Langabezia % 2,31 igo da abuztuan EAEn, eta % 1,52 jaitsi da Nafarroan
Uztailean baino 2.564 langabe gehiago (% 2,31) izan dira Euskadin abuztuan, eta 113.758 langabe daude guztira, Lanbide Euskal Enplegu Zerbitzu Publikoan erregistratutako datuen arabera. Azken hilabeteetako beherazko joera eten da gorakada honen ondorioz. Hala ere, 2021eko abuztuaren aldean, 8.502 langabe gutxiago daude, urte arteko konparaketan % 6,95eko beherakada, beraz.
Euskadin, Gizarte Segurantzan 969 294 afiliatu daude, uztailean baino 12 727 gutxiago, hau da, % 1,30 gutxiago. Aurreko urteko hilabete berarekin alderatuta, 16 173 afiliatu gehiago zenbatu dira, hau da, % 1,70eko gehikuntza.
Kontratazioari dagokionez, azken hilabeteetako joerari eutsi zaio, eta kontratazio mugagabea nabarmendu da, mugagabeak baitira sinatutako kontratuen % 23,28, 55.906 kontratu berrietatik 13.013. Alde nabarmena dago datu horren eta 2021 itxi zenean zegoenaren artean (% 9,3), indarrean dagoen lan erreforma oraindik onartu gabe zegoenekoaren artean, alegia.
Abuztuan, Diru Sarrerak Bermatzeko Errentaren titularren kopurua 673 pertsonatan jaitsi da, eta 49.154 pertsonatan kokatu da. Gainera, 19.623 pertsonak dute aitortua Bizitzeko Gutxieneko Diru Sarrera, eta horietatik 10.007k DSBEarekin osatzen dute.
Alfonso Gurpegui Eusko Jaurlaritzako Enplegu eta Gizarteratze sailburuordeak aitortu du langabeziaren igoera "albiste txarra" dela beti, baina ziurtatu du Euskadin abuztuan erregistratutako langabeziaren datuek ez dutela zertan "joera baten sinale" izan. Ohar batean azaldu duenez, langabeziak "historikoki" gora egin ohi du abuztuan. Gogoratu du udako gorakada hori 2007an ere gertatu zela, Euskadik "langabezia teknikoaren tasak" zituenean. Hori dela eta, datuen "irakurketa osoa" egiteko deia egin du.
Gurpeguik nabarmendu duenez, Euskadik "erresistentziarako eta enplegua berreskuratzeko gaitasun handia" erakutsi du, "nahiz eta pandemia, hornidura-arazoak, energia-prezioak eta Ukrainako gerra izan". Bere ustez, hori posible izan bada, "gobernuek hartzen dituzten neurriei, elkarrizketa sozialari eta enpresen eta langileen arteko akordioari esker" izan da, eta gaineratu duenez "hori da hilabete honetatik aurrera areagotu nahi dugun bidea", gaineratu du.
Datu onak Nafarroan
Nafarroan, datuak positiboak dira, abuztuan 479 langabe gutxiago izan baitira Foru Erkidegoan; uztaileko datuekin alderatuta, % 1,52 gutxiago. Gaur egun, 30.961 pertsona daude langabezian, 2021eko abuztuan baino 3.092 gutxiago (% 9,08).
Gizarte Segurantzako afiliazioa 894 pertsonatan jaitsi da joan den abuztuan Nafarroan, % 0,30, eta 300.156 dira afiliatuak egun. Duela urtebeteko afiliazioarekin alderatuta, Gizarte Segurantzan altan dauden langileen kopurua 6.067 pertsonatan hazi da Foru Erkidegoan, % 2,06, beraz.
Zure interesekoa izan daiteke
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.
Nafarroako Volkswagenek 500-1.000 langile artean beharko ditu 2027an, ekoizpen-aurreikuspenak berretsiz gero
Ekoizpen bolumen "oso handiak" espero ditu konpainiak datorren urterako eta, datuak behin-behinekoak diren arren, laster ekingo dio enpresak barneko eta kanpoko langileak hautatzeko, prestatzeko eta gaitzeko prozesuari, espezialitate profesionalen beharrak betetzeko, hala nola elektromekanikariak, txapistak eta hornitzaileak.