Horrela banatuko dira kontuak, sailez sail
Eusko Jaurlaritzak gaur onartu du EAEko Aurrekontu Orokorren proiektua. Kontuen kopuru osoaren —14.250 milioi euro— % 76 gizarte politiketara bideratuko du Jaurlaritzak, eta Osasun eta Hezkuntza sailek izango dituzte partida puztuenak. Hain justu, horiek biak dira, 2022ko proiektuarekin alderatuta, gehien hazi direnak. Lurralde Plangintza, Etxebizitza eta Garraio Saila da gehien igo den hirugarren saila, batez ere, Europatik datozen funtsen bultzadari esker.
Horrela banatuko da aurrekontua, sailez sail:
Osasun Saila. Aurrekontua: 4.638,9 milioi. Guztizkoaren heren bat bereganatuko du, iaz baino 259,9 milioi gehiago. Osakidetzak 3.565 milioi izango ditu erabilgarri (+202 milioi). 68,2 milioi euro bideratuko dituzte osasun-ikerketara, Osakidetzako ikertzaileentzat eta eraldaketa digitalerako. Farmazia gastua ere igo egingo da, 559 milioiraino.
Hezkuntza. Aurrekontua: 3.477,7 milioi. 2022an baino 242,7 milioi gehiago izango ditu, eta aurtengo kontuen laurdena izango du. Haur Hezkuntzako, Lehen Hezkuntzako, Bigarren Hezkuntzako eta Lanbide Heziketako zenbatekoa kopuru osoaren % 70 da. Unibertsitate irakaskuntzak 374,9 milioi euro izango ditu eskuragarri, eta horietatik 362,9 milioi EHUri dagozkio (ia 23 milioi hazi da aurrekontua). Halaber, 206,1 milioi euro bideratuko dituzte ikerketa eta ikertzaileak bultzatzera, baita material aurreratuak garatzera ere.
Lana eta Enplegua. Aurrekontua: 1.107,8 milioi, iaz baino 171,6 milioi gehiago. Gizarte Inklusioak hartuko du partidaren erdia, hots, 663,8 milioi euro (229,7 milioi gehiago), eta horrela banatuko da: Diru Sarrerak Bermatzeko Errentara, 312 milioi; hor barnean daude Bizitzeko Gutxieneko Diru Sarrera —lehen aldiz jaso da, eskualdaketaren ostean—, 173 milioi eurorekin, eta Etxebizitzarako Prestazio Osagarria (hileko 300 eurokoa), 80 milioi eurorekin. Lanbideri 1.091,9 milioi euroko partida dagokio.
Ekonomiaren Garapena, Jasangarritasuna eta Ingurumena. Aurrekontua: 849,8 milioi, iaz baino 72,4 milioi gehiago. Aurrekontuaren heren bat, 306,6 milioi, Ikerketa eta Garapenera bideratuko dute, hala nola, teknologiara, energia berriztagarrira eta hidrogenora. Sail horren barruan, igoerarik handiena Industria Garapenari dagokio, eta 137 milioi euro gordeko dituzte horretarako. Spri Enpresen Garapenerako Euskal Agentziak 129 milioi euroko partida izango du.
Lurralde Plangintza, Etxebizitza eta Garraioak. Aurrekontua: 754,4 milioi. Laurden bat igo da, 189,9 milioi gehiago, Europako funtsen ondorioz. Etxebizitza zuzendaritzak 184 milioi izango ditu, eta Gaztelagun gazteen artean alokairua sustatzeko laguntzek 16 milioi hartuko dituzte. Euskal Y-rako eta Hegoaldeko Saihesbiderako aurrekontua 135 milioi eurokoa da.
Segurtasuna. Aurrekontua: 746,3 milioi. Sail horrek ere gora egingo du (+21,2 milioi) iazkoarekin alderatuta. Ertzaintzak jasoko du diru gehien, 709,2 milioi euroko partida.
Berdintasuna, Justizia eta Gizarte Politikak. Aurrekontua: 637,8 milioi, 2022an baino 114,7 milioi gehiago. Familia eta Komunitate Politikak xurgatuko du diru gehien: 152 milioi (0-3 urteko seme-alaba bakoitzeko, hileko 200 euroko laguntzak barne hartuta). Gizarte Zerbitzuen aurrekontua 85,1 milioi eurokoa izango da, eta Espetxeetarako 70,9 milioi gordeko dira. Aipatzekoa Immigrazioak izango duen partida, iazko halako bi (16,1 milioi). Emakundek 7,8 milioi euroko aurrekontua izango du, 2022an baino 400.000 euro gehiago.
Kultura eta Hizkuntza Politika. Aurrekontua: 353,2 milioi (+30,8). Horietatik 182,9 milioi EITBri dagozkio, hots, 21 milioi euro gehiago. Diru horrekin Miramongo egoitzako lanei, digitalizazioari eta eduki-estrategia berriei aurre egin ahalko dio Euskal Irrati Telebistak. HABEk 49 milioi izango ditu, eta Kulturaren Sustapenak, 36,6 milioi.
Gobernantza Publikoa eta Autogobernua. Aurrekontua: 171,9 milioi, iaz baino 32,8 milioi gehiago. Digitalizazioa bultzatzeko, 55,6 milioi euro bideratuko dituzte Informatika eta Telekomunikazioetara. IVAPek 21 milioi euroko aurrekontuarekin jarraituko du.
