Jaurlaritzak ez du helegiterik aurkeztuko Arabako Mahastiak sor-marka bertan behera uzteko erabakiaren kontra
Eusko Jaurlaritzak ez du helegiterik aurkeztuko Arabako Mahastiak sor-marka bertan behera uzteko EAEko Auzitegi Nagusiak emandako epaiaren kontra, eta "Europar Batasunak zer erabakitzen duen zain" geratzea ebatzi du, Bingen Zupiria Jaurlaritzako bozeramaileak jakinarazi duenez.
Jaurlaritzak urrian baimendu zuen Arabako Mahastiak jatorri-izena, eta handik gutxira etorri zen erabaki horren kontrako helegitea Errioxa Jatorri Deitura Kalifikatuaren Kontseilu Arautzailearen aldetik. Argudiatu zuenez, sor-marka berriak "ardo mota berberak, ezaugarri berberak dituztenak eta mahasti berberetatik datozenak" hartuko lituzke eta horrek "kontsumitzailea nahastuko" luke, "atzera-bueltarik gabeko kalteak" eraginda. Auzitegiak, arrazoia eman zion auzi-jartzaileari, eta Arabako Mahastiak sor-marka behin-behinean bertan behera utzi zuen.
Gobernu bileraren osteko prentsaurrekoan gaiaz galdetu diote Zupiriari. Bozeramaileak aitortu duenez, batzarrean ez dute gaia aipatu, baina indarrean dagoen legediak ezarritako prozedura bete dutela zehaztu du.
Bozeramaileak ez du epaiari buruzko iritzirik eman nahi izan, eta "Europar Batasunak zer erabakitzen duen zain" egongo direla erantsi du.
Zure interesekoa izan daiteke
100 mila pertsonak baino gehiagok eman du izena Osakidetzako LEParen lehen fasean
Orain arteko prozesuetan inoiz izan den izen-emate kopururik handiena izan da. Fase honetan 9 kategoriatarako lanpostuak eskaini dira, besteak beste, administrari, erizain eta zeladore postuak. Azterketak ekainean izango dira.
Torres beldur da Tubos Reunidosen edo Tubacexen bezala ez ote duen Irango gerrak beste batzuengan ere eragingo
Mikel Torres lehendakariorde eta Ekonomia, Lan eta Enplegu sailburuak adierazi duenez, Iranen gatazkak bere horretan jarraitzen badu, eragina izango du "ziurrenik" euskal industrian; Tubos Reunidosko EEEa eta Tubacexen etor litekeen aldi baterako erregulazioko espedientea, kasu. Izan ere, Torresen hitzetan, "euskal industria sektorea oso lotuta dago nazioarteko merkataritza horrekin eta egoera energetikoarekin".
Euskal unibertsitate-tituludunen % 78k Euskadin jarraitzen dute; Lanbide Heziketaren kasuan, % 94k
Unibertsitateko tituludunen artean, % 22 Euskaditik kanpo ateratzen dira, baina gehienak "arrazoi pertsonalengatik" ateratzen dira, 'Talentu-ihesa Euskadin' diagnostiko-txostenaren arabera.
Bruselak energiari buruzko neurriak aurkeztu ditu: argindarraren zergetan beherapenak, baina telelanik ez
Europako Batzordeak berehalako laguntzak proposatu ditu, elektrifikazioa bizkortzeko eta erregai fosilekiko mendekotasuna murrizteko egiturazko neurriekin.
Lufthansak 20.000 hegaldi bertan behera utziko ditu urrira arte, erregaia aurrezteko
Lufthansa taldeak jakinarazi duenez, neurriaren bidez 40.000 tona keroseno aurreztuko dituzte. Izan ere, Irango gerra hasi zenetik bikoiztu egin da erregai horren prezioa.
Tubacexen zuzendaritza neurriak hartzea aztertzen ari da, Ormuzko itxierak lan karga jaistea eskarri duelako
Tubacexek lantegiak ditu Laudion eta Amurrion, eta ez du baztertzen aldi baterako lan-erregulazioko espedientea aurkeztea.
ELAk eta LABek salatu egin dute etxebizitzaren arloko premiazko neurrien dekretuak jabeei egiten diela mesede
Tentsio handiko eremuetan alokairurako erreferentziazko prezioen indizeari dagokionez, zentralek uste dute "prezioen igoera sendotzen" laguntzen duela. "Igoerei muga jartzen zaien arren, prezioek gora egiten jarrai dezakete", esan dute.
Espainiako aire sektoreko patronalak dio erregai hornidura nahikoa izango dela udarako
Aurreikuspenen arabera, iazko datuekin alderatuta, bidaiari kopurua % 5,7 haztea espero dute Espainiako aire konpainiek uda honetan. 260 milioi euroko fakturazioa espero dute.
Esportazioek behera egin dute Hego Euskal Herrian, energiaren prezioen jaitsierak eta automobilgintzaren eraginak bultzatuta
Euskadik eta Nafarroako kanpo-merkataritzako salmentak murriztu egin dira otsailean, % 5,9 eta % 7,7, hurrenez hurren, urteko kopuru metatuari erreparatuta. Merkataritza-saldoak, ordea, positiboan jarraitzen du bi lurraldeetan.
20.000 enplegu baino gehiago sortzea aurreikusten du Eusko Jaurlaritzak onartutako 2025-2027 Enplegu Planak
Hiru urterako planak Eusko Jaurlaritzaren, foro aldundien eta toki erakundeen arteko koordinazioa indartu nahi du, baita gizarte eta Ekonomia eragileekiko lankidetza ere.