Parte-hartze handia Gasteizko Mercedes-Benzen, lan hitzarmenaren aurreakordioaren bozketan
Gasteizko Mercedes-Benz lantegiko beharginak gauerdian hasi dira telematikoki (% 10ek erregistratu dute beren burua bozketa mota horretan) lan hitzarmenaren inguruko aurreakordioa bozkatzen, eta gainerakoek aurrez aurre egingo dute euren txandaren araberako ordutegian (goizekoek 10:15ean abiatu dute bozketa, eta gaueko txandakoek 02:15era arte izango dute) lantegian paratu dituzten 22 boto-kutxetan. Parte-hartzea handia izaten ari da.
Langileek bi aukeren artean—"akordioa bai" eta "akordioa ez"— egingo dute hautua, CCOO, UGT, Ekintza eta PIM (gehiengoa dute) sindikatuek eta zuzendaritzak joan den astean lortutako aurreakordioa babestu ala ez ebazteko.
Zatiketa sindikalaren (ELAk, LABek eta ESK-k ez zuten agiria sinatu) eta orain arte egindako bederatzi greben testuinguruan egiten ari dira erreferenduma. Lanuzteek babes zabala izan dute, eta ekoizpena etenda egon da Arabako lantegian.
Itunaren sindikatu sinatzaileen hitzetan, "datozen hamarkadetarako lana bermatzen duen akordioa da, oso inbertsio garrantzitsuekin eta 400 kontratu mugagabe baino gehiagorekin". Ildo beretik mintzatu da zuzendaritza ere. Horren ustez, 2021-2026 lan-hitzarmenerako aurreakordioa "langile guztientzako oso akordio ona da". Aurreakordioak soldata-igoera aurreikusten du (% 6koa 2022rako, eta % 2,25ekoa 2023 eta 2026 artean) eta "seigarren gaua" kentzea, besteak beste.
Ohartarazpena ere bota zuen aurrekoan Emilio Titos Mercedeseko zuzendariak: langileek aurreakordioa errefusatuko balute, horrek "lantegiaren hazkundearen amaiera" ekarriko lukeela adierazi zuen. Ostiralean, langileek akordioa babestuko duten itxaropena agertu zuen, "orainaldi indartsu batetik, etorkizuna kolokan dugulako". Gaineratu zuenez, enpresa alemaniarrak ez luke ezetza ulertuko, "beste kultura bat baita".
Horri kontrajarriz, ELA, LAB eta ESK sindikatuek akordioaren kontra egin dute, besteak beste, "soldata igoerak ez doazelako KPIari lotuta eta langileek erosteko ahalmena galtzen dutelako". Hori dela eta, akordioa ez babesteko eskatu diete langileei.
Emaitzak asteartean jakinaraziko dituzte.
Zure interesekoa izan daiteke
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.