Lan-hitzarmen berrirako aurreakordioa erreferendumean bozkatuko dute gaur Mercedes-Benzeko langileek
Mercedes-Benzeko zuzendaritzak eta gehiengo sindikalak (UGT, CCOO, PIM eta Ekintza) joan den asteartean lotutako lan-hitzarmen berriarren gaineko aurreakordioa erreferendumean bozkatuko dute gaur, astelehenarekin, Gasteizko lantegiko berhaginek. ELA, LAB eta ESK sindikatuak aurreakordioaren aurka azaldu dira.
Sindikatuek deitutako grebaren eta mobilizazioen ondorioz elkarrizketa-bidea etenda geratu ostean, joan den asteartean negoziatzeari ekin zioten berriro enpresa-zuzendaritzak eta enpresa-batzordeak eta, bederatzi ordu inguruko bileraren ondoren, aurreakordioa hitzartu zuten.
Itunaren sinatzaileen hitzetan, "datozen hamarkadetarako lana bermatzen duen akordioa da, oso inbertsio garrantzitsuekin eta 400 kontratu mugagabe baino gehiagorekin". ELA, LAB eta ESK sindikatuek, berriz, ez zuten aurreakordioa babestu.
Mercedes-Benz lantegiko zuzendaritzak dioenez, 2021-2026 lan-hitzarmenerako "langile guztientzako oso akordio ona da". Aurreakordioak soldata-igoera aurreikusten du (% 6koa 2022rako, eta % 2,25ekoa 2023 eta 2026 artean) eta "seigarren gaua" kentzea, besteak beste.
Emilio Titos Mercedes-Benzeko zuzendari nagusiak ohartarazi zuen joan den asteazkenean langileek aurreakordioa errefusatuko balute, horrek "lantegiaren hazkundearen amaiera" ekarriko lukeela, "amildegirako apustua" izango litzatekeela, baina langileek akordioa babestuko duten itxaropena agertu zuen, "orainaldi indartsu batetik, etorkizuna kolokan dugulako". Gaineratu zuenez, enpresa alemaniarrak ez luke ezetza ulertuko, "beste kultura bat baita".
Bestalde, ELA, LAB eta ESK sindikatuek akordioaren kontra egin dute, besteak beste, "soldata igoerak ez doazelako KPIari lotuta eta langileek erosteko ahalmena galtzen dutelako". Hori dela eta, akordioa ez babesteko eskatu diete langileei.
Bozketa
Aurrez aurreko bozketa lantegian egingo dute 10:15etik 13:00etara goizeko txandan; 18:15etik 21:00etara arratsaldekoan eta 00:30etik 02:15era gaueko txandan. Bulego eraikinean, aldiz, 09:00etatik 14:00etara boza emateko ordutegia izango dute. Zentro bakoitzak bozketa mahaia izango du, eta plantillako langile guztiek izango dute botoa emateko aukera.
Aurrez aurreko boza eman ahal izateko NAN, pasaportea, gidabaimena, NIE edo langile-txartela aurkeztea beharrezkoa izango da. Langileek boto-txartelak eta gutun-azalak izango dituzte eskuragarri aginte katearen bidez, lantegiko sarreretan eta bozketan mahaietan.
Gainera, beharginek boza elektronikoa emateko aukera izango dute, baina eskakizuna egiteko epea ostiral honetan 14:00etan agortu da. Epe horretatik kanpo egindako eskaerak ez dira onartuko. Sindikatuetako iturrien arabera, 559 langilek eman dute izena telematikoki bozkatzeko, ia % 10.
Appsamblea plataforman bozketa elektronikoa aurrera eramateko ordutegia 00:00etatik 24:00etara izango da, astelehenean. Bi erantzun mota soilik aurkituko dituzte beharginek: AKORDIOA BAI edo AKORDIOA EZ. Emaitzaren berri astearteko 02:30-03:00ak aldera ematea espero da.
