Gutxieneko soldata 1.080 eurora igotzea onartu du Ministroen Kontseiluak
Ministroen Kontseiluak gaur onartu du Lanbide arteko Gutxieneko Soldata (LGS) 1.080 eurora igotzea 14 ordainsaritan, Espainiako Gobernuak, CCOOk eta UGTk adostuta. Neurriak atzeraeragina izango du urtarrilaren 1etik aurrera.
Pedro Sanchez Espainiako Gobernuko presidenteak asteburuan Malagan baieztatu zuen LGSren Errege Dekretua aste honetan iritsiko zela Ministroen Kontseilura, otsailaren 9an, iragan ostegunean, entzunaldi eta informazio publikorako epea amaitu ostean.
Horrela, Espainiako Gobernuak legealdiaren amaieran bete du 2023an lanbide arteko gutxieneko soldata batez besteko soldataren % 60an kokatzeko konpromisoa. Gainera, ez da baztertzen Exekutiboak eta gizarte-eragileek urte erdi barru gutxieneko soldata berriro berrikustea, behar izanez gero inflaziora egokitzeko.
Espainiako turismo sektorea izango da igoera horren onuradun nagusietako bat. Aldi baterako eta sasoikako langileen kasuan, enpresa berarentzat lanean 120 egunetik gora eman ezean, soldataren zenbatekoa ezin izango da 51,15 eurotik beherakoa izan jarduneko legezko lanaldi bakoitzeko.
Orduko lan egiten duten etxeko langileen kasuan, lan egindako ordu bakoitza 8,45 euroan ordainduko da 2023an, ordainsari-kontzeptu guztiak, aparteko haborokinak, atsedenaldiak eta oporrak barne hartuta.
% 8ko igoera hori 2019tik izan den handiena da, orduan Espainiako Gobernuak % 22,3 handitu baitzuen gutxieneko errenta hori. 2020an, igoera % 5,6koa izan zen, eta 2021ean luzatu zen, harik eta urte horretako irailean % 1,6ko igoera berri bat onartu zen arte, hil horren 1etik 2021eko abenduaren 31ra arte aplikatu beharrekoa. 2022an, lanbide arteko gutxieneko soldatak % 3,6ko igoera izan zuen, eta 1.000 eurokoa izan zen 14 ordainsaritan.
Edozein kasutan, ELA sindikatuak ohartarazi du lanbide arteko gutxieneko soldatak ez duela bermatzen Europako Gutun Sozialak ezarritakoa. Azaldu duenez, EAEn gutxieneko soldata jasotzen duten 55.000 langileen kasuan (ez dago Nafarroako datu ofizialik) 1.400 euro jaso beharko lituzkete. Are gehiago, Hego Euskal Herriko langileak Europak ezarritako batez besteko soldataren azpitik geldituko dira eta erosteko ahalmena galtzen jarraituko dute.
Zure interesekoa izan daiteke
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.
Espainiako Gobernuak diesela 20 zentimo jaitsiko du irailean, uztailean prezioak gora egin ostean
KPIa lau hamarren igo da uztailean, % 3,6raino Espainia osoan, erregaien eta elektrizitatearen garestitzeak bultzatuta. EAEn, hazkundea bost hamarrenekoa izan da, % 3,7raino. Nafarroan, aldiz, zazpi hamarrenekoa, % 3,4ra arte.
HLREk Megapark merkataritza-gunea saldu dio NEPI Rockcastleri, 254 milioi euroren truke
Akordio honek, NEPI Rockcastlek Europako merkataritza-zentroen sektorean duen presentzia indartuko du, eta Bizkaian erreferentziazko aktibo nagusietako bat gehituko dio bere merkataritza-ondareari.
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.