Ansola: "Parke eolikoek eragina dute ingurumenean, baina baita isurietan ere"
Energiaren Euskal Erakundeko zuzendari nagusi Iñigo Ansola izan da gaur, asteazkenarekin, Radio Euskadiko "Boulevard" saioan, eta, bertan esan duenez, agerian geratu da Europaren mendekotasun energetikoa. "Energia berriztagarriak behar genituen aldaketa klimatikoari aurre egiteko, eta bide horretan aritu gara lanean, baina, azken urte honetan, Ukrainako gerra hasi zenetik, areagotu egin da behar hori", azaldu du. Horrekin lotuta, gasaren eta argindarraren prezioen igoerak etenik izango ote duen galdetuta, ez du gehiegi busti nahi izan, "zaila" iruditzen zaiolako aurreikuspenak egitea, egoera egun batetik bestera alda daitekeela iritzita.
Gaurkotasuna bazter utzi gabe, Labraza eta Azazetako parke eolikoak hizpide hartuta, zenbat eta energia berriztagarri gehiago izan, orduan eta hidrokarburo gutxiago egongo dela, eta, ondorioz, argindarraren prezioa jaitsi egingo dela azaldu du. "Espero dut bi proiektu horiek lehenbailehen gauzatzea", gaineratu du.
Parke bakoitzak 40 megawatteko potentzia izango du, baina, Ansolaren hitzetan, "bidea ez da hor bukatzen, energia berriztagarri gehiago behar ditugu". "Egia da gisa horretako parkeek eragina dutela ingurumenean, baina baita isurietan ere. Gure erronka nagusia da proiektu horiek gizarteratzen jakitea, hau da, nolabait inguruko herritarrentzat onuragarri izatea, dela energetikoki, dela haien parte hartzea bideratuz", erantsi du.
Halaber, ideia ona iruditu zaio parke eolikoak berritzea. "Dena den, parke bakoitzaren negozio plana bukatu arte ez da horrelakorik eginbehar. Parkeak berrituta ez dugu lortuko behar dugun energia berriztagarri guztia, horregatik behar ditugu parke gehiago", nabarmendu du.
2022ko abuztutik martxan den kontingentzia planaren emaitzekin pozik agertu da: "Bide onetik goaz gas naturalaren kontsumoari dagokionez, % 20 txikitu baita".
Bukatzeko, Iberdrolaren iazko etekinei buruz esan du "albiste ona" dela. "Euskal enpresa bat denez, irabazi horiek euskal herritar guztiengan dute eragina. Alegia, zerbitzu publiko guztietan kalitate adierazle onak izaten laguntzen dute", azaldu du.
Albiste gehiago ekonomia
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.