Albiste izango dira: Abian da Euskaraldia, gerrako haurrak eta Zornotzako krimena

Honako gai hauek hartuko dituzte gaur, azaroak 18, hedabideetako lerroburu nagusiak:

- Abian da Euskaraldia: Gauerdian abiatu da Euskaraldiaren hirugarren edizioa, eta Euskal Herrian hitzez ekiteko garaia abenduaren 2ra arte luzatuko da.

- Gerrako haurrak: Duela 85 urte Gerra Zibilean erbesteratutako haurrak omentzeko ekitaldia antolatu dute Gogora Institutuak eta Santurtziko Udalak, eta Iñigo Urkullu lehendakariak parte hartuko du.

- Zornotzako krimena: Zornotzan 2020ko maiatzean kolpeka hil zuten gizonaren heriotza argitzeko epaiketa hasiko da gaur Bizkaiko Lurralde Auzitegian zinpeko epaimahaiaren osaketarekin. Biktimaren iloba eseriko da akusatuen aulkian.