Ekonomia eta Ogasuna. Aurrekontua: 138 milioi, ia 10 milioiko hazkundearekin. ELKARGI SGRrekin ETEak finantzatzeko programaren interesen dirulaguntza handitu egingo dute, 16 milioira helduta. Eustatek, bestalde, 16,1 milioi euroko aurrekontua izango du.
Turismoa, Merkataritza eta Kontsumoa. Aurrekontua: 63,9 milioi (+11,8 milioi). Turismo eta Ostalaritza Zuzendaritzak 22 milioi euro izango ditu; Merkataritzak, 21,5 milioi, eta Kontsumok, 6,5.
Lehendakaritza. Aurrekontua: 49 milioi, iaz baino ia bi milioi gehiago. Partida handienak Kanpo Harremanak (11,9 milioi) eta Gazteria (10,9 milioi) zuzendaritzei dagozkie. Trantsizio Sozialaren eta 2030 Agendaren programak 4,9 milioi izango ditu eskuragarri.
Zure interesekoa izan daiteke
ELA, LAB eta ESK sindikatuek Tubos Reunidosen enplegu-erregulazioko espedientea inpugnatuko dute
Beste ostiral batean, Tubos Reunidoseko langileek manifestazioa egin dute Amurrion, eta enpresa-batzordeko kideek azaldu dute etsituta hartu dutela Lan Ikuskaritzaren ebazpena. Hiru sindikatuk, ELAk, LABek eta ESK-k, dagoeneko iragarri dute enplegu-erregulazioko espedientea inpugnatuko dutela datorren astean.
Euskadiko BPGk urteko % 2,2ko hazkundea izan du lehen hiruhilekoan, eta % 0,5 igo da aurrekoaren aldean
Euskal ekonomiak hazkunde-erritmoari eutsi dio 2026an, eraikuntzak eta zerbitzuek bultzatuta.
Eusko Jaurlaritzak "nolabaiteko erosotasuna" ikusten du osasun arloko negoziazioan, eta asistentzian izan dezakeen ondorioen beldur da
Alberto Martínez Osasun sailburuak egoerak paziente eta herritarrentzat sortzen dituen zailtasunez ohartarazi du, eta erantzukizun handiagoa eskatu die inplikatutako aldeei. Onartu du ez duela informaziorik eta ez dela parte hartzen abian dagoen negoziazioan, eta, ohartarazi duenez, egoera hori ziurgabetasuna eta zailtasunak sortzen ari da pazienteentzat eta asistentzia-sistemarentzat. Martinezek kezka hori helarazi du Lurralde arteko Kontseiluan, eta inplikatutako alderdien erantzukizuna eskatu du.
Medikuek beste urrats bat eman dute beren aldarrikapenetan, eta aparteko orduak egiteari uzten hasi dira zenbait
Osakidetzako eta Osasunbideko medikuak beren nagusiei jakinarazten ari zaizkie ez dituztela egingo medikuek arratsaldez egiten dituzten eta itxaron-zerrendak murrizten laguntzen duten borondatezko aparteko orduak, "peonadak" izenekoak. Horrek, besteak beste, arratsaldean egiten diren kirurgiak murriztea ekarriko du.
Sindikatuek eta Jaurlaritzak talka egin dute Tubos Reunidosen etorkizunaren inguruan, argitasun faltagatik
LAB eta ESK sindikatuek Eusko Jaurlaritzaren zeregin aktiboagoa eskatu dute, eta enplegu industrialaren defentsan irmo jardutea eta abian dauden negoziazioen gardentasun handiagoa eskatu diote. Jaurlaritzak berretsi du pilatutako zor handia dela Tubos Reunidosen arazo nagusia.
Energia Agentziak ohartarazi du Europak hegazkinentzako erregai eskasia izan dezakeela sei astean
Ekialde Hurbiletik zetorren hornidura Europako hegazkinetarako erregai-inportazio garbien % 75 zen orain arte.
Babes zabala jaso du osasun publikoaren aldeko plataformek larunbaterako deitutako protestak
60 taldek baino gehiagok egin dute bat deialdiarekin. Manifestazioak 12:00etan abiatuko dira Bilbon (Jesusen Bihotza plazatik) eta Gasteizen (Bilbo plazatik), eta 17:00etan, Donostian (Boulevardetik).
Lan Ikuskaritzak ondorioztatu du Tubos Reunidoseko enplegu-erregulazioko espedienteak legea betetzen duela eta arrazoi ekonomikoak daudela
Espedienteak 240 langileri eragiten die: 177, Amurrioko lantegian, eta 63, Trapagaranen.
Etxeko hegaztien konfinamendua kendu dute, hegazti gripearen egoerak hobera egin baitu
Neurria 2025eko azarotik zegoen indarrean, eta bertan behera utzi da, kasurik ez dagoela egiaztatu baitute, eta tenperaturak gora egin duela ikusita.
Metroko bi zaintzailek salatu dute eraso "bortitza" jasan zutela Urdulizen
CCOO sindikatuak Metro Bilbaori eta enpresa esleipendunari eskatu die langileei baliabide egokiak emateko, "muturreko indarkeria" egoerei aurre egin ahal izateko.