astean, eta bigarren astez jarraian bi euroko langaren gainetik kokatu da (2,076 euro).
Horrela, litroko 20 zentimoen deskontua aplikatuta, martxoaren bukaeran (1,837 euro) baino hiru zentimo garestiagoa litzateke.
Duela urtebete salneurriekin alderatuta, gasolina % 55,82 garestitu da, eta gasolioa % 67,68, baina indarrean dagoen hobaria kontuan izan gabe.
Iragan otsailean, Errusiak Ukraina inbaditu zuenetik bi erregaien prezioak % 30 baino gehiago egin du gora. Konkretuki, gasolina % 33 garestitu da, eta diesela % 38.
Horrela gauzak, berunik gabeko 95 gasolinaren prezioa Europar Batasuneko (2,036 euro) zein euroguneko (2,095 euro) batez bestekoaren gainetik dago Espainian.
Dieselaren kasuan, Espainiako prezioa EBkoa (2,031 euro) baino garestiagoa da, baina eurogunekoa (2,08 euro) baino merkeagoa.
Zure interesekoa izan daiteke
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.