Zure interesekoa izan daiteke
Laborariek protestak aurrera darraio Iparraldean, eta A-63 errepideak itxita jarraitzen du
Sindikaturik gabeko Ultra 63 mugimenduko langileek Mercosur akordioa eta akabatze masiboak bertan behera uzteko eskatzen dute. Mercosurreko akordioa dela, dermatosi nodularraren aurkako neurriak. Pirinio Atlantikoetako prefetarekin bildu dira gaur euren eskaerak helarazteko, baina ez da aski izan eta hirugarren gaua pasako dute autobidean.
Eusko Jaurlaritzak uste du Mercosurrekiko akordioa "aukera argia" dela euskal industriarentzat
Muga-zergak pixkanaka kentzeak euskal enpresei kostuak "nabarmen" murriztea ekarriko diela azpimarratu du.
Akordioa Mercosurrekin: zer da eta nola eragingo dio Europari?
Europa osoko nekazariek asteak daramatzate protestan, besteak beste, EBk Mercosurrekin lortu duen eta herrialde kideek onartu duten akordioagatik. Itun ekonomiko honek Hego Amerika eta Europaren arteko merkataritza arautuko du, eta sektore batzuei mesede egiten die eta beste batzuei kalte egin diezaieke.
EBren eta Mercosurren arteko akordioak "eragin larria" duela ohartarazi dute ENBA eta UAGN abeltzaintza elkarteek
"Brasildik edo Argentinatik datorren okela merkaturatzea ahalbidetuko duen agertoki baten" ondorioen aurrean ohartarazi du erakundeak; euskal ustiategi batek dituen "ekoizpen-kostuen oso azpitik" finkatzen baitu prezioa.
A63ak itxita jarraitzen du Baionako tartean nekazarien protestengatik baina auto-ilarak desegiten doaz
Pirinio Atlantikoko Prefeturak jakinarazi duenez, 02:00etan 80 nekazari asindikalek, 60 traktore erabilita, A63 autobidea blokeatu dute Baiona iparraldeko lotunearen parean eta goizetik arazo handiak izan dira inguruetan. Gainera, Prefeturak Biriatuko muga itxi du 7.500 kilotik gorako kamioientzat bi noranzkoetan. Jaurlaritzak EAEko errepideetatik igarotzeko debekatu die 7.500 kilotik gorako kamioiei Frantzia aldera.
Alberto Martinez, medikuen grebari buruz: "Bi urteren eta 12 zirriborroren ondoren, akordio batera iristeko unea da"
Alberto Martinez Osasun sailburuak gogorarazi duenez, langile estatutarioen harremanen esparrua ezartzen duen Estatutu Markoa "Osasun Ministerioaren eskumen esklusiboa da, eta Ministroen Kontseilura eta, ondoren, Kongresura eraman behar du, onar dezan". Horren ildotik, Osasun Saila "Estatutu Markotik kanpo ateratzen den guztia" negoziatzeko moduan dagoela esan du.
EBko herrialdeek oniritzia eman diote Mercosurreko herrialdeekin akordioa sinatzeari
Ezezkoa eman dute Frantziak eta Hungariak, besteak beste.
Nekazariek eta abeltzainek ohartarazi dute EBren eta Mercosurren arteko balizko akordioaren aurkako mobilizazioak "areagotuko" dituztela
Hala iragarri du Raul Beitia Atacako presidenteak (Trebiñuko eta Arabako nekazarien eta abeltzainen elkarte independentea), Nekazaritza Politika Komun berriaren aurkako bigarren protesta egunean. 50 bat traktorek elkarretaratzea egin dute Eusko Jaurlaritzaren aurrean, Gasteizen, Gobernuaren Ordezkariordetzara eramango dituen beste martxa bat egin aurretik.
Balizko akordio bati azken zertzeladak ematen ari dira EB eta Mercosur, nekazarien protesten artean
Frantziak, Hungariak eta Irlandak publikoki esan dute uko egingo diotela itunari, baina azken orduetan Italiako Atzerri ministro Antonio Tajanik adierazi du begi onez ikusi dutela Europako Batzordeak egindako azken askaintza.
Langile bat hil eta beste bat zauritu da Urruñan, eraikuntza-lanetan ari zirela
Istripua goizeko 09:15ak inguruan izan da, ur-biltegi bat eraikitzeko lanetan.