Sanchezek agerraldia egingo du irailaren 6an Senatuan, energia aurrezteko plana azaltzeko
Pedro Sanchezek agerraldia egingo du datorren asteartean Espainiako Senatuan bere gobernuak landu duen energia aurrezteko planari buruzko azalpenak emateko eta krisi sozioekonomikoaren ondorioei buruz hitz egiteko.
Alberto Nuñez Feijoo Alderdi Popularreko buruzagiak eskatu zion Senatura joan zedila egitasmo horri buruzko azalpenak ematera; izan ere, Feijo senataria da eta ez diputatua. PSOEk gai horren inguruko eztabaidak Kongresuan egingo zituela erantzun zion, baina, azkenean, Sanchezek Senatura joatea erabaki du, Isabel Rodriguez bozeramaileak gaur jakinarazi duenez.
Eztabaida noiz izango den bihar erabakiko dute Senatuko Mahaiaren eta Bozeramaileen Batzordean. Alabaina, Ander Gil batzorde horretako presidenteak aurreratu du osoko bilkura datorren asteartean, irailaren 6an, izango dela.
Bestalde, Pedro Sanchez Olaf Scholz kantzilerrarekin bildu da gaur goizean Mesebergen (Alemania), eta bi agintariek berretsi egin dute Espainia eta Europa konektatuko dituen gasbidea eraikitzearen aldeko apustua.
Balizko gas-hodi berria Frantziatik igarotzea aurreikusten du MidCat proiektuak, baina Emmanuel Macron aurka agertu da.
"Scholz kantzilerrak ere ezinbestekotzat ikusten du interkonexioak hobetzea eta eskertzekoa da ikuspegi bera izatea", adierazi du Sanchezek Scholz ondoan zuela.
Frantziaren jarrerari aipu zuzenik egin gabe, Sanchezek esan du gasbidea Europarekin Pirinioen bitartez lotzea ezinezkoa bada, alternatiba penintsula iberiarra eta Italia konektatzea izango litzatekeela.
"Helburua konexio energetikoak hobetzea da eta nola egingo dugun argitu behar dugu, Frantziatik edo Italiatik", berretsi du.
Bestalde, Frantziako Gobernuak gaur iragarri du Espainiako eta Alemaniako gobernuek gasbide berria eraikitzeko mahai gainean jarri duten proposamena aztertu egingo duela.
"Kontu zaharrak dira, baina Espainiako Gobernuko presidentea eta Alemaniako kantzilerra, Frantziaren aliatuak direla eta, beraz, haiek egindako eskaria aztertuko dugu", ziurtatu du Bruno Le Maire Frantziako Ekonomia eta Finantza ministroak.
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.