Ugarte (SEA): "Gure enpresa egituragatik, ez dut aukerarik ikusten lau eguneko lan astea ezartzeko"
Juan Ugarte SEA Arabako enpresaburuen zuzendari nagusiak ez du bideragarri ikusten lurraldean lau eguneko lan astea ezartzea, batez ere industriak lurraldean duen pisuagatik.
"Araba Espainiako lurralde industrialena da, asko esportatzen du eta munduan lehiatzen da. Lanorduak murrizten baditugu, kostuak asko igoko dira. Merkatua prest egongo al da igoera horiek onartzeko? Ezezkoan nago", adierazi du.
Valentzia hirian proba pilotua izango dute martxan hilabetez, apirileko astelehenak jaiegunak direla baliatuta: lau eguneko lan asteak mugikortasunean, osasunean, ekonomian eta aisialdian duen eragina neurtuko dute. Radio Euskadiko "Boulevard" saioan ekimena Araban txertatzeko aukeraz galdetuta, komunikazio edo telekomunikazio enpresetan agian balekoa izan daitekeela erantzun du, baina ez enpresa industrialetan.
Egungo egoera ekonomikoa ahotan, Ugartek esan du nazioartean dagoen ziurgabetasunari finantzazio arazoak eta finantza kostuak erantsi zaizkiola orain, eta, ondorioz, ustiapen kostuak "makal" daude. "Jarduna egon badago, baina arazoa dugu marjinekin, horrek guztiak eragina du ustiapen gastuetan", azaldu du.
Bestalde, EAEko absentismo tasa jaistea "albiste ona" dela nabarmendu du Ugartek —Adeccoren azken txostenaren arabera, Estatuko bosgarren tasa handiena du EAEk—. Dena dela, arazo horrekin "kezkatuta" daudela onartu du: "Ez da logikoa lan baldintza onenak edukita Espainiako absentismo tasa altuenetarikoak edukitzea".
Azkenik, EAEn dagoen lan gatazka kopuru handiari buruz —2022an, Estatuko greben erdiak gurean izan ziren, Lan Ministerioaren arabera— Ugartek esan duenez, "EAEko lan baldintza onak ez dira mobilizazioei esker lortutakoak". Horren aburuz, "punta-puntako enpresak ditugu eta horri esker ditugu baldintza onenak".
Zure interesekoa izan daiteke
Behargin bat hil da Zamudion, lan-istripuz
Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren.
BBVAk 3.000 milioiko irabaziak izan ditu lehen hiruhilekoan (+%10,8) eta akzioak berrerosiko dituela iragarri du
Erakundeak diru-sarrerak eta errentagarritasuna handitu ditu kredituaren bultzadari esker, eta akzioak berrerostea aurreikusi du, 1.460 milioi arte inbertituta.
Brent upela % 5 baino gehiago garestitu da ostegun honetan, 126 dolarrera ere iritsita
Pasa den otsailaren 28an AEBk eta Israelek Iranen aurkako gerra abiatu zutenetik, Brent upela % 70 baino gehiago garestitu da.
Ekialde Hurbileko gatazka "inoiz ez bezalako ziurgabetasun-mailak" sortzen ari da turismoaren sektorean, Aenaren arabera
Espainiako aireportuetako operadoreak ziurtatu duenez, erregaiaren eta kerosenoaren hornidura ziurtatuta dago datozen asteetarako; hala ere, ohartarazi duenez, "gerraren iraupenaren araberakoa izango da guztia".
23 urtetik gorakoek maiatzaren 12tik aurrera eskatu ahal izango dute Emantzipa dirulaguntza
Hala, zabaldu egingo du adin tartea. Orain arte 25 urtetik gorakoek eska zezaketen, baina, aurrerantzean, 23 eta 29 urte arteko gazteek izango dute aukera laguntza hori eskatzeko.
EAEko Auzitegi Nagusiak baliogabetzat jo du Bilboko JM ikastetxeko 59 langile kaleratzeko erabakia
ELA sindikatuak ohar batean adierazi duenez, Auzitegi Gorenak kaleratze kolektiboaren aurkako errekurtsoa onartu izanak agerian uzten du porrot egin zuen Jesuitinas ikastetxearekin bat egitea eta langileak kaleratzea prozesu "iluna eta gaizki kudeatua" izan zela, eta horrek "familien kezka eta ikasleen matrikulazio-desbideratzea" eragin zituela, "ikastetxea behin betiko ixtera kondenatu" arte; "guztia, Eusko Jaurlaritzaren onespenarekin eta konplizitatearekin", sindikatuaren arabera.
Epaitegi batzuk hasi dira langile interinoak finko egiten, Europako Justiziaren epaiaren ondoren
Pasa den apirilaren 14an Europar Batasuneko Justizia Auzitegiak ebatzitakoaren arabera, Espainian administrazioarekin aldi baterako kontratuak kateatu dituzten interinoak mugagabe ez-finko bihurtzea ez da neurri nahikoa abusu horiek konpentsatzeko.
KPIaren urtearteko tasa % 3,2ra jaitsi da apirilean, erregaia igo arren, argindarra jaitsi izanak bultzatuta
Erregaiak dira oraindik ere goranzko presio handiena egiten dutenak, Irango gerrak eragindako shockak irauten duen seinale. Hala ere, eragin hori leundu dute, nolabait, elektrizitatearen prezioaren jaitsierak eta Espainiako Gobernuak onartutako neurri fiskalek.
Iberdrolak 1.711 milioi irabazi ditu lehen hiruhilekoan, eta 2026rako mozkin garbi doituaren aurreikuspenak hobetu ditu
Konpainiak urtarrila eta martxoa artean izandako ustiapeneko emaitza gordina (Ebitda) 4.067,1 milioi eurora iritsi da, duela urtebete baino % 9,7 gutxiago.
Patronala absentismoa nola erabiltzen duen salatu dute sindikatuek laneko osasunaren eguneko mobilizazioetan
Sindikatu guztiak irten dira kalera apirilaren 28 honetan. LAB, ESK, STEILAS, EHNE-Etxalde eta HIRU sindikatuek elkarrekin egin dute manifestazioa, Donostian. ELAk, CCOOk eta UGTk euren mobilizazio propioak egin dituzte, Bilbon.