'Arabako Mahastiak' eta ABRAk helegitea jarri dute EAEko Auzitegi Nagusiaren erabakiaren aurka
'Arabako Mahastiak' eta Arabako Errioxako Upeltegien Elkarteak (ABRA) berraztertze-helegitea jarri dute gaur, Euskal Autonomia Erkidegoko Justizia Auzitegi Nagusiak (EAEAN) emandako ebazpenaren aurka; izan ere, bertan behera utzi dute kautelaz Eusko Jaurlaritzak deiturari bere ardoak merkaturatzeko eman zion baimena.
Ines Baigorri ABRAko zuzendariak Europa Pressi azaldu dionez, elkarte horrek eta 'Arabako Mahastiak'eko Kontseilu Arautzaileak helegitea aurkeztu dute erabaki horren aurka EAEko Justizia Auzitegi Nagusian.
Bi elkarteek argudiatu dute EAEko Justizia Auzitegi Nagusiaren epaian ez dela "justifikatzen" izendapen hori aitortzeak Errioxa Jatorri Deitura Kalifikatuari (JDKa) "kalterik" eragiten dionik.
Errekurtsoan azpimarratzen denez, ebazpenean "ez da egiaztatu Errioxako JDKk planteatutako eskaera onartzea ahalbidetuko lukeen balizko kalte konponezina".
Gainera, beren jarrera defendatzeko prozedurazko eta eskumeneko hainbat gai aipatzeaz gain, eta argudiatzen dute 'Rioja' eta 'Arabako Mahastiak' izenen baldintza-agiriek agerian uzten dutela bi zigiluek babestutako ardoak "desberdinak" direla.
Euskal Autonomia Erkidegoko Auzitegi Nagusiak "Arabako Mahastiak" etiketa erabiltzeko aukera behin-behinean bertan behera uztea erabaki du, Europar Batasunetik behin betiko erabakia iritsi arte. Epaitegiaren arabera, erabaki honek "ez dio kalte larririk egiten" sor-marka berriari, azken erabakia etorri arte zeukan "babesa atzeratu besterik ez" baitu egiten.
Zehazki, Eusko Jaurlaritzak 2022ko urriaren 7an onartu zuen agindua utzi du bertan behera Auzitegiak. Agindu hartan, "Arabako Mahastiak" izendapena baimendu eta sor-markari behin-behineko babesa eman zion Jaurlaritzak. Aginduak argi utzi zuen behin-behinekoa zela, Europar Batzordeak gaiari buruz erabakia hartu bitartekoa.
"Errioxa" Jatorri Deitura Kalifikatuaren Kontseilu Arautzaileak Eusko Jaurlaritzaren arau hori epaitegietara eraman zuen, eta behin-behinean bertan behera uztea eskatu. Sor-marka berriak "ardo mota berberak, ezaugarri berberak dituztenak eta mahasti berberetatik datozenak" hartuko dituela argudiatu zuen. Horrek "kontsumitzailea nahastuko" duela eta "atzera-bueltarik gabeko kalteak" eragingo dituela adierazi zuen.
Erreakzioak
Eusko Jaurlaritzatik adierazi dute "errespetatu" egiten dutela Auzitegi Nagusiaren erabakia, baina gaineratu du eutsi egiten diotela Arabako Mahastiak deituraren aldeko babesari, eta espero duela Europako Batzordeak "lehenbailehen" ebaztea auzia.
"Errioxa" Jatorri Deitura Kalifikatuaren Kontseilu Arautzailea, aldiz, pozik agertu da, baina zuhurtziaz hartu du, "gaiaren funtsari buruzko epaia EAEko Justizia Auzitegi Nagusiaren ebazpenaren zain dagoelako", "Errioxa" Jatorri Deitura Kalifikatuak prentsa-ohar batean jakinarazi duenez.
Zure interesekoa izan daiteke
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestituko dira litroko gaurtik aurrera, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.
Tubos Reunidosek 88,19 milioi euroko galera ekonomikoa izan du 2026ko lehen seihilekoan
Konpainiak nazioarteko arantzelek eragindako beherakadari eta enplegu-erregulazioko espedientearen negoziazioan zehar lantegietan izandako mobilizazioei egotzi die emaitza negatibo hori.
Etxebizitza-salerosketen kopurua % 8,2 igo da Nafarroan, eta % 13,6 jaitsi da EAEn, maiatzean
Notariotzaren Kontseilu Nagusiaren arabera, etxebizitzaren prezioa % 13,5 garestitu da Nafarroan eta EAEn, berriz, egonkor mantendu da.
BBVAk 6.051 milioi irabazi ditu ekainera arte, iaz baino % 11 gehiago, diru-sarrera errepikariek eta kredituen igoerak bultzatuta
Erakundeak akzioak berrerosteko ezohiko programa berri bat iragarri du, 2.000 milioi eurokoa. Lehenengo tartea, 1.000 milioikoa, abuztuaren 5ean hasiko da.
Urte arteko KPIa % 3,5eraino igo da uztailean Espainian, erregaien eta argindarraren igoeragatik
Azpiko inflazioa (energia eta elikagai freskoak kontuan hartzen ez dituena) hamarren bat igo da uztailean, % 3raino.