Seat-Volkswagenek onartu ditu ibilgailu elektrikorako Europako funtsaren laguntzak
Seat-Volkswagen Taldeak Espainiako Gobernuari jakinarazi dio ibilgailu elektrikoaren Europako (PERTE) laguntza (397 milioi euro) onartzen duela, eta, beraz, bere inbertsio-proiektuari (10.000 milioi euro) eusten diola Espainian, Landabengo (Nafarroa) lantegiaren elektrifikazioa barne.
Volkswagen-Seatek eta PERTE elektrikoaren laguntzak esleitu zitzaizkien gainerako enpresek asteazken honetara arte zuten Industria, Merkataritza eta Turismo Ministerioari jakinarazteko laguntzak onartzen zituzten ala ez, eta Volkswagen taldeak epe hori agortu du, Espainiako Gobernuarekin eta planak egokitzeko inbertitzeko asmoa duten autonomia erkidegoekin asteetan negoziatu ondoren.
Wayne Griffiths Seat eta Cuprako kontseilari delegatuak nabarmendu duenez, Alemaniako partzuergoak, 60 bazkide baino gehiagorekin batera, "10.000 milioi euro inbertituko ditugu Espainian".
Seat eta Volkswagen taldeak gidatzen duten "Future: Fast Forward" proiektua da ibilgailu elektriko eta konektatuaren PERTEren lehen edizio honetan funts gehien lortu dituena, eta Martorell (Bartzelona) eta Landaben lantegien elektrifikazioa eta Sagunton (Valentzia) bateria gigafaktoria bat eraikitzea aurreikusten du.
Europako laguntza onartzeak "lasaitasuna" eman behar du
Nafarroako Volkswageneko enpresa batzordeko presidenteak, Alfredo Moralesek, adierazi du Volkswagen Taldearen eta Seaten erabakia "albiste oso positiboa" dela, eta "etorkizunerako itunaren negoziazio prozesua hasteko behar dugun lasaitasuna eman behar du, 2026tik aurrera enplegua bermatzeko behar duguna eman behar baitigu".
Landabenek ekoitziko dituen modelo elektrikoei dagokienez, Alfredo Moralesek azaldu du bi SUV modelo esleituko zaizkiola, bata Volkswagenena, eta bestea, Skodarena. "Aurreikuspen horrekin lan egiten dugu, datorren urtean plangintza-errondan baieztatuko diguten zain", azaldu du.
Bestalde, Elma Saiz Nafarroako Gobernuko bozeramaileak nabarmendu duenez, "injekzio ekonomiko garrantzitsua da Nafarroako Volkswagenentzat, Landabengo lantegiari bere lantegia modernizatzeko aukera emango diona, auto elektrikoaren fabrikazioa berehalako errealitatea izan dadin, eta Nafarroako Volkswagenen etorkizuna bermatze aldera".
Zure interesekoa izan daiteke
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.
Espainiako Gobernuak diesela 20 zentimo jaitsiko du irailean, uztailean prezioak gora egin ostean
KPIa lau hamarren igo da uztailean, % 3,6raino Espainia osoan, erregaien eta elektrizitatearen garestitzeak bultzatuta. EAEn, hazkundea bost hamarrenekoa izan da, % 3,7raino. Nafarroan, aldiz, zazpi hamarrenekoa, % 3,4ra arte.
HLREk Megapark merkataritza-gunea saldu dio NEPI Rockcastleri, 254 milioi euroren truke
Akordio honek, NEPI Rockcastlek Europako merkataritza-zentroen sektorean duen presentzia indartuko du, eta Bizkaian erreferentziazko aktibo nagusietako bat gehituko dio bere merkataritza-ondareari.
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.