Aurrekontu Orokorretan benetako inbertsioan Nafarroak jasoko dituen 103 milioietatik, 62 AHTrako izango dira
Aste honetan Espainiako Gobernuak onartutako Estatuko Aurrekontu Orokorretan aurreikusita dagoenez, Nafarroak 103,8 milioi euro jasoko ditu benetako inbertsio gisa; ostiralean Jose Luis Arastik, alegia, Espainiako Gobernuak Nafarroan duen bozeramaileak zehaztu duenez, Abiadura Handiko Trenaren proiektuak kontu sail horretako 62 milioi baino gehiago baliatuko ditu. Foru Erkidegoak Estatuko bigarren inbertsiorik txikiena jasoko du, baina, 2022ko Aurrekontuekin alderatuta, inbertsio hori beste inon baino gehiago hazi da. "Egonkortasuna eta ziurtasuna eskaintzen dituzte kontu hauek", esan du Jose Luis Arastik.
Testuinguru horretan, Nafarroak Aurrekontuek autonomia erkidegoetarako aurreikusten duten inbertsioaren % 0,8 jasoko du, hau da, soilik Errioxak baino gehiago; nolanahi ere, onartutako kontuek aurrekoek baino 27 milioi gehiago adierazten dituzte Nafarroarako, inbertsioan.
Aurrekontu proiektuak, Arastik azaldu duenez, 103,8 milioi euro ditu Nafarroarako benetako inbertsioan; horrez gain, Foru Gobernuak beste 15 milioi jasoko ditu, kapital transferentzia moduan, N-121-Ako 2+1 bideko lanetarako.
Inbertsio nagusiena trenbide garraioari dagokio, bereziki Abiadura Handiko Trenari. Trenbide garraioak 71,03 milioi euroko kontu saila jasoko du, eta Zaragoza-Iruñea-Euskal Y Abiadura Handiko lineak 62,89 izango ditu. TEN-T korridoreek, hau da, korridore transeuroparrek, bestalde, 8,1 milioi eurotik gora jasoko dituzte.
Estatuko Aurrekontu Orokorrek, espainiar Gobernuko ordezkariaren esanetan, "zerbitzuak are gehiago indartzen dituzte, hazkunde inklusiboa erdiesteko, eta erdi mailako klaseak eta klase langileak sendotzeko oinarrizko ezaugarri gisa. Gainera, gizatalde zaurgarrienak babesten dituzte".
Bigarren kontu sailik handiena, ia 20 milioikoa, ur azpiegituretarako izango da. Nafarroako Kanalak ez du aurrekontu esleipenik, 2023rako.
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.