Etengarritasun mekanismoa berreskuratzea eta gasera ere zabaltzea proposatu dio Tapiak Espainiako Gobernuari
Eusko Jaurlaritzak elektrizitatearen etengarritasun mekanismoa berreskuratzea eta gas kontsumitzaile handietara zabaltzea proposatu dio Pedro Sanchezen Gobernuari. Eskaera hori Euskadiko Energia Kontingentziaren Planaren bigarren bertsioan sartu du, eta Trantsizio Ekologikoko Ministeriora bidali du dagoeneko.
Energia krisiari aurre egiteko asmoz, Arantxa Tapia Eusko Jaurlaritzako Garapen Ekonomiko, Iraunkortasun eta Ingurumeneko sailburuak Euskadiko Kontingentzia Energetikoaren Planaren bertsio berria aurkeztu du ostegun honetan, eragile publiko eta pribatuen ekarpenekin.
Dokumentuak (lehen zirriborroa abuztuaren 12an aurkeztu zen) eranskin bat du, eta, bertan, hamar bat neurri indarrean jartzea proposatzen dio Espainikoa Gobernuari, empresak pairatzen ari diren energia kostu handiak arintzeko. Besteak beste, ondorengo neurriak planteatzen dira planean.
- Duela bi urte bertan behera geratu zen etengarritasun mekanismoa berreskuratzea, orduan baino baliabide gehiagorekin eta gas kontsumitzaile handietara ere zabalduz.
- Papergintza industria jasaten ari den diskriminazioaren aurrean "eszepzio iberikoa" bezalako laguntzak ematea kogeneraziorako.
- Isunak ezartzea gasa garraiatzen duten ontziei, hornidura bermatzen ez badute.
- Irungo gasbidea hobetzea eta Bilboko portuan bigarren gas-kargategi bat jartzea.
Espainiako gobernuaren esku dauden neurriez gain, Jaurlaritzak beste hainbat programa eta ekimen jasotzen ditu bere kontigentzia planean egungo krisiari aurre egiteaz gain, eredu aldaketa bat sustatzeko.
Horretarako, esaterako, Administrazio Publiko osoan aplikatuko den instrukzioa jarriko da martxan, baita enpresa ertain eta txikientzako aholkularitza eta laguntzak, eta herritarrei zuzendutako sentsibilizazio kanpainak sustatuko dira.
Proposamena Trantsizio Ekologikorako eta Erronka Demografikorako Ministerioari bidali zaio. Espainiako Gobernuko hirugarren presidenteorde eta Trantsizio Ekologikorako eta Erronka Demografikorako ministro Teresa Riberak, bere aldetik, bilera du gaurko talde parlamentarioetako bozeramaileekin, segurtasun energetikoko kontingentzia-plana diseinatzen amaitzeko.
Bestalde, sailburuak txalotu egin du Pedro Sanchez Espainiako Gobernuko presidenteak gasaren BEZa % 21etik % 5era jaitsi izana, urritik urte amaierara arte. "Lagungarri izan daitekeen guztia garrantzitsua eta ongi etorria da", laburbildu du sailburuak, eta egungo egoeran negu honetan gas-mozketarik espero ez dutela azpimarratu du.
Albiste gehiago ekonomia
Nekazaritzako zenbait lan aldi baterako debekatu dituzte Nafarroan, sute arriskuaren aurrean
Horrela, Nafarroako lurralde osoan, debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak sor baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.