Munduko ekonomia % 2,9 haziko da aurten eta % 3,1 datorren urtean, Nazioarteko Diru Funtsaren arabera
Nazioarteko Diru Funtsak (NDF) bi hamarren hobeto du munduko ekonomiaren aurtengo hazkunde aurreikuspena (% 2,9) eta hamarren bat jaitsi du hurrengo urtekoa (% 3,1). Dena dela, erakundeak ohartarazi du aurreikusitako hazkundea batez besteko historikoaren (% 3,8) azpitik geldituko dela.
"Inflazioari aurre egiteko banku zentralek interes tasak igotzeko hartutako erabakiak eta Errusiak Ukraina inbaditu izanak jarduera ekonomikoaren bilakaera zailtzen dute", azaldu du nazioarteko erakundeak. Dena dela, Txinak berriro ateak zabaldu izana albiste ona dela onartu du. Edozein kasutan, Nazioarteko Diru Funtsak ez du aurreikusten munduko ekonomia atzeraldian sartuko dela.
Txinak mugak zabaldu ostean, bere ekonomia % 5,2 haziko da aurten, aurrez iragarritakoa baino zortzi hamarren gehiago. Euroguneak hazkunde apala izango du aurten (% 0,7) eta datorren urtean gehiago haziko da (% 1,6 ). Ameriketako Estatu Batuek ere hazten jarraituko dute: % 1,4 aurten eta % 1 heldu den urtean. Ukraina inbaditu arren aurreikuspen ekonomiko txarrei aurre egin die Errusiak: % 0,3 haziko da aurten eta % 2,1, ostera, datorren urtean.
Brexita gauzatu eta hiru urtera, Erresuma Batua da munduko ekonomia handien artean atzeraldian sartu den bakarra eta % 0,6 egingo du atzera aurten.
Prezioen bilakaerari dagokionez, munduko inflazioak beheranzko joerarekin jarraituko du: iazko % 8,8tik % 6,6ra jaitsiko da aurten eta % 4,3ra datorren urtean. Hala ere, ez da pandemia aurreko batez bestekora itzuliko oraindik, orduan % 3,5 ingurukoa baitzen.
Inflazioa jaisteko prozesua denboran luzatuko dela ohartarazi du NDFk. Hala ere, inflazioa pandemia aurretik baino altuagoa izango da ekonomia ia denetan (% 82-86).
Zure interesekoa izan daiteke
Eusko Jaurlaritza, Gipuzkoako Foru Aldundia eta PAPRESAko batzordea gaur arratsaldean bilduko dira CL Groupen eskaintzaren ostean
Hitzordua arratsaldean izango da, Gipuzkoako Foru Jauregian, Extremadurako enpresak Errenteriako paper-fabrika 39 milioi euroren truke erostea planteatu baitu, plantillaren % 72ri eutsita. Langileek aurreratu dute ez dutela proposamena onartuko.
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.