EH Bilduk eta ERCk Espainiako Gobernuarekin adostutako Etxebizitza legeak alokairuaren prezioa mugatuko du
EH Bilduk eta ERCk Etxebizitza Lege berria adostu dute Espainiako Gobernuarekin, eta alokairuari mugak jartzeko "tresna" gisa aurkeztu dute, izan ere, erkidegoen eta udalen esku egongo da legeak aurreikusten dituen mugak jartzeko aukera baliatu edo ez erabakitzea.
Oskar Matute EH Bilduren ordezkariak eta Pilar Vallugera ERCkoak prentsaurrekoa eman dute eguerdian Espainiako Gobernuarekin izandako urtebeteko "negoziazio isilaren" emaitzari buruzko xehetasun guztiak emateko.
Matutek azpimarratu du akordioari esker azkenean legeak "etxebizitza eskubidea" aitortuko duela, "bizi baldintzak hobetzen" dituela, eta horregatik jasoko duela onartua izateko behar dituen EH Bilduren eta ERCren 18 botoak Diputatuen Kongresuan. Horren harira, araua legegintzaldi honetan bertan onartzea espero dute.
Diputatuek azaldu dute neurri zorrotzenak udalek edo erkidegoek tentsio handiko eremu izendatutakoetan ezarriko direla. Zein baldintza bete behar ditu eremu (errolda barruti) batek tentsio handiko izan dadin? Maizterrek batez besteko diru-sarreren % 30 baino gehiago bideratzen dutenean alokairu edo hipotekarako eta oinarrizko gastuetarako, edo azken bost urteetan prezioak KPI baino 3 puntu gehiago igo direnean. Bi baldintzetako bat betetzea nahikoa da tentsio handiko eremu izendatu ahal izateko.
Puntu horretan, Matutek gogorarazi du EAEn batez beste diru-sarreren % 30,26 ordaintzen dela etxebizitzagatik, eta ondorioz, "erkidego osoa" izenda daitekeela tentsio handiko eremu. Onartu du erkidego edo udalen borondatea izango dela izendapen hori lortzeko eskera egitea, baina nabarmenduz jada badagoela prezioak mugatzeko "tresna" bat.
Tentsio handiko eremuetako alokairu guztiak erregulatu eta mugatuko dira, "kasu guzti-guztietan". Alokatzaile handi eta txikiei eragingo die, bai indarrean dauden kontratuei, bai berriei.
Mugak kontratu eta jabetzaren arabera ezarriko dira. Hala, alokatzaile txikiek aurreko kontratuko prezioa izango dute oinarri, eta handiei prezioak egonkortzeko indize bat ezarriko zaie.
"Beti KPIaren azpitik"
Neurri orokor gisa, alokairuaren prezioa ezingo da % 2 baino gehiago igo 2023an, eta % 3 2024an. 2025etik aurrera, berriz, oraindik zehazteke dagoen indize bat erabiliko da, baina "beti" egongo da "KPIaren azpitik".
Gainera, "jabe handia"ren esanahia aldatu egin da lege berrian, eta bost etxebizitza dituzten jabeak "jabe handiak" izango dira tentsio handiko eremuetan. Jabe mota horrentzako neurriak ezarriko zaizkie, espekulazioa galarazteko eta "putre funtsei" ateak ixteko helburuarekin.
Etxegabetzeak
Etxegabetzeen kasuan, debekatu egingo dira data eta ordua zehaztuta ez badaude. "Etxebizitza eskubidearen aldeko mugimenduen eskaera historikoa da hori, maizterren zalantza egoera eta babesgabetasuna amaitzeko", ERCren eta EH Bilduren arabera.
Prozesuak bi urte baino gehiago luzatzeko aukera egongo da, eta epaitegietatik kanpoko irtenbide bat eman beharko zaie pertsona zaurgarriei.
Gainera, erkidegoek, etxegabetuei aterpea emateko, baliabide propioez gain Estatuarenak erabili ahal izango dituzte, eta jabe handiak behartuko dituzte alternatiba horien bilaketan parte hartzera.
Higiezin agentzien gastuak
Maizterrak babesteko beste neurri batzuen artean, legea onartzen denetik aurrera etxebizitzaren jabeak ordaindu beharko ditu higiezin agentzien gastu guztiak.
Era berean, debekatuta egongo da alokairuak beste gastu batzuen bitartez garestitzea, komunitate gastuekin, zaborren tasekin edo aurrez adostu gabeko bestelako gastuen bitartez.
Zure interesekoa izan daiteke
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.