Lan merkatua, Osakidetza eta egoera ekonomikoa dira EAEko herritarren kezka iturri nagusiak
Osasungintza eta Osakidetza dira, lan merkatuaren ostean, Euskadiko arazo nagusienak, gaur kaleratutako Soziometroak azalarazi duenez. Eusko Jaurlaritzak hiru hilabetean behin egiten du inkesta, boto-asmoari buruz zein egoeraren pertzepzioari buruz galdetuta.
Prospekzio Soziologikoen Kabineteak urtarrilaren 31 eta otsailaren 6a bitartean egin zuen galdeketa, telefonoz, EAEko 3.000 biztanleri itaunduta. Duela astebete kaleratu zuen foru eta udal hauteskundeei begira boto-asmoaren ingurukoa, eta gaur jakinarazi ditu bigarren zatiaren emaitzak.
EAEko arazo handienak zeintzuk diren itaunduta, lan merkatuarekin lotura dutenak dira nagusi, galdetutako herritarren erdiek baino gehiagok (% 56) aipatu baitituzte. Dena dela, aurreko galdeketekin alderatuta, bada aldea. Izan ere, osasungintza bigarren kezka iturri bilakatu da: herritarren % 35ek aipatu dute (urriko galdeketan % 19 izan ziren). Hirugarren tokian, arazo ekonomikoak daude, galdetutakoen % 28ren iritzian.
Jarraian beste arazo batzuk daude, hala nola etxebizitza eta etxegabetzeak, delinkuentzia eta herritarren segurtasunik eza, eta egoera politikoa eta politikariak, baina herritarren % 15etik behera aipatu dituzte.
Bestalde, egungo egoera pertsonala nolakoa den galdetuta, batez beste, 10etik 6,9ko nota jarri diote euskal herritarrek, eta urtebete barru hobea izango dela uste dute, 7,0koa jaso baitu. EAEko egoerari buruzko iritzia apalagoa da, 6ko nota eman baitiote inkestatutakoek. Are okerragoa izan da Espainiako egoerari emandako puntuazioa: 4,8.
Konfiantza gutxien sorrarazten duten erakundeen artean, Espainiako monarkia (% 18), alderdi politikoak (% 20) eta bankuak (% 20) aipatu dituzte herritarrek. Ifrentzuan, konfiantza gehien sorrarazten dituzte EHUk (% 85) eta Eusko Jaurlaritzak (% 78).
Alderdi politikoei dagokienez, EAJ da herritarren artean begikotasun handiena sortzen duen alderdia, 5,1 punturekin 0tik 10erako eskalan. Ondoren geratu dira PSE-EE (4,3), EH Bildu (4,0), Elkarrekin Ahal Dugu (3,6), PP (1,8), eta Vox (0,6).
Buruzagi politikoei dagokienez, Iñigo Urkullu lehendakaria (10etik 5,7ko nota lortu du) eta Maddalen Iriarte EH Bilduko buruzagia (5,5) dira azterketa gainditu duten bakarrak. Ondoren datoz Elkarrekin Podemoseko Miren Gorrotxategi (4,8), PSE-EEko Eneko Andueza (4,4), Voxeko Amaia Martinez (2,8) eta PPko Carlos Iturgaiz (2,1).
Albiste gehiago ekonomia
Greba mugagabea deitu dute Maderas de Llodio enpresan irailaren 22tik aurrera
Ohar batean, enpresa-batzordeak salatu du enpresak "ekoizpenaren % 40 beste lantokietara eramateko asmoa" iragarri duela. "Horrek deslokalizazioa suposatzen du, Madelas de Llodioko lantegiaren eta gure eskualdearen etorkizuna arriskuan jartzen duena".
EAEko familiek inoiz baino gehiago gastatu dute ostalaritzan, 4.207 euro
Euskadiko etxeetako batez besteko gastua egonkor mantendu zen 2024an, baina aisiak eta jatetxeek pisua hartzen jarraitzen dute elikaduraren, garraioaren eta irakaskuntzaren aldean.
Auzitegiak artxibatu egin ditu 17 medikuren aurkako salaketak, Osakidetzako Lan Eskaintza Publikoko filtrazioengatik
Arabako Auzitegiak artxibatu egin ditu Osasun Zerbitzuaren 2016-2017ko Lan Eskaintza Publikoan ustez egindako filtrazioengatik ikertutako 17 medikuren aurkako salaketak, eta ikertutako 19 lagunetatik 2ren aurka irekita uztea erabaki du.
Jaurlaritza langabezia subsidioen transferentzia bereganatzen saiatuko da asteazken honetan Espainiako Gobernuarekin
Kontribuzio-prestazioen eta langabezia-subsidioaren arloko eskumenak eskualdatzeko akordioa posible izan dadin "nahikoa denbora" eduki izana espero du Autogobernuko sailburuak.
Eusko Jaurlaritzak 2026ko urtarriletik aurrera berrekingo dio telelanari
Langile publikoek astean bi egunetan jardun ahal izango dute lan-modalitate horretan. Gainera, telelanaren bitartez lan egin dezaketen langile guztiei ere aukera hori ematen die dekretuak, betiere zerbitzu publikoa behar bezala ematen dela bermatzen bada.
Euskadik % 40 handitu du bere egungo potentzia elektrikoa, eta 16.000 megawatteko edukiera gaindituko du
Hala, "70.000 langilerentzako lana bermatzen da", eta bultzada esanguratsua dakar enpleguarentzat eta egonkortasun ekonomikoarentzat. Eusko Jaurlaritzak 6.000 megawatteko edukiera gehigarria nahi zuen, 18.000 MWetara iristeko.
Zenbateko potentzia elektrikoa behar du Euskadik?
Industria, Trantsizio Energetiko eta Jasangarritasun Sailak 6.000 MW gehiago eskatu ditu bere sarean, helburu industrialak eta deskarbonizazioa betetzeko.
Eusko Jaurlaritzak eta banku-erakundeek gazteentzako lehen etxebizitza eskuratzeko abalen programa jarri dute abian
Kutxabankekin, Laboral Kutxarekin eta Abancarekin ekin zaio programari, oraingoz lankidetza-hitzarmena sinatu dutenekin; baina, zabalik da erakunde gehiagok bat egin ahal izango dutela aurreikusten da. Finantzatu beharreko etxebizitzen erosketa-prezioa ezin izango da 340.000 eurotik gorakoa izan.
Albiste izango dira: Ustelkeriaren aurkako txostena Nafarroan, sare elektrikoari buruzko bilera Madrilen eta Venezuelako ontzi bati erasoa
Gaurkoan Orain-en albiste izango direnen laburpena, bi hitzetan.
Euskal gehiengo sindikalak pentsiodunen mobilizazioarekin bat egin du Herri Ekimen Legegilea izapidetzea eskatzeko
ELA, LAB, ESK, Steilas, Hiru eta Etxalde ere mobilizatuko dira irailaren 20an EAJri eta PSE-EEri beren jarrera "zuzentzeko" eta gutxieneko pentsioa gutxieneko soldatarekin parekatzeko ekimena izapidetzea eskatzeko.