"Pobretuko direla onartu behar dute beren borondatez langileek, eta hori iraingarria da"
Mitxel Lakuntza ELAko idazkari nagusiaren hitzetan, "lotsagarriak eta iraingarriak" dira Confebaskek proposatutako soldaten igoera txikiak, eta KPIaren araberako igoerarik ez onartzea. "Errenta orekatuaren ituna" defendatzeari buruz, patronala "alferrik" dabilela gaineratu du Lakuntzak. Gainera, Eusko Jaurlaritzari lan gatazketan esku hartzeko eskatu dio langileen "pobrezia" saihesteko, eta gaineratu du, bitartean, sindikatuek "grebei" ekingo dietela.
Europa Pressi eskainitako elkarrizketan Lakuntzak adierazi duenez, LAB parte-hartzerako erakundeetako organoetara itzuli izana "oso albiste txarra da", eta EH Bilduren "homologazio instituzionalaren bide beretik" doala esan du.
Lakuntzak salatu duenez, "euskal patronalen erabakia da negoziazio kolektiboa blokeatzea eta akordioak lortzeko gauzak zailtzea, eta, gainera, gutxieneko oinarri demokratikoa falta da", Gipuzkoako adinekoen egoitzetako gatazkari aipamena eginda (ordezkaritzaren % 7 duen UGTk akordioa sinatu duelako).
Buruzagi sindikalaren iritziz, "inflazioaren ondorioz pobretuko direla onartu behar dute beren borondatez langileek: hori da Confebasken mezua; hau da, euren soldaten defentsari uko egitea, eta hori lotsagarria eta iraingarria da". "KPIaren araberako igoerak egin ezin izatea onartezina da, euskal enpresak irabazi historikoak izaten ari direlako, eta hori ezkutatzen ari dira", salatu du.
"Jaurlaritzak patronala deitu beharko luke blokeo horri buruzko jarreraz hausnartzera, eta erantzukizuna eskatu", gaineratu du.
"Gezur piloa"
Lakuntzak adierazi duenez, Confebask errenten itun orekatuaren inguruan mintzatzen denean, "oreka bakarra haientzat da soldata igoerari uko egitea, baina alferrik dabiltza".
Soldata igoerak arriskuan jar dezake enpresen etorkizuna, Confebasken arabera, baina horri buruz Lakuntzak esan du "gezur piloa" direla. "Enpresa askoren mozkin lotsagarriak dira gizarte osoaren etorkizuna arriskuan jartzen dutenak", azpimarratu du, tartean, Repsol eta Iberdrola aipatuta.
Amaitzeko, Unai Rementeria Bizkaiko ahaldun nagusiak esandako "grebak uzteari" erreferentzia egin dio buruzagi sindikalak. "Jaurlaritza eta Aldundiak ezer egiten ez duten bitartean, negoziazio kolektiboa eta greba da langileoi geratzen zaigun bakarra", aurpegiratu dio Rementeriari.
Zure interesekoa izan daiteke
Lekeitioko arrantzale bat hil da Senegalgo uretan
Bermeoko ATUNSA enpresako langilea zen. LAB sindikatuaren esanetan, "heriotza ez traumatiko" gisa sailkatu dute, eta enpresa horretan aurten izan den bigarren heriotza ez traumatikoa izan dela salatu du.
Pakistandarrak lanean esplotatzeagatik ikertutako hiru pertsonak aske utzi dituzte, Espainiatik irtetea galarazita
Ikertuek epailearen aurrean ez deklaratzeko eskubideari heldu diote, eta epaileak pasaportea kentzea eta hileko lehenengo egunean eta hamabosgarrenean epaitegian agertzea agindu du.
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.