Nazioarteko Diru Funtsak % 3ko hazkunde ekonomiko globala iragarri du hurrengo bost urteetarako
Nazioarteko Diru Funtsaren (NDF) aurreikuspenen arabera, barne produktu gordin (BPG) globalaren hazkundea % 3 ingurukoa izango da datozen bost urteetan. Epe ertainerako aurreikuspen txarrenak dira 1990etik. Gainera, azken 20 urteetako BPG globalaren hazkundearen batez bestekoaren azpitik dago (% 3,8).
Kristalina Georgieva NDFko zuzendariak aurreratu ditu astearterako iragarrita dauden aurreikuspenak: "Aurretik dagoen bidea, bereziki hazkunde sendora itzultzeko bidea, latza eta nahasia da, eta bat eginda mantentzen gaituzten sokak ahulagoak izan daitezke orain duela urte batzuk baino".
Georgievak azaldu duenez, blokeen artean "alde nabarmenak" daude. Horrela, hazkundea herrialde emergenteek gidatuko dute: "Asia bereziki distiratsua da". "India eta Txina 2023an munduko hazkundearen erdia izatea aurreikusten dugu", zehaztu du.
"AEBn eta eurogunean", ordea, "jarduera ekonomikoa moteltzen ari da, interes tasa altuek eskarian eragina baitute", azaldu du.
Nolanahi ere, Georgievak azpimarratu du bankuak 2008ko krisian baino sendoagoak eta erresilienteagoak direla, baina erne egoteko eskatu die agintariei. Arazo larririk agertzen ez den bitartean, inflazioari aurre egiten jarraitzeko agindu die banku zentralei.
NDFko zuzendariak, halaber, lehenetsi du epe ertainean hazteko aukerak hobetzea eta herrialde pobreenen zorraren arazoak murrizteko nazioarteko elkartasuna handitzea.
Zure interesekoa izan daiteke
Metroko bi zaintzailek Urdulizen jasandako eraso "bortitza" salatu dute
CC. OO. sindikatuak Metro Bilbaori eta enpresa esleipendunari eskatu die plantillari baliabide egokiak emateko "muturreko indarkeria" egoerei aurre egin ahal izateko.
Justiziak errefusatu egin du mediku gazatar bat Sidenorren aurkako akusazio partikular gisa aurkeztea, eta ez ditu kontuan hartuko Basauriko erregistroak
Akusazio partikularra erretiratu ostean, ezin izango dira Jose Antonio Jainaga eta beste bi zuzendari ikertu genozidio eta gizateriaren aurkako delituen konplizitateagatik. Siderurgia-enpresaren aurkako ikerketa zabalik dago Auzitegi Nazionalean, altzairua Israelgo enpresa bati esportatzeagatik eta hori ustez armamentua fabrikatzeko erabiltzeagatik.
Voloteak txartelen prezioa erregaiaren kostuaren arabera igo eta jaitsi ahal izango du, 14 eurorainoko tartearekin, hegaldia baino astebete lehenago
Fair Travel Promise sistema berri eta aldakorraren bidez gehigarri finko tradizionalak ekidin nahi ditu konpainiak. Hala, airelineak txartelaren behin betiko salneurria erregaiaren prezioaren arabera doitzeko aukera izango du.
Hithiumen inbertsioa Nafarroan gauzatzeko akordioa sinatu dute Chivitek eta Txinako enpresak, Pekinen
Proiektuari esker 405 milioi euro inbertitu eta 700 lanpostu inguru sortuko dira, lehen fasean, Nafarroan, eta bigarren fasean mila lanpostu ere izan daitezke.
Tasa turistikoa Donostian: Hurtadok uste du ezinezkoa dela uda baino lehen ezartzea, eta Mendoza elkarrizketarako prest agertu da
Jon Insausti alkateak Donostiako tasa turistikoa uda aurretik ezartzea mahai gainean jarri ondotik, gaia pil-pilean dago: Javier Hurtado Turismo sailburuak Radio Euskadin adierazi du ez duela uste bideragarria denik 2027a baino lehen ezartzea, epe teknikoak direla eta. Bien bitartean, Eider Mendoza Gipuzkoako ahaldun nagusiak Euskadi Irratian esan du Gipuzkoako Batzar Nagusietan eztabaidatuko dutela, akordio batera iristeko.
Abian da errentaren kanpaina Bizkaian: % 70ek "itzultzeko" emaitza izango dute, zergadunen alde
Ekainaren 30era arte luzatuko da epea, eta Foru Ogasunak 683.000 errenta-aitorpen inguru aurkeztea aurreikusten du.
Osakidetzarako lan-eskaintzaren lehen probak ekainaren 19an, 20an eta 21ean egingo dira
Aurreko deialdiekin alderatua, badira zenbait berritasun: besteak beste, probaren nota gorde ahalko da, eta test motako azterketa bakarra egingo da. Guztira, 5.425 lanpostu eskainiko dira, eta 2.160 berriak izango dira.
Sindikatu eta abokatuek langileak "finko" egin ditzatela eskatu dute, Europar Batasuneko Justizia Auzitegiaren ebazpenaren ondoren
Auzitegi Gorenari dagokio orain mahai gainean dituen auziak ebaztea eta Europako ebazpena nola bete behar den zehaztea. Interinok Taldea sindikatuak eta auzia bultzatu duen abokatuak kontratu finkoak izatea ezinbestekotzat jotzen dute. ELAk Gobernuaren “borondate politiko eza” agerian gelditu dela salatu du.
Espainiako Gobernuak dio Europako Justiziaren epaiak ez duela behartzen langile interinoak zuzenean finko bihurtzera
Astearte honetan argitaratutako epai batean, Europar Batasuneko Justizia Auzitegiak adierazi du ez dela nahikoa Espainiak interinoak mugagabe ez-finko bihurtzea. Espainiako Gobernuak, bien bitartean, berretsi egin du langileen behin-behineko kontratuen kopurua murrizteko konpromisoa duela, eta nabarmendu du 419.756 plaza egonkortu dituela dagoeneko.
Inflazioa % 3,4koa izan da martxoan Euskadin, eta % 3,5ekoa Nafarroan, petrolioaren prezioaren ondorioz
Martxoko inflazioa Espainiako Estatuan uste baino hamarren bat altuagoa izan da, erregaien prezioen gorakadak eraginda.