EEE, 40 urte Euskadiko energia eraginkortasunaren alde lanean
EEE (Energiaren Euskal Erakundeak), bere 40. urteurrena ospatu du astelehen honetan Guggenheim Bilbao Museoan, Iñigo Urkullu lehendakaria buru izan duen ekitaldi batekin. Besteak beste, azken lau hamarkadetan garatu diren proiektu energetiko nabarmenenak izan dituzte hizpide ekitaldian.
Erakundeak egindako lana goraipatu du lehendakariak Guggenheimeko areto nagusian egin den ekitaldi ofizialean, eta orain, energia krisi bete-betean gauden honetan, esan du herritarrek protagonismo handiagoa hartu behar dutela energiaren inguruko erabakietan, eta energia kooperatiben, autokontsumoaren eta energia komunitateen beharra nabarmendu du, energia bera Jaurlaritzaren lehentasun bat delako.
Erakundetik gogorarazi dute Euskadik etorkizuneko erronkei aurre egiteko beharrezko azpiegiturak dituela, eta, energia trantsizioa helburu lehenetsia den aldetik, energia iturri berriztagarri eta autoktonoetarantz aurrera egiteko lanean jarraituko dutela.
Energiaren Euskal Erakundea duela 40 urte sortu zuen Jaurlaritzak, finkatutako energia-politikaren oinarriak ezartzeko, eta, ordutik, Jaurlaritzak zehaztutako politikekin bat datozen proiektuak eta ekimenak garatzea izan da bere egitekoa.
Bere misioa da, besteak beste, Euskadiko energia estrategiak proposatzea, horniketa-bermearen, kostuetan lehiakortasunaren, iraunkortasunaren eta garapen teknologikoaren irizpideak aintzat hartuta.
Xede horiek betetzeko, EEEk Eusko Jaurlaritzaren Ekonomiaren Garapen eta Azpiegitura Sailari zerbitzuak ematen dizkio, energiaren eta geologia-meatzaritzako baliabideen gaietan lanak egiten ditu, eta zenbait egitasmotan hartzen du parte erakunde eta enpresak suspertu eta inplikarazteko.
Albiste gehiago ekonomia
Auzitegi Gorenak atzera bota du ABRAren helegitea, eta 'Arabako Mahastiak' jatorri-deitura behin betiko baliogabetzea berretsi du
Uste du bederatzi urte hauetan "kalte larria" egin zaiela "Errioxa jatorri-deiturari, haren kideei, markari eta izen onari".
Gasteizko lorezainak lanera itzuli dira, gutxieneko zerbitzuak betetzeko
Gasteizko lorezainak lanera itzuli dira gutxieneko zerbitzuak betetzeko. Florida parkeko belarra mozten hasi dira. Belarra mozteko bost makina eta sasiak garbitzeko beste pare bat makinarekin ia hiru hilabetez ukitu gabe egon diren lorategiak zaintzen hasteko agindua jaso dute. Ezarritako zerbitzu minimoak gehiegizkoak eta justifikazio gabeak direla salatu dute lorezainek.
Hasi da hegaluzearen denboraldia: 8.000 kilo heldu dira Getariako portura
Datozen egunetan olatu handia espero da, euskal arrantzaleek hegaluze asko arrantzatu baitute kostaldetik gertu. Salneurria: 13 euro.
ELAk helegitea jarriko die Gasteizko lorezainei ezarritako gutxieneko zerbitzuei
Sindikatu abertzalearen ustez, "justifikaziorik gabekoak" dira eta "grebarako eskubidea urratzen dute". ELAk salatu duenez, "orain funtsezkotzat jotzen da baldintza prekarioak dituen lan bat".
Ekainaren 25etik eskatu ahal izango dira ibilgailu elektrikoak erosteko 7.000 eurorainoko dirulaguntzak
Eusko Jaurlaritzak Moves III 2025 plana martxan jarriko du, 14,9 milioi euroko partida bideratuta, mugikortasun elektrikoa sustatzeko eta autoak eta birkarga-puntuak erosteko dirulaguntzak emateko.
Euskadik Estatuko bigarren soldata-kosturik altuena izan du urteko lehen hiruhilekoan
Euskadin, soldaten kostua 2.543,50 eurokoa izan da lehen hiruhilekoan, eta Espainian, berriz, batez bestekoa 2.290,46 eurokoa.
Eusko Jaurlaritzak "ezohiko" gutxieneko zerbitzuak ezarri dizkio Gasteizko lorezainen grebari
Horiek finkatzerakoan, Ekonomia, Lan eta Enplegu Sailak Gasteizko Udaltzaingoaren eta suhiltzaileen bi txosten hartu ditu kontuan, "berdegune batzuen eta hiri-bide batzuen egungo egoeraren arriskuaz ohartarazten dutenak".
Hasi dira Avanza Gipuzkoa autobus konpainiako langileek antolatutako grebak
Asteburu honetan hasi dira lehen greba egunak, eta hurrengo asteburuetan ere luzatuko da.
Goia: ''Badirudi tasa turistikoa ezartzearen atarian gaudela''
Donostiako alkateak esan du horixe nahi izan dutela "beti", "turismoak sortzen duen aberastasunaz hiria ere aprobetxatzeko".
Emakumeen laneratzea, EAEko gizarteak azken 40 urteetan bizi izan duen aldaketa nagusienetako bat
1985. urtean, enplegu bat zeukaten pertsona guztien artean % 28 soilik ziren emakumeak. Gaur egun, ia erdiak dira (% 48). Etxetik kanpora lan egiten duten emakumeen ehunekoari begiratuta, aldeak oso handiak dira: % 31 80ko hamarkadan eta % 72 orain.