BBVA Researchek % 1era jaitsi du 2023rako aurreikusitako hazkunde ekonomikoa
Espainiako Barne Produktu Gordina (BPG) % 4,4ra arte haziko da 2022an, BBVA Researchen aurreikuspenen arabera (duela hiru hilabete % 4,1 aurreikusi zuten). 2023ko hazkundea, baina % 1,8tik % 1era murriztu du.
Hala adierazi du BBVA Researcheko zuzendari eta BBVA Taldeko ekonomialari buru Jorge Siciliak, datozen hiruhilekoetarako aurreikuspen berriak aurkezteko ostegun honetan egindako prentsaurrekoan.
Erakundearen arabera, datuei erreparatuz gero, susperraldiaren ahultzea nabari da azken hilabeteetan, eta, ondorioz, 2022ko hirugarren hiruhilekoan jarduera geldotu egin da. Hurrengo hiruilekoetarako ere egoera bera aurreikusi du, edota zertxobait gehiago murriztu daitekeela uste du, ziurgabetasunaren, inflazioaren eta interes-tasen igoeraren ondorioz.
Espainiako Bankuak ere bat egin du aurreikuspen horrekin; izan ere, jarduera ekonomikoa okerrera egiten ari zela berretsi zuen joan den astean, eta 2023rako hazkunde aurreikuspena % 1,4ra jaitsi zuen.
Geldialdia laburra izango da, eta datorren urtearen hasieran iritsiko da
Dena dela, erakundeak uste du geldialdia laburra izango dela, eta susperraldia datorren urteko lehen hilabetetatik aurrera iritsiko dela. "Geldialdiak denbora gutxi iraungo duela aurreikusten dugu, zenbait faktoreren eraginez", adierazi du Rafael Domenech BBVA Researcheko ekonomia azterketa arduradunak.
Txostenaren esanetan, familiek eta enpresek maila hobea dute interes tasen igoeren aurreko zikloarekin alderatuta, eta aktiboak handitu eta pasiboak murriztu dituzte; aldi berean, konfinamendu aldian metatutako aurrezkiek sendo jarraitzen dute, eta inbertsioa "Next Generation EU" Europako funtsei esker helduko dela dio.
Inflazioak muga jo du, baina maila altuetan mantenduko da oraindik
BBVA Researchen esanetan, inflazioak goia jo du, baina oraindik maila altuan mantenduko dela iritzi dio. Ildo horretan, ekonomia adituek gorantz berrikusi dute KPIaren batez besteko aldakuntzaren aurreikuspena 2022an, % 7,9tik % 9,3ra; eta % 3,2tik % 4,9ra, 2023an.
Zure interesekoa izan daiteke
Pentsiodunek ez dute trukerako txanpona izan nahi: "Ez dezatela pentsioekin jolastu"
Euskal Herriko Pentsiodunen Mugimenduak deituta, milaka pertsona bildu dira Bilbon eta Donostian egin diren manifestazioetan. Kolektiboak berriro eskatu du gutxieneko pentsioak lanbide arteko gutxieneko soldatarekin parekatzea, bereziki emakume pentsiodunak "duintasunez bizi daitezen eta hilaren amaierara irits daitezen".
Mercosurren eta EBren arteko akordioaren kontra egin dute ehunka lagunek Gasteizen
Lehen sektoreko kideek, traktore eta guzti, manifestazioa egin dute larunbat honetan Gasteizen, Europar Batasunaren eta Mercosurren arteko akordioaren aurka eta Euskal Herriaren elikadura-subiranotasunaren alde. Araba Bizirik, Ataca, Bionekazaritza eta UAGA elkarteek deitutako protestan, itun horrek elikagaien osasuna eta segurtasuna arriskuan jarriko dituela salatu dute, "Europan debekatuta dauden pestizida, transgeniko eta osasunerako kaltegarriak diren hormonak erabiltzen dituzten multinazionalei ateak are gehiago irekitzen dizkielako".
Solaria Zierbena proiektuak Araban "kalte konponezinak" eragin ditzakeela salatu dute
Kaltetutako udalerrietako ordezkariek, eragile sozialek, sindikatuek eta tokiko agintariek protesta egin dute larunbat honetan Gasteizen, Solaria enpresak bultzatutako Zierbena Solar "makroproiektu fotovoltaikoa irmoki gaitzesteko", Araba Bizirik plataformak jakinarazi duenez.
Eusko Jaurlaritzak zuhurtzia eskatu du AEBko Auzitegi Gorenak muga-zergen eta Trumpen tasa global berriaren inguruan hartutako erabakiaren ostean
Gogoratu du indarrean jarraitzen dutela altzairu eta aluminioari (% 50) eta autoei (% 15) eragiten dieten muga-zergek.
Mobilizazio jendetsua egin dute Amurrion Tubos Reunidos eta Maderas de Llodio enpresetako langileei babesa adierazteko
"Ez diegu utziko etorkizuna lapurtzen" lelopean, Amurrioko kaleak zeharkatu dituzte. Aiaraldea eskualdeak egoera kritikoa bizi du, Arabako langabezia-tasa handienarekin, eta mobilizazio horrek inguruko industria defendatzeko ere balio izan du.
Medikuek hiriburuetan egindako manifestazioekin eman dute amaitutzat estatutu propioa eskatzeko astebeteko greba
Parte-hartze handia egon dela ziurtatu dute, eta ezohikoa izan arren, zerbait lortzeko grebaren bidea azpimarratu besterik ez dutela egin. Aldaketarik ez badago, grebaren bigarren astea martxoaren 16an hasiko da.
Lehendakariak iragarri du Ayesaren egoitza Donostian egongo dela
Pradalesek adierazi duenez, Eusko Jaurlaritzak eta erosketan parte hartzen ari diren gainerako akziodunek erabakia hartu dute jada. "Ayesa Donostian sortu eta garatu zen, eta bertan jarraitu behar du", esan du.
Etxebizitzen salerosketak % 14,7 hazi ziren iaz EAEn, 2007ko burbuilako markak gaindituz
INE Espainiako Estatistika Institutuak gaur jakinarazi dituen datuen arabera, salerosketen kopuruak bigarren urtez jarraian egin du gora.
Jauregik dio industria bazkide bat aurkitu behar dela, eta horretarako ezinbestekoa dela zorraren arazoa konpontzea
Mikel Jauregi Eusko Jaurlaritzako Industria sailburuak bere elkartasuna adierazi die Tubos Reunidoseko langileei, baina enpresaren egoera oso larria dela nabarmendu du. Gakoa industria bazkide bat aurkitzea dela esan du, eta gaineratu du horretarako ezinbestekoa dela zorraren arazoa konpontzea.
Ayesaren egoitza Donostian egongo da
Imanol Pradales lehendakariak iragarri du Ayesaren egoitza Donostian egongo dela, akziodunek adostu dutenez.