Mercedesko batzordearen gehiengoak bertan behera utzi du greba; ELA, LAB eta ESK sindikatuek eutsi egin diote
Gasteizko Mercedesen lantegiko zuzendaritzak eta langileek jarrerak hurbildu dituzte asteartean egindako bileran, bi aldeek onartu dutenez, baina, sindikatuen arabera, aurrerapauso gutxi izan dira. Bileraren ostean, ELA, LAB eta ESK sindikatuek aurreikusita zituzten greba deialdiak mantendu egin dituzte, eta batzordean gehiengoa duten UGTk, CCOOk, Ekintzak eta PIMek bertan behera utzi dute asteazkenerako deitutako lanuztea.
9:00etan hasi eta eguerdian bukatutako bileran, zuzendaritzak zenbait proposamen egin dizkie langileei, baina eskaintzan ez du igandeko gaueko txanda baztertu, eta hori "marra gorria" da sindikatuentzat.
Enpresak 2022an soldatak % 5 igotzea eta 750 euroko hamabosgarren ordainketa eskaini dizkio lan batzordeari, baina asteko seigarren gaua mantenduta.
Langile batzordeak enpresaren proposamena aztertu du, eta sindikatuen arteko desberdintasunak agerian geratu dira. Gehiengoak aurrerapausoak ikusi ditu, eta bertan behera utzi dute asteazkenerako deituta zuten greba deialdia. Batzordearen bileraren ostean egindako adierazpenetan, "negoziatzen jarraitzearen" alde egingo dutela esan dute.
ELA, LAB eta ESK sindikatuen arabera, ordea, aurrerapausoak oso txikiak dira, eta asteazkenerako, ostegunerako eta ostiralerako deituta zituzten lanuzteak mantenduko dituzte.
LABeko Mikel Diaz de Alda ordezkariak bileraren ostean azaldu duenez, bere taldeak argi zuen "aurrerapausorik egon ezean", greba deialdiak mantendu behar zituztela.
Bere ustez, enpresak malgutasun handiarekin jarraitu nahi du, eta hori "ezin da sinatu". Sindikatuak jarritako "sei marra gorrietan ez dute ezer hobetzen", esan du.
Enpresari onartu dion aurrerapauso "txiki" bakarra malgutasunaren kudeaketari dagokiona da. Horren arabera, enpresak 10 eguneko aurrerapenaz abisatu beharko dio langileari. Bestalde, azpimarratu du soldata-igoera KPIa baino txikiagoa dela.
Beste bilera bat ostegunean
Langile batzordea eta zuzendaritza berriro bilduko dira ostegunean, gaurko bileran onartu dutenez. Malgutasun eskariarekin kritikoen diren sindikatuek, ordea, ez dute oraindik erabaki bilera horretara joango diren.
Lehendakariaren bisita Alemaniara
Iñigo Urkullu lehendakariak Euskadiren "erakargarritasunak" helaraziko dizkie bihar Mercedes-Benzeko zuzendariei Stuttgarten (Alemania) multinazionalak Gasteizko lantegia aukeratu dezan lantegiren batean egin nahi duen 1.200 milioi eurotik gorako inbertsiorako, Bingen Zupiria Eusko Jaurlaritzako bozeramaileak azaldu duenez.
Bozeramaileak lan gatazka eta bisita bereizi ditu. Hori martxoaren 1etik itxita dagoela ziurtatu du, beraz, "ez du zerikusirik lan gatazkarekin" Esan duenez, Exekutiboak Mercedes-Benzekin harreman "iraunkorra" du, bere jardueraren "jarraipena ziurtatzeko" eta Euskadi "inbertsio berriak egiteko aukeren lurralde gisa" eskaintzeko.
Albiste gehiago ekonomia
Espainiako Gobernuak baztertu du aireportuen kudeaketa osorik Euskadira transferitzea
Diario Vasco egunkariak argitaratu duenez, Eusko Jaurlaritzak erabaki estrategikoetan iritzia eman ahal izatea proposatu du Espainiako Gobernuak, baina eskualdatzea osorik egitea baztertu du, Estatuaren eskumen esklusiboa delako.
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.