Eusko Jaurlaritzak "ezohiko garbiketa" egiteko agindua eman du Donostia Ospitalean
Eusko Jaurlaritzak "ezohiko garbiketa" egiteko agindua eman du Donostia Ospitalean. Ospitaleko garbiketa-zerbitzuen enpresa emakidadunek aparteko garbiketa eta desinfekzio zerbitzua egingo dute. Garbiketa hori "berehala" egingo da, amaitu arte behar den denboran, eta enpresako langileek egingo dute.
"Egiaztatu denez, zikinkeria eta desordena areagotu egin dira berriro, eta horri gehitu behar zaio gune jakin batzuetan sumatzen den kiratsa, instalazioetan metatutako hondakin organikoak desegitearen ondoriozkoa, horrekin pertsonen segurtasuna eta osasuna konprometituz", Enplegu Sailak ohar batean azaldu duenez.
Aitzitik, ELA sindikatuak salatu du Eusko Jaurlaritza Osakidetzak azpikontratatutako garbitzaileen "grebarako eskubidea urratzen" ari dela berriro, "Donostiako eta Arrasateko ospitaleetan aparteko bi garbiketa-agindu berriren bidez".
ELAk agirian adierazi duenez, "Eusko Jaurlaritzak, Osakidetzako garbitzaileen lan-gatazkari amaiera emateko bere tresnak erabili beharrean, aparteko hiru garbiketa agindu ditu aste honetan".
Azpimarratu duenez, joan den astelehenean "Mendaroko Ospitaleko ezohiko garbiketa agindu zuen, eta gaur beste bi Arrasateko Ospitalerako eta Donostia Ospitalerako, bigarrenez".
Sindikatu abertzaleak salatu duenez, "garbiketa horien helburua langileak desmotibatzea eta desmobilizatzea da"; izan ere, "hiru lantoki horiek dira otsailaren 27tik greba egiten ari diren ospitale nagusiak".
ELAren ustez, "ezohiko garbiketen erabakiak langile grebalariak zigortzeko eta grebaren jarraipena oztopatzeko erabaki politiko bati erantzuten dio".
Zure interesekoa izan daiteke
Milioi bat oilo baino gehiago konfinatu dituzte gaurtik aurrera Nafarroan eta Araban hegazti gripearen arriskuagatik
Nafarroako 12 udalerritako eta Arabako 6 udalerritako etxeko hegaztiek konfinatuta egon behar dute gaurtik aurrera, hegaztien gripeak Europan izan duen gorakadaren aurrean. Nekazaritza Ministerioak lasaitasuna eskatu du, baina zuhurrak izan behar direla azpimarratu du, kutsatzeak saihesteko eta birusaren hedapena geldiarazteko.
Etxebizitza sailburuak dio gehiago eraiki behar dela
EITB DATAk ezagutzera emandako datuak aztertu ditugu Denis Itxaso Etxebizitza eta Hiri Agenda sailburuarekin. Dioenez, etxebizitza gehiago eraiki behar da, baina horretarako lurzorua behar da. Epeak murriztea ere helburutzat jarri du sailburuak eta hiruzpalau urtean emaitzak ikusiko direla ziurtatu du.
Azken hamarkadan, nabarmen handitu da hipotekarako eskatzen dugun diru-kopurua: % 30 gehiago
Azken hamarkadan, etxebizitza ordaindu ahal izateko hipoteken zenbatekoak gora egin du Euskadin, Nafarroan eta Espainian. Izan ere, 2024. urtean azken hamarkadako markak hautsi ditugu.
Etxebizitzen eraikuntza gelditu den arren... Salerosketen kopurua zifra historikoetan dago EAEn eta Nafarroan
Euskadi 80ko hamarkadako erritmoan ari da eraikitzen, eta, hala ere, maximo historikoak gainditu ditu etxeen salerosketa-kopuruari dagokionez. Hori lortzeko, batez ere, bigarren eskuko etxebizitzen merkatua ari da mugitzen: saltzen diren etxeen % 85 ez dira berriak.
Nolakoak dira eraikitzen ari diren etxebizitza berriak?
Eraikitzen diren etxebizitzetatik zenbat dira babestuak? Eta, libreak? Zenbat dira ohiko etxeibizitzak? Eta zenbat daude bizilagunik gabe? Galdera horiek eta beste batzuek EITB Dataren azken txostenean dute erantzuna.
Alokairuak gora egin du Hego Euskal Herrian: sei etxetatik batean horrela bizi dira
EITB Dataren arabera, azken hamarkadan, Euskadin, Nafarroan eta Espainian alokairuan bizi diren etxebizitzen ehunekoa sei puntu inguru igo da.
Metro koadroa duela hamar urte baino % 35 garestiagoa da gaur egun Euskadin
Albiste honen barruan aurkituko duzun mapa interaktiboan, nabigatu dezakezu bizi zaren eremu funtzionaleko metro koadroaren prezioa zein den jakiteko: Donostiak jarraitzen du ranking horren buruan, eta ondoren datoz Getxo, Donostialdea eta Mungialdea.
Kamioilariek protesta egin dute Iruñean, "Bidesariei ez" lelopean
Ehun kamioilari baino gehiago bildu dira protestan larunbat honetan Iruñean. Garraiolari nafarrak bidesariak "inposatzearen aurka" agertu dira, eta hauek eskatu dituzte: "bidezko fiskalitatea, azpiegituretan hobekuntzak, belaunaldien arteko erreleboa eta garraiolarien duintasun profesionala bermatuko duten neurri eraginkorrak".
Talgo % 9,7 igo da burtsan Sidenorrek konpainiaren % 30 erosi ondoren
Talgoren kotizazioa ordubete inguru egon da etenda ostiraleko saioan, konpainiak Balore Merkatuaren Batzorde Nazionalari Sidenorrek akzio-pakete hori erosi duela jakinarazi aurretik.
Sidenorren arabera, Talgok "etorkizuneko proiektu sendo batekin" ekin ahalko dio etapa berriari
Mikel Jauregi Eusko Jaurlaritzako Industria sailburuaren esanetan, euskal partzuergoak Talgoren % 29,76 erosteko sinatutako akordioa "mugarri oso garrantzitsua" da urtea amaitu aurretik operazioa gauzatu ahal izateko. EAJk euskal industriaren aldeko apustuaren erakusgarri gisa ospatu du operazioa; EH Bilduk, berriz, albiste ontzat jo du, nahiz eta izen aldaketa eskatuko duen eta beheranzko joera hartua duen euskal ekonomiarentzat lagungarria izatea espero du.