Erregaiek eta elikagai freskoek % 10,2raino igoarazi dute ekaineko KPIa
Inflazioa % 10,2raino igo da ekainean, urteko tasan, eta 1985etik hona izandako mailarik altuena hartu du, asteazken honetan Espainiako Estatistika Erakundeak baieztatu duenez. Euskadin, ekainean, prezioek % 1,8 egin dute gora, hau da, 2021ean baino % 9,6 gehiago, eta 2022an orain arte pilatutako inflazioa % 5,7koa da. Nafarroan, ekaineko inflazioa % 10,2koa izan da, urteko tasan, Estatuak markatutako batezbesteko bera.
Prezioen urte arteko gorakada hau erregaiek eta elikagai freskoek eragin dute, bereziki, garestitu egin direlako. Gorakada maiatzean izandakoa baino % 8,7 handiagoa da.
Hegakorrenak diren elementuak kenduta (elikagai freskoak eta energia), azpiko inflazioa % 5,5ekoa da, hau da, 1993ko abuztutik altuena.
Estatu mailako datuak
Testuinguru honetan, eta espainiar Estatu mailan, zergetan izandako azken aldaketak kontuan hartuko ez balira KPIak ekainean izango zuen urte arteko gorakada % 11,1ekoa izango zen, KPI orokorra baino ia puntu bat altuagoa. Hain zuzen ere, argindarraren prezioak % 33,4 igo da ekainean; argindarraren gaineko zergetan izandako azken aldaketak kontuan hartu gabe, gorakada % 52,7koa litzateke, ia hogei puntu gehiago.
Garraioak bultzatu du inflazioa ekainean beste sektoreek baino gehiago; izan ere, % 19,2 igo da, maiatzarekin alderatuta, erregaiak eta labaingarriak gehiago garestitu baitira. Elikagaiak eta edari ez alkoholikoak izeneko sektorean prezioek % 12,9 egin dute gora; aurreko hilabetearekin alderatuta, igoera ia bi puntukoa da, serie historikoa 1994an hasi zenetik altuena.
Ekainean, prezioek % 1,9 egin dute gora, eta maiatzean % 0,8; ekainean izandako tasei erreparatuta, aurtengoa 1977tik honako altuena da.
EAE, lurralez lurralde
Euskadin, lurraldez lurralde, Araban % 9,8 igo da urte arteko KPIa; Bizkaian, % 10; eta Gipuzkoan, % 8,9.
Maiatzarekin alderatuta, KPIa % 1,8 igo da Araban, % 1,9 Bizkaian eta % 1,7 Gipuzkoan.
Datu horiek zehazten dutenez, 2022an, orain arte, inflazioak % 5,7 egin du gora Araban, % 6 Bizkaian, eta % 5,4 Gipuzkoan.
EAEn, inflaziorik handiena izan duen sektorea Garraioa izan da, % 4,8 gorakada izanda; Etxebizitza (% 3,3) eta Elikagaiak eta edari ez alkoholikoak (% 2) dira hurrengoak zerrenda horretan.
Zure interesekoa izan daiteke
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.